Isaia 54:8 - Iaai Bible 1901 (New Caledonia)

⁸ Hnyi wathethot ae bahihingölö oge me ikhâlâ hnyimakök gam helâ me thuthubademak; ke oge me he ka betenge gam ge betenge a nyiele balua, haingö Iehova at a omeli u.

Isaia 54:8 ပူးပေါင်းရင်းမြစ်များ

Salamo 103:17

Ke hwân adrem balua ke ne o but nyiele balua ibetengiö anyi Iehova ka tavat adre me outen e, Ke e bi hwakecin ae wisa ka lakon ta je lakon;

Salamo 103:4

Wale at ame omeli u ûnyi hnyi ûohiö; Me obicö u ge ibetengiö me betenge ae menyik:

Salamo 13:1

IEHOVA lö, u me he ka hnying nya ke ne o but kehö? ke ne o but nyiele balua? U me he ka ikhâlâ hnyimâkâm gak ke ne o but kehö?

Salamo 27:9

U na ca he ju ka ikhâlâ hnyimâkâm gak; Ca he ka obâ athnyabaem hnyi hmonyin: U thibi at ame labö hadruo nya; Khong lö, at ame omeli nya, ca he ka hota degeci nya, me hnö nya but.

Salamo 30:5

Anyin ae ti okhulit anyin hmonyin; E hu möt bi hnyi anyin ibetengiö baû Adre me ne tenge hnyi sahac, Me ame o thö senyin hnyi hnyomakatu.

Isaia 14:1

A NYIN ame he Iehova ka betenge ga Jekob, ke e ame he hmetu ka ûco Isaraela, me ip ödra hnyi idra: kʼ ame he je atkanyua ka tha e mödra, kʼ adre me he ka kece ka lap anyi Jekob.

Isaia 26:20

Aiö u, ik hnyei, didro ka hnyi je hnyeulem, ke hlöng ju hwanuma hwabâm: ke ikhölö ju helâ me thuthubadecmak ke ne o but ame hia but hmonyin,

Isaia 40:27

Anyin a ieû gam Jekob u me ha, ke u Isaraela u me fuc, ka habe, E iyong kö Iehova dek gethen, ke a he but ûnyi ge Khonguk hna owisa könya?

Isaia 45:15

E hnathu u Khong ame ikhölö, Khongu Isaraela, at ûhomeli.

Isaia 47:6

Oge me hmönyik ka lakeik, oge me okongoâ ik hnyei me hnʼ ödra ka hnyi hnyamâm: e ba hmonyin betenge u je ânyâ kodra; u je ti ohmâkâ ânyâm hna ûhûkâlâköuâ hon wahingat.

Isaia 48:17

Walang hna ha hnö Iehova at ame ûcû melâm, Kabi Isaraela: Inya Iehova Khongom, at ame nö u he ka hu troban, at ame su u hnyi gethen u me be ka vheno.

Isaia 49:10

Adre me ca he ka mekihnânem me beic; ke ame ca he ka li ödra kahwa, me seûno: anyin ame he at a betenge gadra ka hum ödra, me su ödra ka hnyi an ame pupua.

Isaia 49:13

Je drany lö, khumöng dö; hmeledrany lö, senyin dö; je bucen lö, ie khumöng dö goranyai: anyin a Iehova ame otubwelâ lakeiny, me e ame he ka betenge ge anyin tavat adre me oveci ödra.

Isaia 49:26

Ke oge me he bi nya ka han tavat ge hing vidra a ödra adre me oveci u; kʼ adre me he ka monu ge hing drödra bi, helâke me hnen waina ae hnebwia: ke ame he tavat hia ka khanʼ ödra a inya Iehova, at ame omeli u, me at ame ûcû melâm, a Man mani Jekob.

Isaia 54:10

Anyin ame he ka hia ta je bucen, ke ame he ka bwebwet je hut; ke ame ca he bi ka hia anyik betenge unyâm, ke ame ca he ka hom degecâ hnok hna ûhihinyköu ge ûsoköu, haingö Iehovaʼ at ame betenge gam.

Isaia 54:5

Anyin a âiâm bi at a up u: haba ien, me Iehova tuhan sabaoth: ke haba at a ûcû melam, me Kabi Isaraela; adre me he ka hawâ e me Khongon hmeledrany hia thithö.

