Isaia 54:16 - Iaai Bible 1901 (New Caledonia)

¹⁶ Wâ bi, oge hia but op at leû fao wale ame tûâ je walep hnyi meic, at ame hom je omjehen huliwa; ke oge hia but op at ame sei he ka ohia.

Isaia 54:16 ပူးပေါင်းရင်းမြစ်များ

Esodo 9:16

ke so bi e hnathu oge hia but otilö u, hnân he ka omanenâ köu manik man, me me lung iök hnyi hmeledrany hia.

Ta je Vejec 16:4

Iehova ame op ta je ûnyi hia he ka ve hu hanymen: Eke, me at minya ae kong hobi kâu bong ae kong.

Isaia 10:15

Hawa, ame he gö ka ohobeluâ hon at ame nang e? ame he gili ka ogânâ e ka at ame obwebwelâ e? helâke hnen osö hna obwebwelâ at ame nang e, ke helâke hnen uci hna kap goranyai at a ca utö bi.

Isaia 37:26

Hawa, u je ca long a oge ânyâ e kâû adrem, ke oge mâdrâ e hnyi je bong a bân? walang ang oge hia but ohwâdâ mu me he ka öba je taun adre up haginy me me je ve ta ûnyi.

Isaia 46:11

at ame hawâ meno ame gâ ae behan ûheny jimeio, ûheny hnyi hnyei ae sâkâû, waleji at oge me ûsabö mē; eke, oge hia but ha, me oge me he ka ohwâdâ e; oge hia but ip hnyi hnyekuk, me oge me he bi ka ânyâ.

Isaia 54:15

Eja ke ne adre ne ûkhacaköu, ke ca ûnyi bi gak: haba tavat adre me ûkhacaköu he ka vat möu, adre me he bi ka ta, can bi u.

Isaia 54:17

E ba ûnyi adre ânyâ hnân vat möu ame he ka ton; ke haba ta je bohmen hia thithö tavat adre me he ka tot ka ivino möu hnyi hna owisa, u me he ka haikongoâ. Wale jekhon je athnyabai Iehova, me hwakecidra ae wisa ûnyi gak, haingö Iehova.

Zakaria 1:20

Haba Iehova ame omanenâ könya je hnyat huliwa a vak.

Zakaria 2:1

KE oge me bwele thö, me wâ, ke wâ bi, at ae hu tulut tö hnyi hnyamen.

Zakaria 2:4

me haingen kâu, ka habe, Më wadring dö he ka ha ka hidröu eling, ka habe, Adre me he bi ka labâ Jerusalema helâ me je taun ae ba haginy, anyin ae se hia but tavat me meno hnyi wanben e.

Ioane 19:11

Iesu ame thu kâu, ka habe, Adre ne ca ham köu ûnyi ethö me ba ânyâm musi huk: waleling me me gan hulö anyin at a ham nya köu.

I. Samuela 13:19

Ke ba at leû fao hnyi hnyei Isaraela hia: anyin a haingen at Filisiti, ka habe, Wâ e nye he at Heberu ka bi hele vat me ö: