Isaia 53:12 - Iaai Bible 1901 (New Caledonia)

¹² Anyin a wale, oge me he ka khene jekhon me tavat ae beönua, ke e ame he ka tha khenâ je hna söh me tavat ae hwege: anyin a e ame hingâlâ anyin möt ka mok, ke adre me tha lelö e me tavat hanyâûâ: ke so bi e ame vadren hulo anyin tavat ae se hia, kʼ ame khöûâ tavat hanyâûâ.

Isaia 53:12 ပူးပေါင်းရင်းမြစ်များ

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Jobu 30:16

Ke walang ang ame hlohlo but hanuk eû hnyi hnyekuk; Ame kot nya je bonginy vec.

Salamo 2:8

Sumatö nya thö, me oge me he ka ham köu je hnyei hnân hwajekhom, Me je can hmeledrany hnân em hnyei.

Salamo 22:14

Adre me hingâlâ degeci nya helâ me köiö, Ke ame ok ut je jeiok hia: Haba oûnykûmik me helâ me wasu; Ame okoiâ but eû hnyi hnyekuk.

Esodo 15:9

Haingen iwahnaihmiony, ka habe, Oge me he ka hnu, oge me he ka homtilâ, oge me he ka khenâ hna hûgûnâ: Oge me he ka sekuk ûnyi gadra; Oge me he ka oc anyik hele vat, ame he hnyamok ka ohiʼ odra.

Isaia 49:4

Ke haingök, ka habe, Oge hia but huliwa baû, ke a dit ut hwegiök, ke ba troban ke ûnyi baû bi: ke so bi, e hnathu, hamö Iehova be ka owisa könya, ke e unyin Khonguk hwabök bi.

Isaia 52:13

Wâ bi, ame he athnyabaik ka ânyâ ûnyi ae metâ, adre me he ka ogöranyâ e, me obeönua e, me e ame he ka gorany hmonyin.

Isaia 52:15

helâe e ame he ka dukâiâ je hnyei ae se hia; ame he ta je than ka laba hum gan: anyin adre me he ka wâ ûnyi adre me tiga ca thumetu ödra gan; ke adre me he ka wâ ûnykûme ûnyi adre me tiga ca long.

Isaia 53:6

Öta hia thithö ate me hia but he monu helâ me je mamoe; ate me ve saû ka hnyi je gethen, ke haba Iehova ame ip hon e anyita ta je hulo hia thithö.

Isaia 53:8

Adre me hom e ûnyi hnyi hna ovecâ me hna ûhnei; ke ewa at bi hnyi anyin dö ame ûnykûme a gʼ adre subâ degecâ e ûnyi hnyi hnyei iny tavat ae möt? adre me kot e can je hna hanyâûâ hnen lakeik.

Daniela 2:45

Anyin a u je wâ a gʼ adre sö veto ûnyi hnyi bucen, ke ca hnen hnyam, me e ame kot omomono fao, me bras, me kânâ ae kece, me sileva, me gol; haba Khong ae gan ame omanenâ ka than ta je ûnyi ame he ka o nyiele: ke e hnathu bwi, ke hmâ bi hna ha bongon.

Mataio 26:42

Ke e ame he hmetu ka hic me ha, ka habe, Cica lö, a ne ca khana he ka hia but utköiö eang, iny ka ca ijem, ânyâ thö wem.

Mareko 15:27

Ke lo li at venöu adre me tha osatauroâ mē; ke at hnyi ke keihen a metâ, ke ke at hnyi ke keihen a me.

Luka 22:37

Anyin a inya oge me ha köbun, e ûcû he ka hwâdâ könya hna sihnalimen ang, ka habe, Adre me tha aû e me tavat ae kong: anyin adre ohwâdâ ûnyi a ûnyi gak.

Luka 23:25

Me e ame thang ut at adre ca can ûhûgûnö dokhu, ke ûhlingâ at, a at a wedra; ke e ame ham Iesu ka hnyi wedra.

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

Roma 8:34

ke ie at ame he ka ohnaûhangoâ? Hamen Keriso, at ame mok me möt hmetu ûheny hnyi hna mok, e but hnyi ke keihen metân Khong, kʼ ame khöû hobi köta.

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

Filipi 2:17

Eke, ke adre me ne hudi nya hnyi hut a huliwainy anyibun labageju, me oge me hobâ, me tha senyin mʼ öbun hia thithö:

Kolose 2:15

ke e ame ka uny degecâ ta je musi me ta je man, e ame omanenʼ ödra bi hnyi dok ae manen, ke ame dokhu hudrin hnyin e.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

Heberu 7:25

Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.

Heberu 9:24

Anyin ame ca dit Keriso ka hnyi dok ae kap adre me ânyâ ge je hnyam, wale tulutiny ûnyi ae hnathu; ke so bi ka hnyi hing drany he ka manen walang ang hnyi hnyimakan Khong hnân hobi köta:

Heberu 9:26

anyin a ne helâe me ûcû kâu he ka osehia vec hwân hnyi hna bi taben hmeledrany: ke walang ang hnyi obiny ta je dö adre hia but omanenâ e me me he ka ohia hulo ge hnen hna hamen hudo e bi.

Heberu 9:28

helâe minya Keriso, adre me okhaca hudo e he ka vadren ta je hulo anyin tavat ae se hia, me e ame he ka olo manen ka tavat adre me halubahingen e, ke ca ha bi ge hulö, ke hnân omelö.

I. Ioane 2:1

JE lakuk lö, inya oge me set köbun ta je ûnyi e, mʼ öbun e ca he ka ânyâ hulo. Ke a ne ânyâ hulo ke at, me hu but gata Ûhadruo unyin Kamen a Iesu Keriso at ae wisa:

I. Ioane 2:12

Inya oge me set köbun je wanakat, anyin adre hna degecâ anyibun ta je hulo ûnyi hnyi ien.