Isaia 55:3

Tevehlöng ju, ke ai öbun könya; löng ju me me möt je hanubun: ke oge me he ka ânyâ ûhihinyköu möbun a nyiele balua, wale tang betenge ae hnathu unyi Davita.

Isaia 55:7

e so ame he at ae kong ka degec hwakecin, ke so ame he at ae monu ka degec ta je ûnykûmenen: ke so e ame hmetu kö Iehova me me he ka betenge gan; ke so e ame hmetn ka Khonguta, anyin a e ame he ka ti kot degecâ hia.

Isaia 60:10

Ke ame he je atkanyua ka op hagâm je hak, kʼ ame he je tuhödra ka bi athnyabaem: anyin a oge me kuc u ehac hnyi anyik hmonyin, ke hnyi anyik ibetengiö oge hia but betenge gam.

Isaia 63:7

Oge me he bi nya ka ha ge tang betenge anyi Iehova, me je hnân oganö Iehova, hoton ta je ûnyi hia thithö waleji a ham köta Iehova; me so ae gan hmâ ka lap anyi Isaraela, waleji e ame ham ködra hoton anyin ibetengiö baû, ke hoton anyin tang betenge ae gan hmâ.

Isaia 64:7

Ke ba at ame hawâ iâm, me ka bwebwelâ e bi me me he ka kot u: anyin a u je hia but ikhâlâ hnyimâkâm gahmun, ke u je oauʼ öhmun hnen je hwakecin ae monu öhmun e ânyâ.

Isaia 8:17

Ke oge me he ka halubahing Iehova, at ame ikhâlâ hnyimakan ge lap anyi Jekob, ke oge me he ka elâm e.

Jeremia 31:3

Haba Iehova ame manen dut könya ehac me ha, ka habe, Inya oge me betenge gam ge betenge a nyiele balua: anyin a wale oge hia but lili u ge betenge baû.

Jeremia 33:26

awe, oge me he ka hna degecâ je mâtrâni Jekob, me Davita athnyabaik, mʼ oge me ca he ka hom unyin je mâtrâniny hnân muso je mâtrâni Aberahama, me Isaaka, me Jekob: anyin oge me he ka ohmetu ödra ûhedra hnyi hna bâ, me betenge gadra.

Jeremia 51:5

Anyin a ca degec Isaraela me Juda hnen Khongon, a Iehova tuhan sabaoth; eja ke ne a ne unöngöt idra hnyei ge hulo ka Kabi Isaraela.

Ezekiela 39:29

ke oge me ca he hmetu ka ikhâlâ hnyimakök gadra: anyin oge hia but hingâlâ hanuk hon lap anyi Isaraela, haingen Than Iehova.

Habakuka 3:2

Iehova lö, oge hia but long ûthumetu gam, me oge me ot: Iehova lö, ohâtâ thö ânyâm huliwa hnyi wanben ta je huna, Omanenâ thö hnyi wanben ta je huna: Ke ûnykûme ju ibetengiö hnyi ûen wathethot.

Zakaria 1:15

Ke e gan hmâ anyik hmonyin ka tavat adre me laba hnahic: anyin ae ûhnyûkong anyik hmonyin, ke haba ödrin bi, me adre me ogânâ hna ovecâ.

Zakaria 1:16

Anyin a wale, walang hna ha hnö Iehova, ka habe, Inya oge me hmetu Jerusalema ai me je ibetengiö; adre me he ka op hmetu umök uma eling, haingö Iehova tuhan sabaoth, ke adre me he ka lelö tulut tö hon Jerusalema.

Zakaria 10:6

Ke oge me he ka ha hwegien lap anyi Juda, me omelö lap anyi Josefa, me ohmetu ödra, anyin oge me betenge gadra; ke adre me he ka helâ ke mʼ oge me ca digic ödra: anyin a inya Iehova Khongudrin, ke oge me he ka ling ödra.

II. Thesalonika. 2:16

Ke hanymen Tuhöta Iesu Keriso, me Khong a Kamöta at ame betenge gata me ham köta hnahic ame ca ba balua me geju ae so hnyi ibetengiö baû,

I. Timoteo 1:16

ke wale thibi e can adre betenge baû könya, me me he Iesu Keriso ka omanenâ a ûnyi gak, wale at ae nuâ monuiny, anyin hokhnyok ae beû hmâ hia thithö hnân tulut kodra adre me he ka labageju kâu nyiele, mʼ adre me hu gadra möt ame ca ba balua.