Isaia 54:17 - Iaai Bible 1901 (New Caledonia)

¹⁷ E ba ûnyi adre ânyâ hnân vat möu ame he ka ton; ke haba ta je bohmen hia thithö tavat adre me he ka tot ka ivino möu hnyi hna owisa, u me he ka haikongoâ. Wale jekhon je athnyabai Iehova, me hwakecidra ae wisa ûnyi gak, haingö Iehova.

Isaia 54:17 ပူးပေါင်းရင်းမြစ်များ

Jobu 1:11

Ke so bi hai thö benyâm walang ang, me mâdrâ anyin ta je ûnyi hia, me e ame he ka haikongu u hnyi hnyimâkâm.

Jobu 2:5

Ke so bi hai thö walang ang hnyamâm, me kot je jeien me viny, me e ame he ka haikongu u hnyi hnyimâkâm.

Jobu 42:7

Ke hwaban hna ha je hofuc eling kö Jobu hnö Iehova, haba Iehova ame ha ko Elifaza at Temana, ka habe, Ame ubâhlâ thö anyik hmonyin köu me li lahânâm: anyin a öbun e ca hia but ha gak ûnyi ae wisa helâ me Jobu athnyabaik.

Salamo 32:6

Can e, e so ame he tavat ae so ka hic köu hnyi ûen ae khanʼ ödra he ka ō u: E hnathu e ka o but wadutö ae gan, me ame ca he ka hakekenyâ e.

Salamo 61:5

Anyin a haba u Khong lö, u je hia but long anyik je khöbi: U je hia but ham könya jekhoû e ûcû kodra adre me outen iâm.

Salamo 71:16

Oge me ka o hnyi man mani Iehova Than: Oge me he ka ha thibi hwakecâm ae wisa, a hwakecâm thibi

Salamo 71:19

Khong lö, e ti beönua hwakecâm ae wisa; U at ame hia but ânyâ ta je ûnyi ae gan hmâ, Khong lö, ie at ae ûcû möu?

Isaia 17:12

Ekölö! hwan tavat ae se hia, adre me mede helâ me hwan köiö; me iwadringiny je hnyei, adre me wadring helâ me wekhetiny je köiö ae se hia!

Isaia 26:2

Khong ut je homagöule me me didro hnyei ae wisa, a at ame tuö hnathu.

Isaia 29:8

Ke ame he ka helâ me at ae mekihnânem ame bwi, ke wâ bi, e ame han; ke e ame hmak dö, ke mekihnânem bi: ke helâ me at ae beic ame bwi, ke wâ bi e ame ic; ke e ame hmak dö, me wâ bi, e sēnyin bi, ke beic: ke ame he ka helâe ûseiny je hnyei hia tavat adre me vat me bucen Ziona.

Isaia 3:10

Ha thö ka at ae wisa hwakeciu, ka habe, ame he ka hu so gan; anyin adre me he ka an wan anyidra huliwa.

Isaia 40:2

Ha thö hofuc ae kaukahwa kö Jerusalema, ke hongot dö kâu a ga um dö bonginy vec, ke adre hia but thang degecâ anyin hulo; a hia but kap ûnyi ga Iehova hna olo bi hwaban anyin ta je hulo hia.

Isaia 41:11

Wâ bi, adre me i he ka hmehma me hlohlo ödra hia thithö adre me hmönyidra köu: ke haba tavat adre me ivino möu me adre me he ka helâ me ba kʼ adre me he ka hia but.

Isaia 46:13

oge me hakekenyâ anyik wisa, e ame ca he ka ûsâkâûö, ke ame ca he ka bec ûhomeli ûnyi gak; ke oge me he ka ip hnyi Ziona ûhomeli hobi kö Isaraela hmanenangik.

Isaia 50:8

E hakekeny jut at ame haiwisö nya; ie at ame he ka ivino mönya? otu me he ka tha todrö: ie at ama tot könya? e so e ame he jem könya.

Isaia 50:9

Wâ bi, ame he Than Iehova ka hadruo nya; ie at ame he ka haikongu nya wâ bi adre me he hia thithö ka amam helâ me ûkhaû; ame he walelaba ka ön ödra.

