Isaia 54:1 - Iaai Bible 1901 (New Caledonia)

¹ KHUMÖNG dö, u momo toûnyi at ame ca hnokoâ; ke ie khumöng dö goranyai, ke hongot senyin dö momo ame ca vec hnyekom: anyin ae se hia lakon tavat laba baû hon lakon tavat ae hu laöiödra, haingö Iehova.

Isaia 54:1 ပူးပေါင်းရင်းမြစ်များ

Genese 21:6

Ke haingö Sara, ka habe, Khong ame hia but ohlumö nya; kʼ ame he ka tha hluma mönya tavat hia adre me löng.

Salamo 113:9

E ame wia momo ae toûnyi he ka tuö uma, Me me hnokoâ je lakon hnyi senyin. Oganö Ja thʼ öbun.

Khumöng Hwanyi Solomona. 8:8

E hu hanihmun ae ûhnyûkong, Ke ba bi haten li basin: Ieû ate me he ka ânyâ hobi kâu hanihmun Hnyi bong adre me he ka ûhnenamö gan?

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Isaia 24:14

Ame he tavat eling ka hongot goranyai me kuku; kʼ adre me hongot goranyai ûnyi hnyi köiö ge hmanenangi Iehova.

Isaia 44:23

Drany lö, khumöng dö, anyin a ânyâ e Iehova; je hnyikânâiny hmeledrany lö, hongot senyin dö; öbun je bucen lö, ie khumöng dö goranyai, ke hnyot minya, ke ta je ûö hia hnyin e: anyin a hia but Iehova ûcû Jekob, ke e ame he ka ogânâ e bi hnyi Isaraela.

Isaia 49:13

Je drany lö, khumöng dö; hmeledrany lö, senyin dö; je bucen lö, ie khumöng dö goranyai: anyin a Iehova ame otubwelâ lakeiny, me e ame he ka betenge ge anyin tavat adre me oveci ödra.

Isaia 49:19

Ke haba je dok unyâm ae ba hnyin wan, ke je dok ae ba hnyin tavat, ke em adre hia but okongoâ, me e hnathu, ame he ka hnek em walang ang ge tavat adre me he ka labā, ke adre me he ka ûsâkâû ödra waleji adre me ohiö a

Isaia 49:20

Ame he lakem waleji u je tenge gadra, ka ha bi hnyi li hnyikönyâm, ka habe, E hnek könya hnen: ö u ha hnok mʼ inye he ka labā.

Isaia 62:4

Ke adre me ca he hmetu ka haiö u, ka habe, Adre degec; ke adre me ca he bi ka ha ge em hnyei, ka habe, E ba aten: ke adre me he ka hwenyi iâm, ka habe, Hnok hna senyin gan, ke haba ien em hnyei, A faipoipo thö: anyin ame senyin köu Iehova, kʼ ame he ka faipoipo em hnyei.

Isaia 66:7

E ka tiga ca vec hnyekon momo e ame hnokoâ; ke tiga ca o anyin vec, e ame hnokoâ da.

Zefania 3:14

Hluiny Ziona lö, khumöng dö; Isaraela lö, kuku thö; hluiny Jerusalema lö, senyin dö ke hobâ ge hnyekom ae bekhöt.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Galatia 4:27

Anyin adre sihnalimen, ka habe, Senyin dö, u toûnyi ame ca hnokoâ; Kuku thö me tenge, u at ame ca vec hnyâm: Anyin ae se hia lakon momo ame laba baû hon at ae hu âiân.

I. Samuela 2:5

Haba tavat ae sekon me ödrin e hnʼ ödrin bi he ka huliwa hnân jeû; Ke ame menâ but tavat ae mekihnânem; Ke ame hnokoâ seven hnen at ae tounyi; Ke ame sënyin dut at ae hu lakon, ae se.