Isaia 54:13 - Iaai Bible 1901 (New Caledonia)

¹³ Ke ame he Iehova ka nâ lakom hia; ke ame he ka gan hnahic anyin lakom.

Isaia 54:13 ပူးပေါင်းရင်းမြစ်များ

Salamo 119:165

E gan hmâ hnahic hnen tavat adre me hnyokâ ânyâm hnanyibu; Ke ba ûnyi hnân ohaûʼ ödra.

Salamo 119:33

Iehova lö, nö nya thö ge deny ânyâm ta je hnanyibu; Me oge me he ka vheno e ke ne o but obiny.

Salamo 147:14

E ame ham ûsoköu hnyi je ke keihâm; E ame ounöngöti u ge hwit ae ti so.

Salamo 71:17

Khong lö, u je hia but nö nya hwân kʼ iny tiga hidröu; Ke oge hia but omanenâ ke ne o but walang ang ânyâm ta je huliwa hnân lâiâ.

Isaia 11:9

Adre me ca he ka ovecâ me okongoâ hnyi anyik bucen hia ae kap: anyin ame he ka unöngötö hmeledrany ge wâ ûnykûme ga Iehova, helâ me köiö ame tube taben köiö ae gan.

Isaia 2:3

Ke ame he ka o ta je hnyei ae se hia me ha, ka habe, Ai öbun me otin e ölö thö ka hnyi bucen anyi Iehova, ka hnyi uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, me hofuc ho Iehova ûheny Jerusalema.

Isaia 26:3

U ma he bi ka tuö hnyi hnahic ie bekhot at ame tethmâ hnyok unyâm: anyin a e ame labageju köu.

Isaia 28:9

E ame he ka nö ia ge metâi ke ame he ka owâhmakhmeto ia ge uthumetu? tavat adre hnebaio, me hom ûnyi hnyi li basin?

Isaia 29:24

Me ame he tavat ae monu hnyekudra ka wâ metâ, kʼ ame he tavat ulit ka ûnö hna ûnö.

Isaia 48:18

Nakaem, u je ne long anyik ta je hnanyibu me me helâ me wagewe ânyâm hnahic, ke helâ me je waköiöiny köiö hwakecâm ae wisa:

Isaia 50:4

Haba Than Iehova ame hia but ham könya bohmen at ûne, me me khanö nya he ka sihwegiâ at ae sēnyin ge hofuc: e ame ûöhmak hnyi je hnyomakatu, e ame ohmâkâ hnyikönyök he ka löng helâ me tavat ûne.

Isaia 54:12

Ke oge me he ka ânyâ ta je baitoâm ge je veto ae dra vec, me je homagöulem ge je veto a bereketh, me je hnyigöulâm hia ge je veto ae kese.

Isaia 55:12

Anyin a öbun e he ka didrut hnyi senyin, ke adre me he ka lili öbun ge hnahic: ame he ta je bucen me ta je hut ka ie khumöng dö huyi hnyimaköbun, ke ame he je ûöiny hnyot hia ka khöûkhöû hnyam.

Isaia 66:12

Anyin a walang hna ha hnö Iehova, ka habe, Wâ bi, oge me he ka inâ hnahic kâu helâ me wagewe, me hmanenanginy je hnyei helâ me di ame bahihingölö, ke öbun e he ka ic; adre me he ka abiny öbun, me jijingʼ öbun hon li jevan.

Jeremia 31:34

ke adre me ca he hmetu ka ve nâ tavat ae hakekeny kodra, me je liamekeiny mödra, me ha, ka habe, Khanʼ öbun dö Iehova: anyin adre me he hia ka khanʼ ödra inya, hwâu ge ta je hoûmonu ke ne o but ka tavat ae beönua, haingö Iehova: anyin oge me he ka hna but hwakecidra ae kong, ke oge me ca be hmetu ka ûnykûme anyidra ta je hulo.

Jeremia 33:6

Wâ bi, oge me he ka hom kâe ûnyi hnân ometo me eny, ke oge me he ka ometu ödra; ke oge me he ka omanenâ gânâ kodra hnahic me hnathu.

Ezekiela 34:25

Ke oge me he ka ânyâ ûhihinyköu ûsoköu mʼ ödrin, ke oge me he ka ohia ta je meno ae kong ûnyi hnyi hnyei: ke adre me he ka laba khotkic hnyi hnyebuba, ke mokut hnyin hnyi hnyot.

Ezekiela 34:28

Ke adre me ca he hmetu ta je hnyei ka sei ödra, ke ame ca he ka ön ödra hnen ta je menoiny hnyot; ke adre me he ka laba khotkic, ke ba at ame he ka ooti ödra.

