Isaia 53:2 - Iaai Bible 1901 (New Caledonia)

² Anyin a e ame kû tot hnyi hnyimakan helâ me bâtân, ke helâ me wân ûnyi hnyi kânâ ae atgec: e ba anyin hmanenang, ke ba meciny; ke ate me wâ e, me ba hmanenang gan mʼ ate me he ka weta.

Isaia 53:2 ပူးပေါင်းရင်းမြစ်များ

Isaia 11:1

KE ame he ka o khûen ûnyi hnyi iwân anyi Jese, ke ame he ka wa wan ke vheiny ûnyi hnyi anyin iwân:

Isaia 4:2

Hnyi bong eling ame he ka hmanenang me mec hanö Iehova, kʼ ame he ka so me kese wan kânâ ka at Isaraela tavat adre kec möt.

Isaia 52:14

Ödra se hia adre me uthmâhmâ gam, (adre okongoâ gan hmâ hnyimakan hon hnyimakan tavat hia, ke unyin, hon unyin tavat,)

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Jeremia 23:5

Wâ bi, ame he ka o je bong, haingö Iehova, ke oge me he ka oâ kö Davita? Khûen ae wisa, ke e ame he ka than me; musi me so, me ânyâ ûnyi ae wisa me ûnyi ae ûcû hnyi hnyei.

Zakaria 3:8

Josua at bihut ae nua lö, long ju walang ang, u me lahanâm tavat adre me tot hnyi hnyimâkâm; anyin a ödra tavat me hnân haten: anyin a wâ bi, oge me he ka oâ athnyabaik wale Khûen.

Zakaria 6:12

ke u me he ka ha kâu, ka habe, Walang hna ha hnö Iehova tuhan sabaoth, ka habe, Wâ bi at, haba ien, me Khûen; ke e ame he ka kû ûnyi hnyi hnen me op uma umo Iehova:

Mareko 6:3

Ca at tretrau at ang, wale nöku Maria, ke liamekeiny me Iakobo, me Jose, me Juda, me Simona? ke hawa, ca e bi ang unyita je lahaniny hia? Me adre me thö thö gan.

Mareko 9:12

Ke e ame ha ködrin, ka habe, E hnathu a bö Elia ka o, me ohâtâ ta je ûnyi hia: ke adre sihnalimen ahö ge Nokon at a e ame he ka vheno ta je vec ae se hia me adre me he ka oûnyibâûâ e?

Luka 2:7

Me e ame hnokoâ nokon da a atö; ke e ame wâdrâ e ge mano, me omokulec ju hnyi taben jeû an meno, anyin ae ba hnödrin hna mokut hnyi uma umen je atkanyaua.

Luka 9:58

Ke haba Iesu ame ha kâu, ka habe, Haba ta je alope, e hu umo dra op hnyi kânâ, he haba ta je meno ethö e hu hâûödra; ke haba bi Nokon at, me ca hu bi hnân hunen ban.

Ioane 18:40

Ödra adre me ha hwegiâ hmetu, ka habe, Ca e bi, ke so bi Barabasa. Ke haba Barabasa, me at venöu.

Ioane 19:5

Ame dit minya but Iesu ame bicâ korona ae ûdedö me khavâ ûkhaû ae udrudrâ lit. Haba Pilato ame ha kodra, ka habe, Wâ bi at!

Roma 8:3

Anyin a haba ûnyi ae pason ka hnanyibu, can ae sënyin ûnyi ge unyin, me haba Khong ame kunâ hing Nokon, helâ unyin ae kong, ke hnân hudiny hulo, me me ohnaûhangoâ hulo ûnyi hnyi unyin:

I. Peteru 2:14

ame ne ka ta je gavena, tavat e ame kunâ he ka bi hwaban ka tavat adre me ânyâ monu, me hnân ogânâ tavat adre me ânyâ so.