Isaia 56:8 - Iaai Bible 1901 (New Caledonia)

⁸ Haingen Than Iehova, at ame ûkhacaköuâ ta je hna obâ a at Isaraela, ka habe, Oge me he bi ju ka ûkhacaköu keihen unyin, ke ca ha bi ge hing aten adre hia but ûkhacaköu.

Isaia 56:8 ပူးပေါင်းရင်းမြစ်များ

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Salamo 106:47

Iehova Khonguhmun lö, omeli öhmun, Me ûkhacaköuʼ öhmun dö ûnyi hnyi ta je hnyei, He ka oleâ iâm ae kap, Me ohobeluâ hnyi hna oganö u.

Salamo 147:2

Iehova ame op Jerusalema; E ame ûkhacakouâ hmetu at Isaraela adre obâ,

Isaia 43:6

oge me he ka ha ka ke keihen hwadro, ka habe, Hna but; ke ka ke keihen hwaiöu, Ca behânâ bi; hom but lakuk obaga ûhedra sâkâû, ke lakuk wahlu ûnyi hnyi je can hmeledrany;

Isaia 49:12

Wâ bi, ame he ka o tavat ang ûhedra sâkâû: ke wâ bi, tavat ang ûhedra hnyi hwadro, me ûhedra jimeû; ke tavat ang ûhedra hnyi hnyei Sinim.

Isaia 49:22

Walang hna ha hnö Iehova, ka habe, Oge me he ka hai hnyamok ka ta je hnyei, ke oge me he ka otilâ anyik boudila ka tavat: ke adre me he ka hom jem lakom obaga hnyi je ûlaidra, ke vadren lakom wahlu.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 54:7

Ke oge hia but hna degeci u hnyi ong ûen ae ûhnyûkong; ke oge me he ka köp u hmetu hnyi tang betenge ae gan.

Jeremia 30:17

Anyin oge me he ka oâ hmetu köu mot, ke oge me he ka ometâ hnâm je aat, haingö Iehova; anyin adre hia but hao u, ka habe, Hna degec, haingodra E bi Ziona, waleji ame ca elâm hnen ke at.

Jeremia 31:10

Je hnyēi lö, löng ju hofuc ho Iehova, ke haimemenâ thö e hnyi je bomene ae sâkâû: me ha, ka habe, Haba at ame ovesei Isaraela ame he ka ûkhacaköu ödra hmetu, me tuʼ ödra, helâ me at ame tuö haleny hnahat mamoe.

Ezekiela 34:12

Haba at tuö mamoe ame elam hnahat haleny hnyi ûen e ame tha e me hnahat haleny mamoe adre vese, helâe oge me he ka elâm halek hnahat mamoe, ke oge me he ka hum ödra ûnyi hnyi je dok hia waleji adre vese ka hnyin, hnyi bong ae khömet me menekholom.

Hosea 1:11

Ke ame he ka ûkhacaköu je lakon Juda, me je lakon Isaraela, ke adre me he ka otilâ hobi kodra ke taben a khaca, ke adre me he ka he but ûnyi hnyi hnyei: anyin ame he ka bong ae gan bong bongu Jezerela.

Mika 4:6

Hnyi bong eling, haingo Iehova, oge me he ka ûkhacaköuâ tavat adre me he ci, ke oge me he ka ûkhöûnâ at adre obâ, me at oge hia but ovecâ;

Ioane 10:16

E hu minya ke ta je mamoe a halek, a ca hanen kak ang: ke ûcû könya he ka hum ödra minya, ke adre me he ka long ifucik; me me khaca thibi hnahat mamoe, ke khaca thibi at ame tuö.

Ioane 11:52

ke ca hake hnân hnyei eling, ke so bi mʼ adre me ûkhacaköu lakon Khong adre vese, mʼ adre me khaca thibi.

Ioane 7:35

Me haba at Juda adre me ûhnenamököuâ, ka habe, Ewa dok ame he at ang ka he ka hnyin mʼ ate me ca he bi ka wâ; hawa, e ame he ka he ka tavat adre vese unyin at Heleni, me nâ at Heleni?.

Efeso 1:10

hnyi hna penapena bekhötâ ta je ûen, me me khaca thibi ta je ûnyi hia ka Keriso, wale ta je ûnyi ethö hnyi drany, me ta je ûnyi eang hmeledrany; hnân hobi kâu,