Isaia 55:12 - Iaai Bible 1901 (New Caledonia)

¹² Anyin a öbun e he ka didrut hnyi senyin, ke adre me he ka lili öbun ge hnahic: ame he ta je bucen me ta je hut ka ie khumöng dö huyi hnyimaköbun, ke ame he je ûöiny hnyot hia ka khöûkhöû hnyam.

Isaia 55:12 ပူးပေါင်းရင်းမြစ်များ

Salamo 105:43

Me e ame hom but lakeiny me senyin, Me tavat e ame ûca me hobâ.

Salamo 47:1

TA je hnyei hia thithö lö, khaûkhaû ju je hnyamöbun; Hongot ka Khong ge hwan manhic.

Salamo 65:12

Ame khukhula ka hnyi hon ta hnyei hnyi hnyebuba: Kʼ adre me oweikâ je dok ae hut ge senyin.

Salamo 65:13

Adre me khavâ ta hnyei ge je hnahat mamoe; Ke adre me tube je hnyigöuleny bucen ge hwit; Adre me hongot senyin, kʼ adre me khumöng dö.

Salamo 69:34

E so e he drany me hmeledrany ka ogânâ e, Me köiö, me ta je ûnyi hia adre me he hnyin.

Isaia 14:8

Eke, ame senyin köu ta je kop, me je arasiny Lebanona, me ha, ka habe, Hwân hnyi hnödra hna omokuli u, me ba at si uto ame o kohmun.

Isaia 35:10

ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.

Isaia 44:23

Drany lö, khumöng dö, anyin a ânyâ e Iehova; je hnyikânâiny hmeledrany lö, hongot senyin dö; öbun je bucen lö, ie khumöng dö goranyai, ke hnyot minya, ke ta je ûö hia hnyin e: anyin a hia but Iehova ûcû Jekob, ke e ame he ka ogânâ e bi hnyi Isaraela.

Isaia 48:20

He but ûheny Babulona, kec dʼ öbun ge at Kaledaia; haimemenâ thö ge hwan khumöng, thumeto ju e, ha ju e ke ne o but hnyi can hmeledrany: ha thö, ka habe, A hia but Iehova ûcû melen athnyabainy a Jekob.

Isaia 49:13

Je drany lö, khumöng dö; hmeledrany lö, senyin dö; je bucen lö, ie khumöng dö goranyai: anyin a Iehova ame otubwelâ lakeiny, me e ame he ka betenge ge anyin tavat adre me oveci ödra.

Isaia 51:11

Ke ame he ka hmetu tavat a bi hwaban melidra hnö Iehova, me o hnyi Ziona me hwan khumöng; kʼ ame he ka e bi hon ta je bödra senyin a nyiele balua: adre me he ka senyin me hobâ, kʼ ame he ka hia hlöuhlöu me mâng.

Isaia 52:9

Ie tha hongot senyin dö goranyai, öbun je dok ae ba wan hnyi Jerusalema: anyin a hia but Iehova otubwelâ lakeiny, e ame ûcû meli Jerusalema.

Isaia 54:10

Anyin ame he ka hia ta je bucen, ke ame he ka bwebwet je hut; ke ame ca he bi ka hia anyik betenge unyâm, ke ame ca he ka hom degecâ hnok hna ûhihinyköu ge ûsoköu, haingö Iehovaʼ at ame betenge gam.

Isaia 54:13

Ke ame he Iehova ka nâ lakom hia; ke ame he ka gan hnahic anyin lakom.

Jeremia 29:11

Anyin ae khanö nya bi ta je ûnykûme, oge me ûnykûme köbun, haingö Iehova, je hna ûnykûme ae hnahic, ke ba kong hnyin, me me he ka hu gejon hnyi obiny.

Jeremia 30:19

Ke ame he ka o gadra hwan ole, me hwan tavat adre me senyin: ke oge me he ka osehiʼ ödra, ke adre me ca he ka wakhalet; ke oge me he ka ogânʼ ödra, kʼ adre me ca he bi ka ûhnyûkong.

Jeremia 33:11

me adre me he bi ka long hwan senyin me hwan hobâ, me ifucin li at ödre tep faipoipo, me ifucin tavat adre me ha, ka habe, Oganö Iehova thö tuhan sabaoth, anyin ae so Iehova, anyin a nyiele balua anyin ibe-tengiö: me hwan tavat adre me hom hudiny ole ka hnyi uma umö Iehova. Anyin oge me he ka ohmeto tavat adre bâ helâ me hnyi can, haingö Iehova.

Jeremia 33:6

Wâ bi, oge me he ka hom kâe ûnyi hnân ometo me eny, ke oge me he ka ometu ödra; ke oge me he ka omanenâ gânâ kodra hnahic me hnathu.

Ezekiela 17:24

Ke ame he ka khana je ûöiny hnyot hia a inya Iehova at ame ohnyikânâ ûö ae beû göranyai, kʼ ame ogöranyâ ûö ae hnyikânâ, kʼ ame omeleca ûö ae hât, kʼ ame ökûlelâuâ ûö ae meleca: inya Iehova at ame ha me ânyâ.

Luka 15:10

Inya oge me ha köbun, a gʼ ame he ka hu senyin helâe hnyi hnyimakan ta je angela anyin Khong can ietra hnen at ae kong a khaca.

Roma 15:13

E so e he Khongon geju ka ounöngöti öbun ge senyin me hnahic hnyi labageju, me me gan anyibun geju hnen man maniny Hanu Kap.

Roma 5:1

ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;

Roma 5:11

Ke ca hake wale thibi ang, ke ate me senyin ka Khong ûnyi ge Tuhöta Iesu Keriso, wale ate me kap ûsoköu ûnyi gan.

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Kolose 1:11

kʼ adre me ohwegi öbun ge hwege hia, hoton man maniny anyin hmanenang, he ka tha hnyok me hokhnyok beû hmâ, me senyin;