Ezekiela 37:26

Ke oge me he ka ânyâ mʼ ödra ûhihinyköu ûsoköu: me ûhihinyköu a nyiele balua mʼ ödra: me oge me he ka ti ödra, me osehiʼ ödra, me ip unyidra anyik dok ae kap nyiele balua.

Hosea 2:18

Ke hnyi ûen eling oge me he ka ânyâ ûhihinyköu hobi ködrin me je menoiny hnyot, me je meno ame gâ ethö, me je meno ame iyawâ kânâ: ke oge me he ka thu cafana me hele vat, me vat ûnyi hnyi hnyei, ke oge me he ka omokulic ödrin hnyi sot.

Mika 4:2

Ke ame he ka o ta je hnyei ae se hia me ha, ka habe, Ai öbun mʼ ate me he ka ölö ka hnyi bucen anyi Iehova, me uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, ke hofuc ho Iehova ûheny Jerusalema.

Zakaria 10:7

Ke ame he at Eferaima ka helâ me at ae hwege, ke ame he je hnyekudra ka senyin helâ me tavat adre ic waina: eke, ame he je lakudra ka wâ me senyin; ame he je hnyekudra ka hobâ kö Iehova.

Mataio 16:17

Ke haba Iesu ame thu me ha kâu, ka habe, Hnâm hnahic Simona Bar-Jona: anyin a ca omanenâ bi köu hnen at, ke hnen bi Kamök ethö hnyi drany.

Luka 24:45

Me e ame khong ut je hnyekudrin, me ödrin e he ka wâhmakhmeto hna sihnalimen;

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Ioane 6:45

Adre me sihnalimen hnyi tusi anyin je perofeta, ka habe, Ame he Khong ka nʼ ödra hia. Ke haba tavat hia adre me long ûnyi ge Kamen, kʼ adre me ûne bi, me adre me he ka o könya.

Ta je huliwa 2:39

Anyin a haba hna ha bânâ, me hnân hobi köbun me je lakubun, me hobi kâu hnyat a ödra sâkâu, wale hnyat hia ame he Than a Khonguta ka hawâ kâu.

Roma 14:17

anyin a haba dokhon Khong, me ca he ka hnyi han me ic, ke so bi hwakecin ae wisa, me hnahic, me senyin hnyi Hanu Kap.

Roma 15:13

E so e he Khongon geju ka ounöngöti öbun ge senyin me hnahic hnyi labageju, me me gan anyibun geju hnen man maniny Hanu Kap.

Roma 5:1

ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;

I. Korinito 2:10

Ke a hia but Khong omanenâ köta hnen Hanu: anyin a Hanu ame elelâm ta je ûnyi hia, eke, ta je ûnyi ae dit anyin Khong.

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Efeso 4:21

öbun e ne long kâu, me ûne unyin helâ me hnathu unyi Iesu:

Filipi 4:7

Ke haba ûsoköu ûnyi ge Khong ûnyi ae nua hon ta je ûnykûme hia, ame he ka tuö je hnyekubun me je ûnykûmenöbun hnyi Keriso Iesu.

I. Thesalonika 4:9

Ke ca ûnyi hnathu bi a oge me he ka sihnalimen köbun ge bongon ibetengiö anyin hnyat me lakeiny: anyin a nʼ öbun Khong he ka ibetengiököu;

Heberu 8:10

Anyin a walang ûhihinyköu oge me be ka ânyâ me lap anyin Isaraela Hwaban je bong eling, haingen Than; Oge me he ka ip anyik je hnanyibu hnyi ûnykûmenödra, Ke sihnalimen minya hnyi je hnyekudra: Ke oge me he ka Khong bi kodra, Ke adre me he bi ka lakeik:

Heberu 8:11

Kʼ adre me ca he bi ka ve nâ tavat ae hakekeny kodra, Ke je liamekeiny mʼ ödra, me ha, ka habe, Khanö u thö Than: Anyin ame he bi tavat hia thithö ka khanʼ ödra inya, Hwân ge tavat ae ûhnyûkong ke ne o but ge tavat ae gan gadra.

I. Ioane 2:20

Ke so bi adre me hû öbun ûnyi ge At ae Kap, ke manen köbun ta je ûnyi hia thithö.

I. Ioane 2:27

Ke haba öbun, me ame tethmâ unyibun hna osûâ waleji öbun e kap ûnyi gan, ke ca ûnyi hnathu köbun ame he ke at ka nʼ öbun; ke haba hnen hna osûâ ame nʼ öbun hnyi ta je ûnyi hia, ke e hnathu e, kʼ ame ca thoi bi, ke helâe, e ame nʼ öbun, ke so öbun e tethmâ hnyin.