Isaia 55:1 - Iaai Bible 1901 (New Caledonia)

¹ E ÖBUN hia tavat ae beic lö, ai öbun ka hnyi je an, ke at ae ba mone; ai öbun, ûco ju, ke an ju; eke, ai öbun ûco ju waina me debai, ke ca ge mone bi, ke ca ge hwaban.

Isaia 55:1 ပူးပေါင်းရင်းမြစ်များ

Salamo 143:6

Oge me lau li hnyamok köu: E beic hanuk unyâm helâ me kânâ ae atgec. [Sela.

Salamo 63:1

KHONG lö, u thibi Khonguk, o ge me he ka elöm u hnyi haolany: E beic hanuk unyâm, e gan hmâ weny unyik köu, Hnyi hnyei ae mada me sënyin, dok ae ba köiö hnyin.

Ta je Vejec 8:4

Tavat lö, inya oge me hawʼ öbun, Ke hobi kâu lakon at bi ifucik.

Ta je Vejec 9:1

HABA metâ ame hia but op umen uma, A hia but delâ anyin je hmolom a seven:

Ta je Vejec 9:5

Ai Öbun, me hnyi an ök jeû, Me ijem anyik waina oge me ûhaniken.

Khumöng Hwanyi Solomona. 1:2

E so e ame ûcimhnyimak mönya ge je ûûcimhnyimakiny hnyimen: Anyin ae so ânyâm ibetengiö hon waina.

Khumöng Hwanyi Solomona. 1:4

Lili nya thö; mʼ ohmun e he ka wadring hotom: Than ame su nya ka hnyi je hnyeuleny: Öhmun e he ka senyin me hobi u, Öhmun e he ka ha gânâ ge ânyâm ibetengiö hon waina: Adre me hnyok köu hnyi wisa.

Khumöng Hwanyi Solomona. 5:1

INYA oge me o ka hnyi ik hnyei, waek, öiök: Oge hia but auk anyik muro, ke anyik je ûö ae bo so; Oge me an anyik hani adre ca hlec tha e me hani; Oge me ijem anyik waina me debai. Je lahanök lö, han ju; Öbun laoûnykûmik lö, ijem gânâ thö.

Isaia 1:19

Öbun e ne hmehmela me long, me öbun e he ka an so ûnyi hnyi kânâ:

Isaia 44:3

Anyin oge me he ka hingâlâ köiö hon at ame beic, me je wagewe hon dok ae hwahwacit: oge me he ka hingâlâ hanuk hon je mâtrânâm, me hnahicik hon tavat adre me o ûnyi gam:

Isaia 52:3

Anyin a walang hna ha hnö Iehova, ka habe, adre ûcû öbun ke ûnyi baû bi; ke adre me he ka ûcû öbun hmetu ke ca bi hwaban bi ge mone.

Je tenge anyi Jeremi 5:4

Ohmun e hia but ijem belihmun je an hwaban mone; Ke ohmun e bi hwaban kodra hlöguhmun je uto.

Ezekiela 47:1

ME e ame ohmetu nya ka hnyi hwanumen uma; ke wâ bi, ame hingölö köiö ûnyi hnyi hmelen hwanumen uma e deiö, anyin ame hnyimakan deiö uma: ke ame hingölö köiö ûnyi hnyi hmelen, hnyi ke keihen metân uma, hnyi ke keihen taben hut ka hnyi hwaiöu,

Ezekiela 47:9

Ke haba je ûnyi hia ae möt adre me si but hnyi je dok hia ame o hnyin wagewe, me adre me he ka möt; ke ame he ka se hia hmonyin ta je wâ: anyin ame o eling köiö ang, kʼ ame he ka omelo köiö ae gan, me ame he ka möt hia ta je ûnyi hnyi je dok hia ame o wagewe ka hnyin.

Hosea 14:4

Oge me he ka osoâ hna digic nya gadra: anyin ame hwio gadra anyik hmonyin.

Joela 3:18

Ke haba hnyi ûen eling ame he ta je bucen ka khukhula ge waina ae hnebwia, ke ame he je hut ka di ge debai, ke ame he ka khukhutu köien je wagewe Juda; ke ame he pupua ka o ûnyi hnyi uma umo Iehova, me hû hnyigöulen bucen Sitima.

