Isaia 54:4 - Iaai Bible 1901 (New Caledonia)

⁴ Ca ot bi; anyin a u me ca he ka hmehma: ke ca hlohlo bi; anyin adre me ca he ka ohmehmai u: anyin a u me he ka hnying hmehma waleji u ka tiga ûhnyûkong, ke u me ca he bi ka ûnykûme hna ohmehmai u waleji u tiga safac.

Isaia 54:4 ပူးပေါင်းရင်းမြစ်များ

Jobu 11:16

Anyin a u me he ka hnying ânyâm vec; U me he ka ûnykûme gan helâ me je di a hia but:

Isaia 25:8

E ame hia but utâ mok me ohia e; ke ame he Than Iehova ka kot degecâ ta je deköiö ûnyi hnyi ta je hnyimak hia thithö; ke e ame he ka ohia hna haikongoâ lakeiny ûnyi eang hmeledrany hia: anyin ame ha Iehova.

Isaia 29:22

Anyin a wale, walang hna ha hnö Iehova at ame omeli Aberahama, haingen ge lap anyi Jekob, ka habe, Ame ca he Jekob ka hmehma walang ang, kʼ ame ca he ka löhau hnyimakan.

Isaia 4:1

KE hnyi bong eling ame he ta momo a seven ka kât baga a khaca me ha, ka habe, Öhmun e he ka an ö ʼhmun bi jeû, ke khavâ anyihmun bi je ûkhaû: haba wehmun thibi a u me ip iâm huhmun; mʼ u ma ohia but hna haikongu öhmun.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Isaia 50:7

Ke ame he Than Iehova ka hadruo nya; anyin a wale ame ca kong hnyekuk: anyin a wale oge me ânyâ hnyimakök helâ me oût, ke e khanö nya but a oge me ca he ka hmehma.

Isaia 51:7

Ling nya ju öbun tavat ae khanʼ öbun wisa, tavat ae hu anyik hnanyibu eû hnyi hnyekudra; ca he ju öbun ka outen hna haikongu öbun ge at, ke ca gāubun ge hnödra hna hlumʼ öbun.

Isaia 54:14

Adre me he ka otethmö u hnyi hwakecin ae wisa: me u me he ka laba sâkâu ge seda, anyin u me ca he ka ot; me laba sâkâû me öbubuny, anyin a e ame ca he bi ka o köu.

Isaia 61:7

Ame he ka lo li hwaban köbun, hwaban anyibun hmehma; ke hwaban imonumonuny adre me he ka senyinâ jekhöûdra; anyin a wale adre me he ka olo hu hnyi idra hnyei: kʼ adre me he bi ka senyin nyiele balua.

Isaia 65:16

me me he at ame ha hnahicâ e bi hnyi hmeledrany, me ame he ka ha hnahicâ e bi ge Khong ae hnathu; ke haba at ame khemanyin hnyi hmeledrany, me ame he ka khemanyin ge Khong ae hnathu; anyin a hia but hnying ta je vec a bân, ke adre hia but ikhâlâ ta je ûnyi e ge li emakök.

Jeremia 31:19

Ke hwaban e, e hnathu oge me hmetu, me oge me ietra; ke hwaban hnödra hna nö nya, me oge me khaû jevak: iny hmehma but, eke, iny hlohlo, anyin oge me hokhnyokâ hna haikongu nya kʼ iny tiga hidröu.

Je tenge anyi Jeremi 1:1

NAKAINY taun ame hake laba, waleji ae unöngöt ge at! Ke helâ me momo a safac ut walang ang! Waleji ae gan unyin ta je hnyei, ke momo than unyin je ke keihen hnyei, Kʼ ame bi fat walang ang!

Ezekiela 16:22

Ke haba hnyi hwakecâm ae ikiki me ânyâm je bi ûnyi monu hia, me u je ca ûnykûme je bonginy hlu a u, hnyi ûen ae ba ûkhaû, ke u me mokut thu, me seset hnyi drâm.

Ezekiela 16:43

Anyin a u je ca hia but ûnykûme je bonginy hlu a u, ke u je oveci nya ge ta je ûnyi hia eling, anyin a wale, wâ bi, oge me he ka bi hwaban hwakecâm ka hnyi bâm, haingen Than Iehova: ke u me ca he ka ânyâ hwakecâm ae ikiki eling hon ta je hwakecâm ae ikiki hia thithö.

Ezekiela 36:15

ke oge me ca he hmetu ka ha gam hmehma anyin ta je hnyei, ke ame ca he hmetu je hnyei ka haikongu u, ke u me ca he hmetu ka othöâ em hnyei, haingen Than Iehova.

Joela 2:21

Hnyei lö, ca ot bi, senyin do me hobâ; anyin a hia but Iehova ânyâ ta je ûnyi ae gan.

Zefania 3:11

Hnyi bong eling u me ca he ka hmehman ta je hwakecâm hia waleji u je hanyâûâ gak: anyin a wale oge me he bi nya ka hom but gam hnyi bong eling tavat hop ke bi gan unyâm, ke u me ca he hmetu ka begö-rany hnyi anyik bucen ae kap.

Zakaria 10:6

Ke oge me he ka ha hwegien lap anyi Juda, me omelö lap anyi Josefa, me ohmetu ödra, anyin oge me betenge gadra; ke adre me he ka helâ ke mʼ oge me ca digic ödra: anyin a inya Iehova Khongudrin, ke oge me he ka ling ödra.

I. Peteru 2:6

Anyin adre me ha hnyi hna sihnalimen, ka habe, Wâ bi, inya oge me ip hnyi Ziona veto hnân kopiny adre ûca, ke gan hmâ hwaban: Ke ame ca he ka hmehma at ame labageju kâu.