Isaia 54:7 - Iaai Bible 1901 (New Caledonia)

⁷ Ke oge hia but hna degeci u hnyi ong ûen ae ûhnyûkong; ke oge me he ka köp u hmetu hnyi tang betenge ae gan.

Isaia 54:7 ပူးပေါင်းရင်းမြစ်များ

Salamo 106:47

Iehova Khonguhmun lö, omeli öhmun, Me ûkhacaköuʼ öhmun dö ûnyi hnyi ta je hnyei, He ka oleâ iâm ae kap, Me ohobeluâ hnyi hna oganö u.

Salamo 107:3

Me ûkhacaköu ödra ûnyi hnyi ta je hnyei, Ûhedra jimeiö me jimeû, Ûhedra hnyi hwadro me hwaiöu.

Salamo 30:5

Anyin ae ti okhulit anyin hmonyin; E hu möt bi hnyi anyin ibetengiö baû Adre me ne tenge hnyi sahac, Me ame o thö senyin hnyi hnyomakatu.

Salamo 30:6

Haba inya, hnyi ûen oge me labö sot, me oge me ha, ka habe, Oge me ca he bala bi ka bwebwet.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 11:12

Ke e ame he ka ogöranyâ boûdila hobi kâu ta je hnyei, me ûkhacaköuâ je hna degec ge at Isaraela, me ûkhacaköuâ je hna oveseâ a at Juda ûnyi hnyi je can hmeledrany a vak.

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 14:1

A NYIN ame he Iehova ka betenge ga Jekob, ke e ame he hmetu ka ûco Isaraela, me ip ödra hnyi idra: kʼ ame he je atkanyua ka tha e mödra, kʼ adre me he ka kece ka lap anyi Jekob.

Isaia 26:20

Aiö u, ik hnyei, didro ka hnyi je hnyeulem, ke hlöng ju hwanuma hwabâm: ke ikhölö ju helâ me thuthubadecmak ke ne o but ame hia but hmonyin,

Isaia 27:12

Hnyi bong eling ame he Iehova ka tau wan, hwân hnyi wadutöiny Wagewe, ke ne o but hnyi wageweiny Aigupito, kʼ adre me he ka hlu öbun a ûsa khaca, öbun lakon Isaraela.

Isaia 27:8

Hnyi tulut, hnyi ûen u je obâ e, u je oû e; e ame hia but hom e ge ang ae hwege hnyi bonginy ang hwei.

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Isaia 49:13

Je drany lö, khumöng dö; hmeledrany lö, senyin dö; je bucen lö, ie khumöng dö goranyai: anyin a Iehova ame otubwelâ lakeiny, me e ame he ka betenge ge anyin tavat adre me oveci ödra.

Isaia 49:18

Bwela thö goranyai li emâkâm me wâ igigilo: ödra hia thithö ang adre me ûkhacaköu, me he jem köu. Haingö Iehova, Kia inya, ke e hnathu, u me he ka hum ödra hia me me khaûâm me hnân theibâm, me hnân oweikö u, helâ me hlu ame he ka faipoipo.

Isaia 49:21

Ke u me he ka ha eû hnyi hnyekom, ka habe, Ia hnöku ödra ang könya anyin oge hia but tenge ge imekiny lakuk, me hake laba, a at adre obâ ke he monu? ke ia hat hnyat ang? Wâ bi, iny khaca thibi; ke haba hnyat ang, me ûhedra ua?

Isaia 50:1

WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Isaia 56:8

Haingen Than Iehova, at ame ûkhacaköuâ ta je hna obâ a at Isaraela, ka habe, Oge me he bi ju ka ûkhacaköu keihen unyin, ke ca ha bi ge hing aten adre hia but ûkhacaköu.

Isaia 60:10

Ke ame he je atkanyua ka op hagâm je hak, kʼ ame he je tuhödra ka bi athnyabaem: anyin a oge me kuc u ehac hnyi anyik hmonyin, ke hnyi anyik ibetengiö oge hia but betenge gam.

