Isaia 56:6 - Iaai Bible 1901 (New Caledonia)

⁶ Ke haba ta je atkanyua minya, tavat adre me ûkhacaköu kö Iehova, he ka bi athnyabainy, me hnyok ka iö Iehova, me bi huliwa kâu, ödra hia thithö adre me tuö sabath me ca okongoâ, me kât hmâ anyik ûhihinyköu;

Isaia 56:6 ပူးပေါင်းရင်းမြစ်များ

I. Je Than 8:41

Ke haba atkanyua a ca hanen bi lakem a Isaraela, ke e ka o ûheny hnyi hnyei ae sâkâû ge iâm;

Isaia 14:1

A NYIN ame he Iehova ka betenge ga Jekob, ke e ame he hmetu ka ûco Isaraela, me ip ödra hnyi idra: kʼ ame he je atkanyua ka tha e mödra, kʼ adre me he ka kece ka lap anyi Jekob.

Isaia 44:5

Ame he ke at ka ha ka habe, Inya atö Iehova; ke ame he ke at ka hwenyi ien bi hoton iö Jekob; ke ame he ke at ka sihnalimen ge hnyamen hobi kö Iehova, me hwenyi ien hoton iö Isaraela.

Isaia 58:13

U je ne thawâ cam hnyi sabath, me ca ânyâ bi wem hnyi anyik bong ae kap; ke u me he ka ha ge sabath a bonginy senyin, me ha ge hna okabâ hnö Iehova a hnân ogânâ; ke u je ne ogânâ e, me ca vheno dem je gethen, me ânyâ ûnyi hnân osenyini u, me ca ha bi hwâm bi je hofuc:

Isaia 60:10

Ke ame he je atkanyua ka op hagâm je hak, kʼ ame he je tuhödra ka bi athnyabaem: anyin a oge me kuc u ehac hnyi anyik hmonyin, ke hnyi anyik ibetengiö oge hia but betenge gam.

Isaia 61:5

Ke ame he ka tot ta je atkanyua me han halebun je hnahat mamoe, ke ame he tavat aten ke je hnyei ka seû tilâ kânâ hobi köbun, me tuö ibun je hnyei vine.

Isaia 61:6

Ke adre me he ka hwenyi iöbun, me Tavat bihut kö Iehova: kʼ ame he tavat ka haiöbun me Lathnyabainy Khonguta öbun e he ka an je soiny ta je hnyei, ke öbun e he ka hobeluâ anyidra hmanenang.

Jeremia 50:5

Adre me he ka hnö ge Ziona me hnyimakodra kâe, me ha, ka habe, Ai öbun, ate me he ka ûkhacaköu unyi Iehova, hnyi ûhihinyköu a nyiele balua, ke ca hnân hnying.

Ezekiela 20:13

Ke haba lap anyi Isaraela adre me ûkhin fuc mönya hnyi hnyebuba: adre me ca vheno anyik je hnanyibu, ke adre me hûkotiâ hnok je hna owisa, waleji a e ka he at ka mâdrâ, me ame he ka möt hnyin; ke adre me okongoâ gan hmâ anyik je sabath: me oge me ha a oge me he ka hingâlâ anyik hmönyin hudra hnyi hnyebuba, he ka ohiʼ ödra but.

Ezekiela 47:22

Ke öbun e he ka khenâ e hnân ibun me je atkanyua tavat adre me tha laba möbun, tavat adre me hnokoâ unyibun; ke adre me he ka helâ me tavat unyin lakon Isaraela wale adre hnokoâ hnyi hnyei; me adre me he ka hu idra möbun unyin je tribu Isaraela.

Zakaria 6:15

Ke ame he tavat ûhedra sâkâû ka o me op uma umo Iehova, me öbun e he ka wâ a ga kunö nya köbun Iehova tuhan sabaoth. Ke ame he ka, aat e, öbun e ne long wia ifuci Iehova Khongubun.

Ta je huliwa 11:23

ke ame o but me wâ ibetengiö baû anyin Khong, me e ame senyin, me khöu kodra hia he ka kece ka Than ge hnyok ae tethmâ:

Ta je huliwa 2:41

Ke adre me bapataisoâ tavat adre me kap hwan: me adre me bihanen kodra hnyi bong eling helâ me theri thauzan tavat

Roma 8:28

Ke e khanʼ öta a gʼ ame tha huliwa ta je ûnyi hia me me so ka tavat adre me hnyok ka Khong wale tavat ame hawʼ ödra helâ me hnen hna ûnykûme.

I. Korinito 16:22

A ne ca hnyok bi ke at ka Than Iesu Keriso, e so he ka anathema e. Maranatha.

II. Korinito 8:5

ke ca helâji me hnöhmun hna ûnykûme, ke adre me më ham ödra bi ka Than, me kohmun minya hoton weny Khong.

Galatia 5:6

Anyin ae ca ûnyi hnathu bi ka Keriso peritom, me ca peritom; ke so bi labageju, at ame huliwa hnyi ibetengiö.

Efeso 6:24

E so e unyibun hia ibetengiö baû, wale a tavat a wedra hnathoâ ka Tuhöta Iesu Keriso.

Iakobo 1:12

Hnahic hnen at ame hokhnyokâ ûcûbic: anyin a at ka hia but cubecâ, me e ame he ka hu koranainy möt, wale a ha bânâ Than ka tavat adre me hnyok kâu.

Iakobo 2:5

Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.

Hna Omanenâ 1:10

Inya but hnyi Hanu hnyi bong bonginy Than, ke oge me löng hnyi hotuk hofuc ae gan helâ me hwan khoto, ame ha, ka habe,