Isaia 56:12 - Iaai Bible 1901 (New Caledonia)

¹² Haingodra, ka habe, Ai öbun, oge mâ he ka hok waina, ke otin e he ka ijem gânâ grâg; he bong nyi ame he ka helâ me bong ang, bong ae gan me pason he ka ha.

Isaia 56:12 ပူးပေါင်းရင်းမြစ်များ

Jobu 24:23

Khong ame hna ködrin he ka laba hna hic, me me cidrin ling; Ke e bi li emakan hon dedrin je gethen.

Salamo 10:6

Haingen eû hnyi hnyekon, ka habe, Oge me ca he ka bwebwet: Hnyi je dö hia oge me ca he balua ka vec.

Ta je Vejec 20:1

HABA waina, me wale at hlumö at, ke haba grâg me wale at ame mede monu. Ke ca metâ bi at ame monu ge li ûnyi e.

Ta je Vejec 23:35

U ma he ka ha, ka habe, Adre hia but kuc nya, ke oge me ca vec; Adre hia but osoi nya ke oge me ca long vecin. Oge me he ka hmak dö kehö? oge me he hmetu ka elâm e.

Ta je Vejec 27:1

U ma ca hobâ ge bong nyi, Anyin ae ca khanö u ûnyi ame he ka o hnyi bong.

At Khet 2:24

E ba nua soiny at hon he ka han me ic me hna hnyekon he ka senyin so hnyi anyin huliwa. Oge me wâ minya e, a ûnyi ge Khong.

Isaia 5:11

Ekölö ge tavat adre me vesâkong hnyi hnyomakatu he ka hnu hoton grâg; ke adre me laba ke ne o but hnyi hnyinghet mʼ adre me monu ge waina!

Isaia 5:12

Ke e bi kitara me nabeli, me bwinybet, me utkowi, me waina, hnyi anyidra je bijeû: ke adre me ca ûnykûme ge huliwa anyi Iehova, kʼ adre ca hia but ûnykûme bi huliwa anyin li hnyamen.

Isaia 5:22

Ekölö ge tavat a ödra hwege ka ic waina, me tavat hwege he ka ûhaniken tap grâg:

Jeremia 18:18

Me adre me ha, ka habe, Ai öbun mʼ ate me he ka ânyâ je bihihwakecin kö Jeremia; anyin ame ca he ka hia hnanyibu unyin at bihut, me ûhnenamö unyin at ae metâ, me hofuc ûnyi ge perofeta. Ai öbun, ate me he ka kot e ge bohmen, ke ca he bi öta ka tevehlöng bi hwan ta je hofuc.

Hosea 4:11

Haba ûnyi ame hûgûnâ hnyok, me wale bi ûnyi monu, ke waina, ke waina ae teb ûnyi.

Amosa 4:1

LONG ju hofuc ang öbun je kau hnyi Basana, a öbun hnyi je bucen Samaria, a hnyat öbun e ovecâ tavat ae theduoc, me okongoâ tavat ae vec, a hnyat öbun e ha ka latuhöbun, ka habe, Hom but jem me habelihmun.

Nahuma 1:10

Eja ke ne adre ne vhet helâ me ûö ae ûdedö, me ti khubet hnyi hnödra hna ic, adre me he ka thung ödra helâ me thatûnyin hwit ae mada.

Luka 21:34

O ʼbun âu, wâ e nye hmak je hnyekubun ge hna han gânâ, me hna ijem gânâ, me hna ûnykûme möt ang, me ame he ka o bong eling me outhmoki öbun helâ me hnewe:

I. Korinito 15:32

Oge ne hia but vat me ta je meno ûkûc hnyi Efeso hoton hwakecin at, ieû troban könya? At ka ca omelö hmetu bi tavat adre mokcu, awe, e so ate me han me ic, anyin ate me he nyi ka mok.

Tito 1:7

Anyin ae ûcû ka pisop he ka ba hnyikongon, helâ me at huliwa ka Khong; at ame ca ûjöng, kʼ ame ca ie hmonyin, kʼ ame ca ijem gânâ waina, kʼ ame ca ûkûc, kʼ ame ca hwenhmiâ mone;