Isaia 55:7 - Iaai Bible 1901 (New Caledonia)

⁷ e so ame he at ae kong ka degec hwakecin, ke so ame he at ae monu ka degec ta je ûnykûmenen: ke so e ame hmetu kö Iehova me me he ka betenge gan; ke so e ame hmetn ka Khonguta, anyin a e ame he ka ti kot degecâ hia.

Isaia 55:7 ပူးပေါင်းရင်းမြစ်များ

Genese 6:5

Ke a wâ but Iehova a e gan hmâ butmonuiny at eang hmeledrany, ke kong ut ta je hna ûnykûme hia eû hnyi hnyekudra hnyi ta ogo bong hia.

II. Man Ûlabainy Je Than. 15:2

me e ame he ka ûkhanö me Asa, me ha kâu, ka habe, Asa lö, long ju öbun könya, Juda me Beniamina hia: e bala bi Iehova unyibun hnyi ûen öbun e tha öbun më; ke öbun e ne elâm me öbun e he ka wâ e; ke öbun e ne degec, me e ame he ka digic öbun minya.

II. Man Ûlabainy Je Than. 15:4

ke so bi hnyi ûen ödrin e hmetu kö Iehova, Khongu Isaraela hnyi anyidrin vec, me elâm e, awe ödrin e wâ e.

II. Man Ûlabainy Je Than. 30:6

Me ame he but tavat, kʼ ödrin e ve hom je tusi ûnyi ge than me anyin je taben ka hnyi je ke keihen Isaraela hia me Juda, kʼ ödrin e ha hoton hnanyibu anyin than, ka habe, Öbun lakon Isaraela lö, hwio hmetu ju öbun kö Iehova, Khongu Aberahama, me Isaaka, me Isaraela, me e ame he bi ka; hmetu köbun je kolon tavat adre me kec möt ûnyi ge than Asuria.

II. Man Ûlabainy Je Than. 33:13

Ke e ame hic kâu; me e ame betenge gan, me long hwan hwakhöû, me ohmeto e Jerusalema ai ka hnyi dokhon dokhu. Me haba Manase ame wahmakhmeto a Iehova thibi Khong.

II. Man Ûlabainy Je Than. 7:14

ke e ka he lakeik, hnyat adre ip iök hudrin, ka oûhnyûkongu ödrin bi, me hic, me elâm hnyimakök, me hmetu ûnyi hnyi dedrin je gethen ae kong; awe, oge me he ka long hnyi drany, me hna anyidrin monu, me osoâ idrin hnyei.

Jobu 22:23

U je ne hmetu but ka Ataekhanahia, me adre me he bi ka up u goranyai; Ke u je ne degec ut hwakecin ae ca wisa ûnyi hnyi umâm je uma mano.

Salamo 130:4

Ke u thibi at ame thang degecâ, Mʼ adre me he ka outö u.

Salamo 130:7

Isaraela lö, geju Iehova ju; Anyin ae unyi Iehova ibetengiö, Ke gan hmâ ûhomeli unyin.

Salamo 51:1

KHONG lö, betenge ju gak hoton ânyâm ibetengiö: Kot degecâ but hnok ta je hna hanyâûâ hoton ûganiny ânyâm tang betenge.

Salamo 66:18

Oge ne ûnykûme hulo eû hnyi hnyekuk, Ame ca he Than ka ling nya:

Ta je Vejec 28:13

Haba at ame ikhâlâ hnen je hna hanyâûâ, me ame ca he ka sot: Ke adre me he ka betenge ge at ame omanenâ me degecâ.

Isaia 1:19

Öbun e ne hmehmela me long, me öbun e he ka an so ûnyi hnyi kânâ:

Isaia 14:1

A NYIN ame he Iehova ka betenge ga Jekob, ke e ame he hmetu ka ûco Isaraela, me ip ödra hnyi idra: kʼ ame he je atkanyua ka tha e mödra, kʼ adre me he ka kece ka lap anyi Jekob.

Isaia 21:12

Ke ame thu ge at hmâkâ me ha, ka habe, Ame o hnyomakatu, kʼ ame o minya lit: öbun e ne he ka hnö, hnö thö: hmetu ju öbun me he jem.

Isaia 31:6

Lakon Isaraela lö, hmetu ju öbun kâu, waleji öbun e ti hna degecâ.

Isaia 32:7

Ke e kong je bihihwakecin anyin at iyawo: e ame elâm je ûokonguny, me me ohia tavat ae ilemuk ge hofuc ae thoi, eja ke ne a ne wisa ifucin at ae ba ta ûnyi.

Isaia 40:2

Ha thö hofuc ae kaukahwa kö Jerusalema, ke hongot dö kâu a ga um dö bonginy vec, ke adre hia but thang degecâ anyin hulo; a hia but kap ûnyi ga Iehova hna olo bi hwaban anyin ta je hulo hia.

Isaia 43:25

Inya, inya thibi at ame kot degecâ hnâm ta je hna hanyâûâ cak bi; ke oge me ca he ka ûnykûme ânyâm ta je hulo.

