Isaia 56:3 - Iaai Bible 1901 (New Caledonia)

³ Ke haba khaca, e so ame ca he atkanyua, at ame hia but ûkhacaköu kö Iehova ka ha, ka habe, E hnathu ame he Iehova ka obö nya ûnyi hnyi iny hnyei: ke haba khaca, e so ame ca he eunuka ka ha, ka habe, Wâ bi, inya ang ûö ae mada.

Isaia 56:3 ပူးပေါင်းရင်းမြစ်များ

II. Man Ûlabainy Je Than. 6:32

Ke haba atkanyua a ca hanen bi lakem a Isaraela, ke e ka o ûnyi hnyi hnyei ae sâkâû ge iâm ae gan, me hnyamâm ae hwege, me benyâm adre hai; ke ödrin ka o but me hic cicö uma ang;

Esetera 9:27

haba at Juda, ödrin e owisa, ke ödrin e ogâ, me je mâtrânidrin, me tavat ûkhacaköu mödrin hia, me me ca he ka onua bi, mödrin e he ka tuö li bong eling helâ me hna sihnalimen, me helâ me ûen adre hia but thu, hnyi ke huna me ke huna;

Isaia 14:1

A NYIN ame he Iehova ka betenge ga Jekob, ke e ame he hmetu ka ûco Isaraela, me ip ödra hnyi idra: kʼ ame he je atkanyua ka tha e mödra, kʼ adre me he ka kece ka lap anyi Jekob.

Isaia 39:7

Ke haba ke je lakon ame he ka o ûnyi gam, a je mâtrânâm, adre me he ka hom dö; adre me he ka hnân je eunuka hnyi hnyaban than Babulona.

Isaia 56:5

Oge me he ka ham kodra hnyi umök uma me hnyi hnyin hna up hagik hak ke haten, me ien ae so, hon lakudra a wainda me wahlu; oge me he ka ham kodra ien ae tethmâ, wale adre me ca he bi ka subâ degecâ.

Isaia 56:6

Ke haba ta je atkanyua minya, tavat adre me ûkhacaköu kö Iehova, he ka bi athnyabainy, me hnyok ka iö Iehova, me bi huliwa kâu, ödra hia thithö adre me tuö sabath me ca okongoâ, me kât hmâ anyik ûhihinyköu;

Jeremia 50:5

Adre me he ka hnö ge Ziona me hnyimakodra kâe, me ha, ka habe, Ai öbun, ate me he ka ûkhacaköu unyi Iehova, hnyi ûhihinyköu a nyiele balua, ke ca hnân hnying.

Levitiko 21:20

me at ae hwali jö tot, me at ame aû, me hwiö emakan, me at ae huje unyin, me ûhölök, me hna hmouca wakunyin;

Levitiko 25:45

Ke habe khaca, öbun e he ka ûco ûnyi ge lakon je atkanyua adre me tha laba möbun, me anyidrin je lap unyibun, waleji adre hia but hnokoâ hnyi ibun hnyei: kʼ odrin e he ka anyibun.

Zefania 2:11

Ke ame he Iehova ka ooti ödra: anyin a e ame he ka ohia tilâ je khong khongon hmeledrany hia; me ame he tavat ka khudrung kâu, ke at me ke at hnyi je ve hnödra, wale ta je bomeneiny ta ogo hnyei hia.

Numera 18:4

Ke adre me he ka tha ödra mou, me tuö hanymen hnyi uma ûkhacaköu, hobi kâu huliwainy Uma: kʼ ame ca he atkanyua ka hakekenyi öbun.

Numera 18:7

Ke u ma he me lakom a tha ödrin mou ka tuö hanymen a hnöbun hna bi hut ta je ûnyi hia hnyi taben hut, me ta je ûnyi eiö hnyin singiny; ke! öbun e he ka huliwa: Inya oge me ham köbun hanymen at bihut helâ me huliwa adre ham: kʼ adre me he ka hlingâ atkanyua at ame hakekenyâ.

Ta je huliwa 10:34

Haba Peteru ame ba hofuc, ka habe, E hnathu oge me wâ ûnykûme a haba Khong ame ca wâhmakhmeto tavat:

Ta je huliwa 17:4

Haba keihen gadra, adre me kap, me tha laba me Paulo me Sila; helâe minya, se hia at Heleni, tavat adre me outen Khong, me ke je momo minya hnyat ae ûnyi hnathu.

Ta je huliwa 18:7

Me e ame he ûheny e, me didro ka hnyi uma umen ke at ame outen Khong, Tito Juseto ien, kʼ ame ûtangköu umen uma me sunago.

Roma 15:16

me inye he ka bi athnyabai Iesu Keriso ka Aten ta je hnyei, he ka ânyâ hanymen at bihut hnyi ûthumetu ae so anyin Khong, me me he ka kap soâ hut wale Aten ta je hnyei, me okabi ödra hnen Hanu Kap.

I. Korinito 6:17

Ke haba at ame tha he me Than, me khaca thibi hanu.

Efeso 2:12

ke ca e unyibun Keriso hnyi ta je bong eling, ke ta je atkanyua öbun hnyi bongon at Isaraela, ke ta je atkanyua öbun hnyi je ûhihinyköu waleji adre me ha bânâ, ke ba geju unyibun ke ba minya Khong eang hmeledrany.

Efeso 2:22

ke adre tha up öbun minya më hnân umen Khong ûnyi ge Hanu.

Deuteronomi 23:9

U ka he hnyi vat he ka vat me je iwahnaihmiony mou, me u me he ka naûâ ta je ûnyi hia ae kong.

I. Peteru 1:1

INYA Peteru aposetolo anyi Iesu Keriso, oge me sihnalimen ka ta je atkanyua adre me ve se ka hnyi Poneto, me Galatia, me Kapadokia, me Asia, me Bithunia,