Isaia 51:5

E hakekeny jut hwakecin ae wisa, a he but anyik ûhomeli, ke ame he li benyik ka owisa ta je hnyei; ke ame he ta je bomene ka halubahing nya, me labageju ka hnyi benyik.

Isaia 54:15

Eja ke ne adre ne ûkhacaköu, ke ca ûnyi bi gak: haba tavat adre me ûkhacaköu he ka vat möu, adre me he bi ka ta, can bi u.

Isaia 54:16

Wâ bi, oge hia but op at leû fao wale ame tûâ je walep hnyi meic, at ame hom je omjehen huliwa; ke oge hia but op at ame sei he ka ohia.

Isaia 58:14

awe, u me he ka senyin kö Iehova; ke oge me he ka hum u, mʼ u me tabâ je dok ae göranyin hmeledrany; ke oge me he ka hâm ûnyi hnyi hnyei i Jekob a kâmâm: anyin a hia but ha hnen hnyimö Iehova.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Jeremia 23:6

Hnyi bonginy je bong, ame he ka mot Juda, kʼ ame he Isaraela ka laba khotkic: ke walang ien adre me he ka hawâ, ka habe, Iehova wisaita.

Daniela 3:26

Me haba Nebukaneza ame hakekeny ka hnyi hnyimen thop ae möt hnyin meic, me ha, ka habe, E, Saderaka, me Mesaka, me Abedenego, je athnyabainy Khong ae Beönua, ai öbun, kâ âng. Me ame didrut Saderaka, me Mesaka, me Abedenego ûnyi hnyi hnyin meic.

Daniela 6:20

Ke e ame o but ka hnyi thop kö Daniela, me e ame hongot tenge goranyai: ke haingen than kö Daniela, ka habe, Daniela lö, athnyabainy Khong ae möt, hawa, e khana Khongom, wale at u je bi athnyabainy hnyi je bong he ka omeli u ûnyi ge je liona?

Mataio 16:18

Ke inya oge me ha köu, ka habe, U Peteru, ke hnyi hon veto ang, oge me he ka otilâ anyik ekalesia; ke ame ca he ka hwege ta je homagouleny hedis hon e.

Roma 10:4

Anyin a Keriso obiny hnanyibu hobi kâu hwakecin ae wisa kodra hia adre me labageju.

Roma 3:22

wale hwakecin ae wisa anyin Khong hnen labageju kö Iesu Keriso hobi kodra hia tavat adre me labageju; anyin ae ve bongon bi;

Roma 8:1

ANYIN a wale, e ba hmetu hnaûhango kodra unyin Keriso Iesu.

I. Korinito 1:30

Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt:

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

Filipi 3:9

mʼ adre me he ka ō nya unyin, ke ca ka ûnyi gak bi hwakecik ae wisa, waleji ûnyi hnyi hnanyibu, ke so bi a deny labageju ka Keriso, wale hwakecin ae wisa ûnyi ge Khong hnen labageju:

Josua 24:10

ke haba inya oge me höcö he ka ling Balaama; anyin a wale e ame ha hnahici öbun bi; me oge me omeli öbun unyi hnyi hnyamen.

II. Peteru 1:1

INYA Simona Peteru athnyaba me aposetolo anyi Iesu Keriso, oge me sihnalimen ka tavat ae hu gadra labageju ae ûnyi hnathu helâ mʼ öhmun hnyi hwakecin ae wisa unyin Khonguta me At ûhomeli a Iesu Keriso:

Hna Omanenâ 12:10

Ke oge me löng hofuc ae gan hmâ hnyi drany ame ha, ka habe, A o but walang ang möt, me man, me dokhu dokhon Khonguta, me musi minya anyin Keriso a anyin: anyin adre hia but obâ at ame haikongoâ je liamekeiny mʼ öta, wale at ame haikongu ödra hnyi hnyimakan Khonguta hnyi lany me lit.

I. Samuela 23:17

Me e ame ha kâu, ka habe, Ca ot anyin ame ca he cica Saulo ka ō u; ke u me he ka tuhan Isaraela, ke oge me he ka loiny hmelâm; ke haba hhaca, e khanö cica Saulo ling.