Isaia 44:22

Oge hia but kot degecâ hnâm ta je hna hanyâûâ helâ me ûlâ ae khot, me ânyâm ta je hulo helâ me ûlâ: hmetu ju könya, anyin a oge hia but ûcû u.

Isaia 54:10

Anyin ame he ka hia ta je bucen, ke ame he ka bwebwet je hut; ke ame ca he bi ka hia anyik betenge unyâm, ke ame ca he ka hom degecâ hnok hna ûhihinyköu ge ûsoköu, haingö Iehovaʼ at ame betenge gam.

Isaia 54:8

Hnyi wathethot ae bahihingölö oge me ikhâlâ hnyimakök gam helâ me thuthubademak; ke oge me he ka betenge gam ge betenge a nyiele balua, haingö Iehova at a omeli u.

Isaia 58:6

Hawa, ca walang bi ca han oge me wek? a gʼ adre me he ka hna baûâ at adre me ca monoâ, ke thang je toiny ûnyi hnân ûhûkâlâköuâ, ke hna baûâ tavat adre me oveci ödra, ke, thamuâ je hna ûhûkâlâköuâ hia thithö.

Isaia 59:7

Ke ame wadring je cadra ka hnyi hulo, kʼ adre me logot hingâlâ dra ae ba hnyikongon: je ûnykûme ae kong je ûnykûmenödra; ke eû hnyi anyidra je hna cit gethen hnaûhango me ûokonguny.

Jeremia 3:14

Öbun na hmetu ju, öbun tavat labö kolu, haingö Iehova; anyin a iny helâ me âiân köbun: ke oge me he ka hum öbun, ûsa khaca ûnyi hnyi taun, ke ûsa lo ûnyi hnyi lap, me hum öbun Ziona ai:

Jeremia 3:3

Anyin a wale adre behânâ je uth we, ke ba but we a biliny; ke hu gam bariny momo hnyi gethen, u je ca hmehma bi

Jeremia 4:14

Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

Je tenge anyi Jeremi 3:40

Ate me he ka elâm me cubec deta je gethen, me hmetu kö Iehova.

Ezekiela 14:6

Anyin a wale, ha thö ka lap anyi Isaraela, ka habe, Walang hna ha hnen Than Iehova, ka habe, Hmetu ju, hmetu ju öbun ûnyi hnyi anyibun je idola; me wia thö je hnyimaköbun, ûnyi hnyi anyibun ta je ûnyi ae ikiki hia.

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Daniela 4:27

Anyin a wale, than lö, e na so ju köu bok hofuc, ke soju monu gam, me ânyâ wisa, ke soju hwakecâm ae kong, ke betenge ju ge tavat ae theduoc; mʼ adre me ne he ka obeûâ hnâm hnahic.

Jona 3:10

Ke a wâ but Khong anyidra je huliwa, a adre me hwio ûnyi hnyi dedra ta je gethen ae kong; me haba Khong ame ietra ûnyi ae kong wale a ha he ka ânyâ kodra; ke e ame ca ânyâ bi.

Zakaria 8:17

ke ca he ke at unyibun he ka ûnykûme ûnyi ae kong hnyi je hnyekubun ka ke at; ke ca hnyok bi hna khemanyin thoi: anyin a hûkötiânök ta je ûnyi hia e, haingö Iehova.

Mataio 9:13

Ke he thʼ öbun ka nâ bongon ang, ka habe, Wek a ibetengiö, ke ca hut bi: anyin oge me ca o he ka hawâ tavat ae wisa ke so bi tavat ae kong.

Mareko 7:21

Anyin a ûheny hnyin, wale ûheny hnyi hnyekon tavat, ame didrut je hna ûnykûme ae kong, me bi ûnyi monu,

Mareko 7:23

haba ta je ûnyi hia eling ae kong ame dit ûheny hnyi hnyok, me ame okongoâ at.

Luka 15:10

Inya oge me ha köbun, a gʼ ame he ka hu senyin helâe hnyi hnyimakan ta je angela anyin Khong can ietra hnen at ae kong a khaca.

Luka 15:24

anyin a walang nokuk ûheny hnyi hna mok, ka möt hmetu thö; ke a hia, ke wale hmetu thö ang. Me ödrin e hwân he ka senyin.

Luka 7:47

Waleling me inye ha köu, ka habe, Adre hia but hna degecâ anyin ta je hulö ae se hia; anyin ae gan hmâ ibetengiö anyin momo: ke e ka ûhnyûkong hna ohia ge ke at, me ka ûhnyûkong anyin ibetengiö.

Ta je huliwa 26:20

ke oge me bök ka haimemenâ ködra hnyi Damaseko me Jerusalema, me hnyi hnyei Juda hia, me Aten minya ta je hnyei, mʼ adre me he ka ietra me hwio ka Khong, me ânyâ je hwakecin ae ûcû me ietra.

Ta je huliwa 3:19

Anyin a wale ietra ju öbun me hwio thö, mʼ adre me he ka kot degecâ but anyibun ta je hulo, me me he ka o but je ûen hnân okahwa ûnyi ge Than;

Iakobo 1:15

Ke e ka erkin dut weny ae kong me ame hnokoâ but hulo: ke e ka at hnathu but hulo me e ame hnokoâ but mok.