Isaia 55:6 - Iaai Bible 1901 (New Caledonia)

⁶ Elom Iehova thʼ öbun, e me tiga ûen he ka wâ e, hawâ thö e, e me tiga hakekeny:

Isaia 55:6 ပူးပေါင်းရင်းမြစ်များ

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

II. Man Ûlabainy Je Than. 19:3

Ke so bi, e hu so adre wâ gam, anyin a u je hia but ohia je Aseira hnyi hnyei me penapena hnyekom he ka elâm Khong.

Ezera 10:2

Ke haba Sekhania nöku Jehiela, ke nöku Elama, ame thu me ha kö Ezera, ka habe, Öhmun e hia but ânyâ hulo ka Khonguhmun, me hok laöiöhmun kanyua unyin aten je hnyei: ke so bi, walang ang, e hu hna gejon hnyi Isaraela hnyi ûnyi eling.

Jobu 8:5

U je ne he ka elâm wia ka Khong, Ke khöû ka Ataekhanahia;

Salamo 14:2

Iehova ame bwele jem ethö hnyi drany ka wâ lakon at, Me me wâ thö, hawa, e hu at ame wâ ûnykûme, A at ame elâm Khong.

Salamo 145:18

E hakekeny Iehova kodra hia adre me hawâ e, A tavat hia adre me hawâ e hnyi hnathu.

Salamo 148:14

Ke e ame hia but ogöranyâ faoiny meno anyin lakeiny, Wale hna ogânâ hnen anyin wakap. A hnen laku Isaraela, hnyei ae hakekeny kâu. Oganö Ja thʼ öbun.

Salamo 27:8

Hnyi ûen u je ha, ka habe, Elâm dʼöbun hnyimakök; me ame ha hnyekuk, ka habe, Iehova lö, oge me he ka elâm hnyimâkâm.

Salamo 32:6

Can e, e so ame he tavat ae so ka hic köu hnyi ûen ae khanʼ ödra he ka ō u: E hnathu e ka o but wadutö ae gan, me ame ca he ka hakekenyâ e.

Salamo 34:19

E se hia ta je vec anyin at ae wisa: Ke Iehova ame omelo e ûnyi hnyi ta je ûnyi hia.

Salamo 75:1

KHONG lö, ohmun e ole köu; Öhmun e ole, anyin a hakekeny dut iâm: Ame ûsabö tavat ge ânyâm ta je huliwa hnân lâiâ.

Salamo 95:7

Anyin a e thibi Khonguta, Ke ota tavat aten iny hnyei, me haleny ta je mamoe hnyi hnyamen. Hnyi bong ang, öbun na he ju ka long hwan hofuc!

Ta je Vejec 8:17

Inya oge me betenge gadra adre me hnyok könya; Kʼ adre me he ka ō nya tavat adre me elâm hwegiö nya.

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Isaia 26:9

Ame weny u ge hnyekuk hnyi hnyinghet; eke, oge me he ka elelöm u ge hanuk eû hnyi hnyekuk; ke wale but ang hnyi hmeledrany hnâm je hna owisa, waleling me me he tavat adre me laba hnyi hmeledrany ka nâ hwakecin ae wisa.

Isaia 45:19

Oge me ca ba ikhâlâ hnyi dok a menekholominy hnyei; oge me ca ha ka je mâtrâni Jekob, ka habe, Elâm baûö nya thö: inya Iehova at ame ha wisa, oge me haimemenâ ta je ûnyi ae ûcû.

Isaia 45:22

Bwele ju jem könya mʼ adre me he ka omeli öbun, öbun hia thithö je can hmeledrany: anyin a inya thibi Khong ke ba minya ju ke at.

Isaia 46:13

oge me hakekenyâ anyik wisa, e ame ca he ka ûsâkâûö, ke ame ca he ka bec ûhomeli ûnyi gak; ke oge me he ka ip hnyi Ziona ûhomeli hobi kö Isaraela hmanenangik.

Isaia 49:8

Walang hna ha hnö Iehova, ka habe, Oge me thu köu hnyi ûen ae ûcû, ke oge me hadruo u hnyi bonginy möt: ke oge me he bi nya ka tuö u, me hnö u hnân ûhihinyköu me tavat, he ka ogöranyâ hnyei, me olabʼ ödra hnyi hnyei ae ba aten:

Isaia 58:9

Me u me he ka hongot, kʼ ame he Iehova ka ieû; u me he ka khöû, ke e ame he ka ha, ka haba, Inya ang. U je ne hom but ûnyi gam hna ûhûkâlâköuâ, me kû ge banyen, me ûhnenamö monu;

Isaia 65:10

Ke ame he Sarona ka hnân hnyeuleiny ta je mamoe, ke haba, hwatapkoluiny Akora me hnân mokut hnen je hna hat meno, hobi kâu lakeik waleji tavat adre me elom nya.