Isaia 60:4

Bwele thö goranyai igigilö me wâ: ödra hia thithö adre me ûkhacaköu, adre me o köu: ame he ka o lakom je baga ûhedra hnyi dok ae sâkâû, ke adre me he ka deluâ lakom je hlu.

Isaia 62:4

Ke adre me ca he hmetu ka haiö u, ka habe, Adre degec; ke adre me ca he bi ka ha ge em hnyei, ka habe, E ba aten: ke adre me he ka hwenyi iâm, ka habe, Hnok hna senyin gan, ke haba ien em hnyei, A faipoipo thö: anyin ame senyin köu Iehova, kʼ ame he ka faipoipo em hnyei.

Isaia 63:7

Oge me he bi nya ka ha ge tang betenge anyi Iehova, me je hnân oganö Iehova, hoton ta je ûnyi hia thithö waleji a ham köta Iehova; me so ae gan hmâ ka lap anyi Isaraela, waleji e ame ham ködra hoton anyin ibetengiö baû, ke hoton anyin tang betenge ae gan hmâ.

Isaia 66:18

Anyin ae khanö nya hnödra hna ânyâ, me je ûnykûmenödra: ame o thö ûen, me oge me he ka ûkhacaköuâ ta je hnyei hia thithö, me je hwen hnyei; ke adre me he ka o but, me wâ anyik hmanenang.

Jeremia 51:5

Anyin a ca degec Isaraela me Juda hnen Khongon, a Iehova tuhan sabaoth; eja ke ne a ne unöngöt idra hnyei ge hulo ka Kabi Isaraela.

Je tenge anyi Jeremi 3:31

Anyin ame ca he bi Than ka degec nyiele balua.

Je tenge anyi Jeremi 3:32

Anyin a eja ke ne a ne ovecâ, e ame he hmetu ka betenge hoton ûganiny anyin betenge.

Ezekiela 36:24

Anyin a oge me he ka hum öbun unyin tavat, me ûkhacaköu öbun ûnyi hnyi je hnyei hia, me hum öbun ka hnyi ibun.

Mika 4:6

Hnyi bong eling, haingo Iehova, oge me he ka ûkhacaköuâ tavat adre me he ci, ke oge me he ka ûkhöûnâ at adre obâ, me at oge hia but ovecâ;

Mataio 23:37

Jerusalema, Jerusalema lö, at ame hlingâ ta je perofeta, me lûâ tavat adre me kunâ kâu! iny ibi osehia wek he ka ûkha-caköuâ lakom helâ me hinyen denakhoto ame tube lakon ge li labenyin, mʼ öbun ka höcö öbûn!

II. Korinito 4:17

Anyin a haba anyihmun vec ae hâhâ, wale ame ie hia, ame huliwan gan hmâ tot hobi kohmun hmanenang ae hmak ke nyiele balua;

Efeso 1:10

hnyi hna penapena bekhötâ ta je ûen, me me khaca thibi ta je ûnyi hia ka Keriso, wale ta je ûnyi ethö hnyi drany, me ta je ûnyi eang hmeledrany; hnân hobi kâu,

Deuteronomi 30:3

awe, ame he Iehova ka ohmetu u ûnyi hnyi hna bâ, me betenge gam, me he hmetu ka ûkhacaköuö u ûnyi hnyi ta je hnyei hia wale Iehova ame hia but oveseiö u ka hnyin.

Iakobo 4:6

Ke e ame bi hanen ibetengiö baû. Anyin a wale hna ha, ka habe, Khong ame hagutâ tavat bi gan, me ham ibetengiö baû ka tavat a Ödra hnyikânâ.

II. Peteru 3:8

Hnyat a oûnykûmik lö, ca he öbun ka hnying hofuc ang a khaca, ka habe, haba hnyi hnyimakan Than, me bong a khaca helâ me wan thauzan ta je huna, ke haba ta je huna a wan thauzan, me ûcû thibi me bong a khaca.