Isaia 54:9 - Iaai Bible 1901 (New Caledonia)

⁹ Anyin ae ûcû könya ûnyi ang me uoû unyi Noa; anyin a helâ me hnok hna khemanyin a gʼ ame ca he uoû ga Noa ka tube hmele drany, helâe oge hia but khemanyin a oge me ca he ka hmonyin hmetu köu, me thawo u.

Isaia 54:9 ပူးပေါင်းရင်းမြစ်များ

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

Jobu 11:16

Anyin a u me he ka hnying ânyâm vec; U me he ka ûnykûme gan helâ me je di a hia but:

Salamo 104:9

U je hia but bi hnyigöulen, me me ca he bi ka hanyâûâ; Me he hmetu he ka tube hmeledrany,

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 49:18

Bwela thö goranyai li emâkâm me wâ igigilo: ödra hia thithö ang adre me ûkhacaköu, me he jem köu. Haingö Iehova, Kia inya, ke e hnathu, u me he ka hum ödra hia me me khaûâm me hnân theibâm, me hnân oweikö u, helâ me hlu ame he ka faipoipo.

Isaia 51:22

walang hna ha hnen Tuhâm, a Iehova, a Khongom, at ame ivinoâ lakeiny, ka habe, Wâ bi, oge hia but hom ûnyi hnyi hnyamâm kaiainy ta tot; me u me ca he hmetu ka ijem e:

Isaia 51:6

Bwele thö goranyai ka hnyi drany, ke wâ ju hmeledrany eû: anyin ame he ka didrut drany helâ me hai, kʼ ame he ka amam hmeledrany helâ me ûkhaû, kʼ ame he tavat adre me! labā e ka mok helâe: ke ame he ka e balua bi anyik ûhomeli, kʼ adre me ca he ka ohia hwakecik ae wisa.

Isaia 51:8

Anyin ame he bi walelaba ka ön ödra helâ me ûkhaû, kʼ ame he bi waahnyöng ka ön ödra helâ me leûnen mamoe: kʼ ame he ka e balua bi hwakecik ae wisa, ke anyik ûhomeli ke ne o but hnyi ta je dö hia.

Isaia 55:11

ke ame he ka helâe hok hofuc wale ame he but ûnyi hnyi hnyimök: a gʼ ame ca he ka hmetu baû könya, ke so bi, ame he ka ânyâ wek, kʼ ame he bi ka aat hnyi ûnyi oge me kunâ e ka hnyin.

Isaia 62:8

A hia but Iehova khemanyin ge hnyamen a metân, me benyin ae hwege, ka habe, E hnathu oge me ca he hmetu ka hna ânyâm hwit hnân an je iwahnaihmiony möu; ke ame ca he je atkanyua ka ijem ânyâm waina waleji u je huliwan:

Jeremia 31:37

Walang hna ha hnö Iehova, ka habe, A ne khana he ka tuluto drany ethö, me elâm e taben hmeledrany, me oge me he minya ka degec hia je mâtrâniny Isaraela, can ta je ûnyi hia adre me ânyâ, haingö Iehova.

Ezekiela 16:42

Helâe oge me he ka bi obiny anyik hmönyin köu, ke ame he ka hwio gam hnok hna ciâ, ke oge me he ka menâ, ke oge me ca he hmetu ka hmönyin.

Ezekiela 39:20

Ke öbun e he ka sekon hnyi anyik laulau ge je hors me je kariota, me tavat hwege, me tavat vat hia, haingen Than Iehova.

Ezekiela 39:29

ke oge me ca he hmetu ka ikhâlâ hnyimakök gadra: anyin oge hia but hingâlâ hanuk hon lap anyi Isaraela, haingen Than Iehova.