Zakaria 10:7

Ke ame he at Eferaima ka helâ me at ae hwege, ke ame he je hnyekudra ka senyin helâ me tavat adre ic waina: eke, ame he je lakudra ka wâ me senyin; ame he je hnyekudra ka hobâ kö Iehova.

Zakaria 2:6

E, e, kec dö ûnyi hnyi hnyei hnyi hwadro, haingö Iehova: anyin a oge biâ but ovesei öbun helâ me vak ta ang hnyi drany, haingö Iehovä.

Zakaria 9:15

Ame be Iehova tuhan sabaoth ka sing ödra; ke adre me he ka han me uto je veto adre kûlûec; ke adre me he ka ic me mede helâ me tavat adre ic waina: ke adre me he ka unöngöt helâ me kaia, me helâ me je kopiny taben hut.

Mataio 10:8

Omelö thö ta je mok, ke omelö hmetu thö tavat adre me mokcu, ke okhabalavâ but ta je lepera, ke obâ but ta je demoni: öbun e hia but kap baûâ but.

Mataio 13:44

Haba dokhon drany, me ûcû me tang omjeû adre me ikhâlâ hnyi hnyei; waleji ame wâ hnen ke at, me ikhâlâ but; me e ame senyin me he but me ûcoâ anyin ta je ûnyi hia, me ûco utkânâ eling.

Mataio 26:29

Ke inya oge me ha köbun, ka habe, oge me ca he hmetu ka hnyi ijem wan vine eang, ke ne o but hnyi bong oge me he ka tha ijem mʼ öbun hnyi dökhu dokhon Kamök.

Mataio 5:6

Hnahic hnen tavat adre me bean ke beijem hwakecin ae wisa; anyin adre me he ka osekuni ödra.

Ta je huliwa 8:20

Me baba Peteru ame ha kâu, ka habe, A hnaûhango but ânyâm mone möu, anyin a u je ûnykûme he ka ûcû moniny ûnyi a ham bâûâ hnen Khong.

Roma 3:24

ke adre me haisoâ bâûâ bi öta hnen anyin ibetengiö ûnyi ge ûhomeli wale unyin Keriso Iesu:

I. Korinito 3:2

Oge abelibun ge debai, ke ca haöbun bi ge utiö: anyin ae ca khanʼ öbun ehac; ke ca khanʼ öbun bala walang ang;

I. Peteru 2:2

beweny dʼöbun debai a cökiny hanu ae ba thoi hnyin, helâ me ta je mendring a teb o, mʼ öbun e he ka hûhûö thö gan ka hnyi möt;

Hna Omanenâ 21:6

Ke haingen könya, ka habe, Adre hia but ânyâ. Inya Alefa me Omega, wale hwân me obiny. Oge me he ka ham bâûâ köien möt ame pupua ka at ame beic.

Hna Omanenâ 22:1

KE e ame omanenâ könya wagewiny köiö möt ae alai helâ me uselat, ame di hnyi theron anyin Khong me Arenio,

Hna Omanenâ 22:17

Ke haingen Hanu me hlu a teb faipoipo, ka habe, Aiö u. Ke so ame ha minya at ame löng, ka habe, Aiö u. Ke haba at ae beic, me he but jem: ke haba at e weny, me hom bâûâ ju köiöiny möt.

Hna Omanenâ 3:18

anyin a wale oge me ha köu he ka ûco gak gol adre degec tiren hnyi meic, me u me tren ta ûnyi; me je ûkhaû ae hau, mʼ u me he ka khavâ, me me ca manen bi hmehma wale he thu a u: me bubunyin ecmak hnân botro kâu li emâkâm, me u me bwela but.

Rutha 4:1

KE haba Boaza ame he ka hnyi homagöule me laba ju eling: ke wâ bi, ame he at a hanen anyidrin lap, wale at a ha ga Boaza; me e ame ha kâu, ka habe, E, ketha lö! aiö u, laba ju eang. Me a ame saû thö me laba ju.