Isaia 55:8 - Iaai Bible 1901 (New Caledonia)

⁸ Ke haba ta je ûnykûmenök, me ca ta je ûnykûmenöbun bi, ke haba debun je gethen, me ca dek bi, haingö Iehova.

Isaia 55:8 ပူးပေါင်းရင်းမြစ်များ

II. Samuela 7:19

Ke ûnyi ae ûhnyûkong e hnyi hnyimâkâm, Than Iehova; ke so bi u je hia but ha ge lap anyin athnyabaem hobi kâu nyiele; ke hoton hwakecin at eling, Than Iehova!

II. Je Than 5:11

Ke ame hmönyi Naamana, me e ame be, me ha, ka habe, Wâ bi, oge me ûnykûme a e ame he ka didrut me tot me hawâ iö Iehova a Khongon, me aba dok eling ge hnyamen, me ohia lepera.

Jobu 35:5

Bwele thö ka hnyi drany me wâ; Ke wâ bi je ûlâ ae gorany hom.

Salamo 25:10

Haba je gethen hia de Iehova, me, ibetengiö me hnathu Ka tavat adre me tuö hna ûhihinyköu mē, me hnen je hna ohnathoâ.

Salamo 33:11

Ame he ka tethmâ nyiele balua we Iehova, Ke je ûnykûmenen hnyekon ka ta je dö hia.

Salamo 40:5

Iehova Khonguk lö, e se hia ânyâm ta je huliwa hnân lâiâ u je ânyâ, Me hnâm ta je hna ûnykûme kohmun: Ca hnân he ka ha gaga köu; Oge ne beomanenâ me ha, Me ti se hia hmönvin a ca hnân bi aû.

Salamo 92:5

Iehova lö, shaiba ge ûganiny ânyâm ta je huliwa! E dit hmönyin hnâm ta je hna ûnykûme.

Ta je Vejec 21:8

E ti hwali gethen deny at ame hijen monu: Ke haba at ae kalaöt hnyekon, me wisa anyin huliwa.

Ta je Vejec 25:3

E gorany drany, ke dit hmeledrany, Ke haba hnyekon je than, me ca hnâu thang.

Isaia 14:24

Haba Iehova tuhan sabaoth ame khemanyin, me ha, ka habe, E hnathu ame he ka helâji me hnok hna ûnykûme; ke ame he ka tethmâ helâji me hnok hna ip hmâ hnyi hnyekuk:

Isaia 53:6

Öta hia thithö ate me hia but he monu helâ me je mamoe; ate me ve saû ka hnyi je gethen, ke haba Iehova ame ip hon e anyita ta je hulo hia thithö.

Isaia 58:13

U je ne thawâ cam hnyi sabath, me ca ânyâ bi wem hnyi anyik bong ae kap; ke u me he ka ha ge sabath a bonginy senyin, me ha ge hna okabâ hnö Iehova a hnân ogânâ; ke u je ne ogânâ e, me ca vheno dem je gethen, me ânyâ ûnyi hnân osenyini u, me ca ha bi hwâm bi je hofuc:

Isaia 65:2

Oge hia but lau li hnyamok hnyi je bong hia ka tavat adre me ca ûling, waleji adre me vheno gethen ae ca so hoton je ûnykûmenödra bi;

Isaia 66:18

Anyin ae khanö nya hnödra hna ânyâ, me je ûnykûmenödra: ame o thö ûen, me oge me he ka ûkhacaköuâ ta je hnyei hia thithö, me je hwen hnyei; ke adre me he ka o but, me wâ anyik hmanenang.

Jeremia 3:1

HAINGODRA, ka habe, A ne ke at ame degec âiân, ke ame he gan me ame âiân ke baga bi, hawa, e ame be ka hmetu ka momo? Ame ca he ka ti kong hnyei eling? Ke u je hia but bi ûnyi monu me tavat ae se hia; ke so bi, hmetu ju könya, haingö Iehova.

Ezekiela 18:29

Ke ame ha hnen lap anyi Isaraela, ka habe, E ca ûcû bi hwakecin Than. Lap anyi Isaraela lö, hawa e ca ûcû hwakecik? hawa e ca hwali bi hwakecibun?

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Hosea 14:9

Ie at ae metâ, me me wâ ûnykûme ta je ûnyi eling? ie at ame wâ wia me me wâhmakhmeto ta je ûnyi e? anyin ae wisa je gethen de Iehova, ke ame he at ae wisa ka vheno; ke ame he tavat hanyâûâ ka ta hnyin.

I. Samuela 16:7

Ke Iehova ame ba kö Samuela, ka habe, Ca wâ hnyimakan bi, me ibeûen; anyin ae ca wek bi at e: anyin ame ca wâ ga ʼ Iehova helâ me at; anyin a haba at ame wâ ûnyi ae manen, ke Iehova ame wâ hnyok.