Isaia 53:5 - Iaai Bible 1901 (New Caledonia)

⁵ Ke so bi e ame aat dö can hnöta ta je hna hanyâûâ, kʼ adre me khaû e can hwakecita ae kong: adre me ip hon e je hna kot mʼ ate me hnahic bi, ke öta metu but can hna khûâ hnân.

Isaia 53:5 ပူးပေါင်းရင်းမြစ်များ

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Jobu 33:24

Awe, e ame he ka betenge gan me ha, ka habe, Omelö e me me ca ut kâû ka hnyi thop, Anyin a oge me wâ but hwaban möt.

Salamo 30:2

Iehova Khonguk lö, Oge me hongot köu, me u je hia but ometu nya.

Ta je Vejec 20:30

Adre me hneû degecâ hulo ge je hna kot ame aatâ: Kʼ ame dit ka hnyi hnyin hnyok ta je hna kot.

Isaia 40:2

Ha thö hofuc ae kaukahwa kö Jerusalema, ke hongot dö kâu a ga um dö bonginy vec, ke adre hia but thang degecâ anyin hulo; a hia but kap ûnyi ga Iehova hna olo bi hwaban anyin ta je hulo hia.

Isaia 57:18

Oge wâ but deny ta je gethen, ke oge me he ka omelo e: ke oge me he bi minya ka su e, me okûâ hmetu je ûnyi ae so kâu, me tavat adre me tha tenge mē.

Isaia 6:7

me e ame kâlâ hnyimök kâu, me ha, ka habe, Wâ bi, ame kâlâ li esongodâm ge ûnyi e; ke adre ohia but ânyâm monu, kʼ adre me hneû degecâ ânyâm hulo.

Daniela 9:24

Sevente je wik adre me thu ka hnyi em hnyei, ke ânyâm taun ae kap, mʼ adre me obekhötâ hna hanyâûâ, me bi obiny je hulo, me tube hwakecin ae monu, mʼ adre me oâ wisa a nyiele balua, me ohmâ haten hna omanenâ ke hna perofeta, me hû dok ae ti kap.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Mataio 20:28

helâ me Nokon at a ca o me me he ka bi athnyaba kâu tavat, ke so bi he ka bi athnyaba me ham anyin möt hnân hwaban melen tavat ae se hia.

Roma 4:25

waleji at adre hna but can anyita ta je hulo, ke adre omelö hmetu thö e hnân he ka haiwisʼ öta.

I. Korinito 15:3

Anyin oge me bök ka ham köbun ûnyi oge me kap, a gʼ ame mok Keriso can anyita ta je hulo helâ me hna sihnalimen;

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

Efeso 5:2

ke he bala hnyi ibetengiö, helâ me Keriso ame betenge köbun, ame ka ham e hobi köta, hnân hut, ke hut adre hlingâ, wale ûnyi ae bo so ka Khong.

Deuteronomi 11:2

Khanʼ öbun ju hnyi bong ang: anyin a oge me ca fuc ka lakubun, tavat ae ca khana ke ca hnyi wâ hna bi hwaban ûnyi ga Iehova Khongubun, ge ûganiny, me hnyamen ae hwege, me benyin adre hai,

Heberu 10:10

Ke adre we okabi öta hnen weny eling, hnyi hna okhaca hudo unyi Iesu Keriso.

Heberu 10:14

Anyin a hnen hut a khaca e ame hia but obekhöta nyiele balua tavat adre okabi ödra.

Heberu 5:8

eja ke ne a ne Nokon e, me adre me nâ e he ka ûling hnyi ta je ûnyi e ame hokhnyokâ;

Heberu 9:28

helâe minya Keriso, adre me okhaca hudo e he ka vadren ta je hulo anyin tavat ae se hia, me e ame he ka olo manen ka tavat adre me halubahingen e, ke ca ha bi ge hulö, ke hnân omelö.

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;