Isaia 53:3 - Iaai Bible 1901 (New Caledonia)

³ E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Isaia 53:3 ပူးပေါင်းရင်းမြစ်များ

Salamo 69:29

Ke iny vec me hlöuhlöu: Khong lö, e so he ka ogöranyi nya thö ge ânyâm ûhomeli.

Salamo 88:4

Adre me tha öû nya me tavat adre me utut ka hnyi thop; Iny ûcû me at ae ba at hnân hadruâ e:

Isaia 49:7

Walang hna ha hnö Iehova, at ame ûcû meli Isaraela, wale Kabiny, kâu a at ame hûkhötiâ hnen tavat, ke u at ame bi athnyabainy tavat musi, ka habe, Ame he je than ka wâ me tot; kʼ ame he lakon than ka khudrung; can bi Iehova ae hnathu, wale Kabi Isaraela at a ûco u.

Isaia 50:6

Oge me hna juk ka tavat ûkûc, me li wahicok ka tavat adre me hnimö je leûnen: oge me ca ikhâlâ hnyimakök ge hmehma me ûhangöji.

Isaia 52:14

Ödra se hia adre me uthmâhmâ gam, (adre okongoâ gan hmâ hnyimakan hon hnyimakan tavat hia, ke unyin, hon unyin tavat,)

Isaia 53:10

Ke so bi e ûcû kö Iehova he ka thu hwetö e; e ame hia but ohlöuhlöuâ e: ke u ka he ka hudo e hnân hudiny hulo, me e ame he ka wâ je mâtrân, e ame he ka osehia bongon je bong, ke haba we Iehova ame he ka sot unyin.

Isaia 53:4

E hnathu e ame hia but vadren anyita ta je hlöuhlöu, ke hom tilâ anyita ta je vec: ke ate me ûnykûme e a gʼ adre hom oûhnyûkongoâ, a gʼ ame kot e ge Khong, kʼ adre ovecâ.

Mika 5:1

HLUINY je deo vat lö, u me he walang ang ka ûkhacaköu me me je deo vat: e ame igigili öta hnen vat: kʼ adre me he ka kot wahicen at owisa hnyi Isaraela ge uci.

Zakaria 11:8

Ke oge me subâ degecâ hnyat tuö mamoe a kun hnyi tehi a khaca; ke vec hnyekuk gadrin, kʼ ame hûkötiö nya ge ta je hnyekudrin.

Mataio 26:67

Me adre me hangöjâ hnyimakan me khaû e: ke haba keihen adre me kolop e,

Mataio 27:63

me ha, ka habe, Taböny than lö, ohmun e ûnykûme a gʼ ame ha hnen at iyawö eling, kē tiga möt, ka habe, Hwaban kun ta bong oge me he ka möt hmetu.

Mareko 10:33

Wâ bi otin e he ang Jerusalema ai; ke adre me he ka hna Nokon at ka je taben tavat bihut, me hnyat sihnalimen; ke adre me he ka hangâ e he ka mok, me hna e ka Aten ke je hnyei:

Mareko 10:34

ke adre me he ka hluma e, me hangöjâ, me osoâ, me hlingâ; ke hwaban kun ta bong e ame he ka möt hmetu.

Mareko 14:34

Ke e ame ha ködrin, ka habe, Ame vec gan hmâ hanuk, helâ me mok: laba ju eang me hmâkâ.

Mareko 15:19

Ke adre me kot ban ge hlowe, me hangöjâ e, me cibouca me nom kâu.

Mareko 9:12

Ke e ame ha ködrin, ka habe, E hnathu a bö Elia ka o, me ohâtâ ta je ûnyi hia: ke adre sihnalimen ahö ge Nokon at a e ame he ka vheno ta je vec ae se hia me adre me he ka oûnyibâûâ e?

Luka 16:14

A long ut ta je ûnyi e ta je Faresaio, vat ae behnyekudra omjeû; me adre me hiâ e.

Luka 19:41

E hakekeny jut, kʼ ame wâ taun, me e ame tenge gan,

Luka 8:53

Me adre me hluma e, anyin ae khanʼ ödra a ga, mokcu.

Luka 9:22

e ame ha, ka ʼ habe, Hanymen Nokon at he ka hokhnyokâ ta je ûnyi hia, ke ame he ka hûkötiâ hnen wahingat, me je taben tavat bihut, me hnyat sihnalimen, ke adre me he ka hlingâ, ke ame he ka möt hmetu thö hnyi bong a kuniny.

Ioane 11:35

Iesu ame tenge.

Ioane 8:48

Haba at Juda adre me thu kâu, ka habe, Hawa, ohmun e ca ha hnatho, ka habe, U at Samaria, ke e gam demoni?

Deuteronomi 32:15

Ke haba Jesuruna ame pipikhenya bi, kʼ ame nyikâ can: U pipikhenya but, me gan unyâm, me habubut: Waleling me me degec Khong at a op e, Me oûnyibâûâ Kic at a omelö e.

Heberu 4:15

Anyin ae ca hu bi gata at bihut ae nua at ame ca hnyi vec hnyi anyita ta je sënyin; ke so bi at adre hia but cubec ge ta je ûnyi hia thithö helâ möta, ke ba bi anyin hulo.

Heberu 5:7

Ke haba hnyi ta je bong a e tiga at hnyin, me e ame hic me khöû me tenge hwege, ke hu deköien, ka at ae khana he ka omelö e ûnyi hnyi mok, me adre me löng kâu, anyin a e outen Khong,