Isaia 65:24

Ke ödra ka tiga ca hongot bi, me oge me he bi nya ka ieû: ke ödra ka tiga fuc, me oge me he bi nya ka ling ödra.

Jeremia 25:5

Haingodra, ka habe, Ve hmetu ju öbun ûnyi hnyi debun ta je gethen ae kong, me ûkonginy anyibun ta je huliwa, me öbun e he ka labā hnyei a ham köbun Iehova, me lakamöbun kâû ehac, ke ne o but nyiele balua:

Jeremia 33:3

ame ha, ka habe, Hongot dö könya, me oge me he ka thu köu, me omanenâ köu ta je ûnyi ae gan, me hmak, wale ae ca khanö u.

Ezekiela 14:6

Anyin a wale, ha thö ka lap anyi Isaraela, ka habe, Walang hna ha hnen Than Iehova, ka habe, Hmetu ju, hmetu ju öbun ûnyi hnyi anyibun je idola; me wia thö je hnyimaköbun, ûnyi hnyi anyibun ta je ûnyi ae ikiki hia.

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Ezekiela 8:6

Ke e ame ha könya, ka habe, Nokon at lö, u je wâ but ûnyi adre me ânyâ? wale ûnyi ae ikiki ame ânyâ eang ge lap anyi Isaraela, me inye he ka ûsâkâûö me anyik dok ae kap? ke u me he eâu ka wâ minya je ûnyi ae ikiki.

Daniela 4:27

Anyin a wale, than lö, e na so ju köu bok hofuc, ke soju monu gam, me ânyâ wisa, ke soju hwakecâm ae kong, ke betenge ju ge tavat ae theduoc; mʼ adre me ne he ka obeûâ hnâm hnahic.

Hosea 10:12

Te hatungen ju öbun hnyi hwakecin ae wisa, menâ ju hoton ibetengiö; he thʼ öbun ka trohnenâ kânöbun kânâ ae itremacat: anyin a ûen ang he ka elom Iehova, ke ne o but e amo o me öta hubun hwakecin ae wisa.

Amosa 5:6

Elom Iehova thʼ öbun mʼ öbun e he ka mot; wâ e nye gâ but helâ me meic ka lap anyi Josefa, me an e, ke ba at hnyi Beth-ela he ka ume:

Jona 3:8

ke adre me he ka khavâ tavat me meno ge mano ae gan nân, ke tenge hwege thʼ öbun ka Khong: eke, hamödra he ka ve hwio ûnyi hnyi dedra ta ge gethen ae kong, me ûnyi hnyi ûkonguny anyin je hnyamödra.

Mataio 5:25

Logotö ûsoköu me iwahnaihmiony möu, u ka tiga tha u me hnyi gethen, wâ e nye hnö u but iwahnaihmiony möu ka at owisa, ke at owisa ame hnö u but ka at tue, me e ame khûö u thö ka hnyi uma ce at.

Luka 13:25

E ka hia but tot tuhan uma, me hlöng hwanuma, ke öbun e hwân he ka tot eû me seseto hwanuma, me ha, ka habe, Than lö, khong ut kohmun: ke e ame he ka thu me ha köbun, ka habe, E ca khanö nya öbun, öbun hoûat ua;

Ioane 8:21

Iesu ame ha hmetu ködra, ka habe, Oge me he but ka he, ke öbun e he bi ja ka elöm nya, ke öbun e he ka mekiny anyibun ta je hulö: haba dok oge me he ka hnyin, me ca khanʼ öbun he ka he ka hnyin.

Efeso 3:13

Anyin a wale inya oge me sumat mʼ öbun e ca he ka sënyin hnyi anyik ta je vec hobi köbun, wale hnân hobelöû köbun.

Deuteronomi 4:29

Ke so hi öbun ka he eling ka elöm Iehova Khongom, me u me he ka wâ, u je ne elâm ge hnyekom ae bekhöt, me hanom ae bekhöt.

Deuteronomi 4:7

Anyin a ewa hnyei ae gan ae hu khongon ame hakekeny ködra, helâ me Iehova Khonguta ame ânyâ hnyi je ûen hia ate me hongot kâu!

Heberu 2:3

ate me he ka kâmâu ka kec möt ut, öta ka ca oûnyihnatho möt ae nua helâe? waleji a bân Than ka ha, me ame ohnatho köta hnen tavat adre hnyi löng;

Heberu 3:13

ke ûsihwegi öbun köu ju hnyi ke bong me ke bong, kʼ adre tiga ha bi, ka habe, Hnyi bong ang; wâ e nye okhötâ hnyekon keihen gabun ge tang iya-wöiny hulo: