Isaia 55:3 - Iaai Bible 1901 (New Caledonia)

³ Tevehlöng ju, ke ai öbun könya; löng ju me me möt je hanubun: ke oge me he ka ânyâ ûhihinyköu möbun a nyiele balua, wale tang betenge ae hnathu unyi Davita.

Isaia 55:3 ပူးပေါင်းရင်းမြစ်များ

Genese 17:7

Ke oge me he ka ohmâ anyik ûhihinyköu möu me ta je mâtrânâm hwabâm hnyi anyidra ta je dö hnân ûhihinyköu ae ca ba balua, me oge me he ka Khongom me ta je mâtrânâm hwabâm.

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

II. Samuela 23:5

Ke ca helâling anyik lap me Khong; Ke so bi e ame ânyâ mönya ûhihinyköu ame ca ba balua, Adre penapena ta je ûnyi hia thithö hnyin, ke hwege: Anyin a melik hia, me wek hia, Ke so bi e ame tiga ca okûâ e.

II. Samuela 7:29

ke walang ang, e na wem bi he ka ohnahicâ lap anyin athnyabaem, me me e bi nyiele balua hnyi hnyimâkâm: anyin a u at ame ha, Than Iehova: me ö u ohnahicâ lap anyin athnyabaem ge hnahic ûnyi gam nyiele balua.

II. Man Ûlabainy Je Than. 6:42

Iehova Khong lö, ca he ka wia degecâ hnyimakan hnâm hna hû: ûnykûme thö je ibetengiö anyi Davita a athnyabaem.

Salamo 119:112

E hmehmela hnyekuk he ka ânyâ ânyâm ta je hnanyibu, Nyiele balua, ke ne o but obiny.

Salamo 119:175

E so e he hanuk ka möt, me e ame he ka oganö u; Ke so e he hnâm je hna owisa ka hadruo nya.

Salamo 78:1

LAKEIK lö, tevehlöng ju hnok hnanyibu: Ta ju je hnyikönyöbun ka ta je ifucin hnyimök.

Salamo 89:28

Oge me he bala ka tuö anyik ibetengiö hobi kâu e, Kʼame he ka tethmâ anyik ûhihinyköu unyin.

Salamo 89:29

Ke oge me he ka otethmâ je mâtrâniny nyiele balua, Me anyin theron helâ me ta je bong hnyi drany.

Esodo 15:26

ke haingen, ka habe, U ka he ka löng wia hofuc ho Iehova a Khongom, me ânyâ ûnyi ae wisa hnyi hnyimakan, me tevehlöng hnen hna hûna, me tuö anyin je hnanyibu hia, oge me ca he ka kunâ köu ta je mok waleji oge kunâ ka at Aigupito: anyin a inya Iehova at ame osoi u.

Ta je Vejec 4:20

Nokuk lö, long ju hok ta je hofuc; Ta ju hnyikönyâm ka hok ta je uthofuc.

Ta je Vejec 7:2

Tuö ju hnok je hna hûna, mʼ u me möt bi; Ke anyik hnanyibu helâ me wan li emâkâm.

Isaia 51:4

Lakeik lö, ling nya ju; ik hnyei lö,, tevehlöng ju könya: anyin ame he ka he but ûheny unyik hnanyibu, ke oge me he; ka ip hnok hna owisa hnân melaminy ta je hnyei.

Isaia 54:10

Anyin ame he ka hia ta je bucen, ke ame he ka bwebwet je hut; ke ame ca he bi ka hia anyik betenge unyâm, ke ame ca he ka hom degecâ hnok hna ûhihinyköu ge ûsoköu, haingö Iehovaʼ at ame betenge gam.

Isaia 54:8

Hnyi wathethot ae bahihingölö oge me ikhâlâ hnyimakök gam helâ me thuthubademak; ke oge me he ka betenge gam ge betenge a nyiele balua, haingö Iehova at a omeli u.

Isaia 61:8

Anyin a inya Iehova oge me hnyok ka hna owisa, inya oge me hûkotiâ venöu, ke hwakecin ae kong; ke oge me he ka bihwaban kodra hnyi hnathu, kʼ oge me he ka ânyâ mödra ûhihinyköu a nyiele balua.

Jeremia 30:9

ke adre me he ka bi athnyabai Iehova Khongudrin me Davita a tuhödra wale oge me he ka oâ kodra.

Jeremia 32:40

ke oge me he ka ânyâ mödra ûhihinyköu a nyiele balua, a oge me ca he ka hwiö gadra, wale he ka ânyâ kodra so; ke oge me he ka ip eû hnyi hnyekudra he ka ot könya, mʼ adre me ca he ka digic nya.

Jeremia 33:26

awe, oge me he ka hna degecâ je mâtrâni Jekob, me Davita athnyabaik, mʼ oge me ca he ka hom unyin je mâtrâniny hnân muso je mâtrâni Aberahama, me Isaaka, me Jekob: anyin oge me he ka ohmetu ödra ûhedra hnyi hna bâ, me betenge gadra.

Jeremia 38:20

Ke haingö Jeremia, ka habe, Adre me ca he ka hnö u. Ö u löng ju walang ang hofuc ho Iehova, wale oge me ha köu, me me he ka hu so gam, ke u me he minya, ka mot.

Jeremia 50:5

Adre me he ka hnö ge Ziona me hnyimakodra kâe, me ha, ka habe, Ai öbun, ate me he ka ûkhacaköu unyi Iehova, hnyi ûhihinyköu a nyiele balua, ke ca hnân hnying.

Ezekiela 16:60

Ke so bi oge me he ka ûnykûme waleji ge hnok hna ûhihinyköu möu hnyi ûen a u hlu, ke oge me he ka ohmâ hobi köu ûhihinyköu a nyiele balua.

Ezekiela 34:24

Ke inya Iehova Khongudrin, ke Davita athnyabaik tuhödra; inya Iehova at ame ha.

Ezekiela 34:25

Ke oge me he ka ânyâ ûhihinyköu ûsoköu mʼ ödrin, ke oge me he ka ohia ta je meno ae kong ûnyi hnyi hnyei: ke adre me he ka laba khotkic hnyi hnyebuba, ke mokut hnyin hnyi hnyot.

Ezekiela 37:26

Ke oge me he ka ânyâ mʼ ödra ûhihinyköu ûsoköu: me ûhihinyköu a nyiele balua mʼ ödra: me oge me he ka ti ödra, me osehiʼ ödra, me ip unyidra anyik dok ae kap nyiele balua.

Levitiko 18:5

Anyin a wale hamöbun he ka tuö anyik je hnanyibu, me hnok je hna owisa: anyin a haba at ame he ka ânyâ e, me ame he ka möt hnyin: Inya Iehova.

Amosa 5:4

Anyin a walang hna ha hnö Iehova ka lap anyi Isaraela, ka habe, Elom nya thʼ öbun, mʼ öbun e he ka mot:

Amosa 5:6

Elom Iehova thʼ öbun mʼ öbun e he ka mot; wâ e nye gâ but helâ me meic ka lap anyi Josefa, me an e, ke ba at hnyi Beth-ela he ka ume:

Mataio 11:28

Ai öbun könya tavat hia thithö öbun e huliwa, me öbun tavat hije ûnyi ae hmak, me oge me he bi nya ka omenʼ öbun.

Mataio 13:16

Ke hnahic hnen ta je emaköbun, anyin öbun e wâ, me ta je hnyikönyöbun, anyin öbun e long.

Mataio 17:5

Ke e ame tiga ha, me wâ bi ûlâ ae hadröngöc ame tubi ödrin: ke wâ bi, hwan hofuc ûnyi hnyin ûlâ ame ha, ka habe, Walang Nökuk a oûnykûmik oge me senyin kâu; long ju öbun kâu.

Ioane 10:27

A long ut halek ta je mamoe ifucik, ke oge me wâhmakhmetu ödra, ke adre me he hotuk:

Ioane 6:37

Haba ödra hia a ham könya Kamen, me adre me he ka o könya; ke haba at ame he ka o könya, me oge me ca he bi nya ka degec.

Ioane 7:37

Hnyi bong a biliny bonginy bijeû, wale bong ae gan, Iesu ame todrö me ha hwegiâ, ka habe, A ne ke at ae beic, he but jem ka ic unyik.

Ioane 8:47

Haba at a ûnyi ge Khong, me e ame long hofuc hwan Khong: waleling me öbun e ca long anyin a ca ûnyi ge Khong öbun.

Ta je huliwa 13:34

Ke e ame omelö hmetu thö e ûheny hnyi hna mok, kʼ ame ca he hmetu bi ka wâ hna bobot, me walang hnen hna ha ehac, ka habe, Oge me he ka ham köbun ta je ûnyi ae kap ke ûnyi hnathu anyi Davita.

Roma 10:5

Anyin a Mose ame sihnalimen a haba at ame ânyâ hwakecin ae wisa ûnyi hnyi hnanyibu, me ame he ka möt hnen e.

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,