Isaia 52:8 - Iaai Bible 1901 (New Caledonia)

⁸ Ifucin tavat tue unyâm! adre me hongot goranyai, adre me tha khumöng; anyin adre me he ka wâ, me iohnyimaköu, hnyi hnö Iehova hna ohmetu Ziona.

Isaia 52:8 ပူးပေါင်းရင်းမြစ်များ

Salamo 102:22

Hnyi hna ûkhacaköu hnen ta je hnyei, Me ta je dokhu, he ka athnyabai Iehova.

Khumöng Hwanyi Solomona. 3:3

Ame ō nya hnen tavat tue tavat adre me vheno taun: Me haingök, ka habe, Öbun e wâ at oge hnyok kâu?

Khumöng Hwanyi Solomona. 5:7

Adre me û nya tavat tue, tavat adre me vheno taun, Adre me kuc nya, me oge me aat dö; Haba tavat tuö hna up haginy adre me hûgûnâ gak ûnyi hnân tube hnyimakök.

Isaia 24:14

Ame he tavat eling ka hongot goranyai me kuku; kʼ adre me hongot goranyai ûnyi hnyi köiö ge hmanenangi Iehova.

Isaia 26:1

HNYI bong eling adre me he ka sit khumöng ang hnyi hnyei Juda, ka habe, E hu but gata taun ae hwege; e ame he ka otilâ ûhomeli hnân hak me singiny.

Isaia 27:2

Hnyi bong eling: hnyei vine ae kese, khumöng dö kâu.

Isaia 30:26

Ke ame he melaminy tehi ka helâ me melaminy seûno, kʼ ame he ka oseven melaminy seûno, helâ me melaminy je bong a seven, hnyi bong ame he Iehova ka lan aat ge lakeiny, me ometo aat a je hna dʼ ödra.

Isaia 35:10

ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.

Isaia 40:9

At ame omanenâ ûthumetu ae so kö Ziona lö, ölö thö ka hnyi bucen ae beû gorany; at ame omanenâ ûthumetu ae so kö Jerusalema lö, fuc hwege thö; fuc hwege thö goranyai ca ot bi; ha thö ka je tauniny Juda, ka habe, Wâ bi, Khongubun!

Isaia 48:20

He but ûheny Babulona, kec dʼ öbun ge at Kaledaia; haimemenâ thö ge hwan khumöng, thumeto ju e, ha ju e ke ne o but hnyi can hmeledrany: ha thö, ka habe, A hia but Iehova ûcû melen athnyabainy a Jekob.

Isaia 56:10

E wadröu but tavat tue unyin, ödra tavat hia thithö ae ca metâ bi; ödra je kuli hia thithö ae hum, e ca khanʼ ödra, kuku; a tavat bwi, me leleû, tavat bemokot.

Isaia 58:1

HONGOT hwege ju, hai goranyai ifucâm helâ me trutru, ke haimemenâ thö ka lakeik hnödra hna hanyâûâ, ke haimemenâ thö ka lap anyi Jekob anyidra ta je hulo.

Isaia 62:6

Jerusalem lö, o ge hia but ip tavat tue hon hagâm je hak; adre me ca he bala bi ka hum hnyi je lany me lit hia: öbun tavat öbun e ûnykûmi Iehova, ca he bi ka menâ,

Jeremia 31:12

Ke adre me he ka o me khumöng hnyi dok ae gorany hnyi Ziona, me tha he ka hnyi soi Iehova, ka hnyi hwit, me waina, me wakaco, me je nokon mamoe, me kau: ke ame he je hnyekudra ka helâ me hna belök adre hû; ke adre me ca he balua hmetu he ka tenge.

Jeremia 32:39

ke oge me he ka ham kodra hnyok a khaca, me gethen a khaca, mʼ adre me he ka outö nya balua; mʼ adre me he ka so, me je lakudra hwabödra:

Jeremia 33:11

me adre me he bi ka long hwan senyin me hwan hobâ, me ifucin li at ödre tep faipoipo, me ifucin tavat adre me ha, ka habe, Oganö Iehova thö tuhan sabaoth, anyin ae so Iehova, anyin a nyiele balua anyin ibe-tengiö: me hwan tavat adre me hom hudiny ole ka hnyi uma umö Iehova. Anyin oge me he ka ohmeto tavat adre bâ helâ me hnyi can, haingö Iehova.

Jeremia 33:7

Ke oge me he ka ohmeto at Juda me Isaraela ûhedra hnyi hna hwenbâ, me, up ödra hmetu goranyai helâ me hnyi hwân.

Jeremia 6:17

Ke oge me otilâ tavat he ka tuʼ öbun he ka ha, ka habe, Löng ju ifucin trutru; ke haingodra, ka habe, Ohmun e ca he ka löng.

Ezekiela 3:17

Nokon at lö, oge hia but otilö u hnân at tue hobi kâu lap anyi Isaraela: anyin a wale long ju hofuc ûnyi hnyi hnyimök, me koû kodra ûnyi gak.

Ezekiela 33:7

Ke haba u nokon at, oge hia but otilö u hnân at hmâkâ lap anyi Isaraela; anyin a wale u me he ka long hofuc ûnyi hnyi hnyimök, me koû kodra bi ûnyi gak.

Zefania 3:9

Me oge me he bi ka wia ka hnyi hnyei hwen ae wisa, mʼ adre me he hia ka hawâ iö Iehova, me bi athnyabainy ge hnyok a khaca.

Zakaria 12:8

Hnyi bong eling ame he Iehova ka söng aten Jerusalema; ke haba at ae sënyin gadra hnyi bong eling ame he ka helâ me Davita; ke ame he lap anyi Davita ka helâ me Khong, helâ me angela anyi Iehova hnyi hnyimaködra.

Ta je huliwa 2:1

KE ame o but bong Penetekos, ödrin hia adre me tha laba hnyi dok a khaca.

Ta je huliwa 4:32

Ke haba ûseiny tavat adre me labageju, adre me tha hnyok me tha ûnykûme: kʼ ame ca ha bi ke at gadra, a ga ka anyin bi ûnyi eling e ame hu; ke ka tha anyidra thibi.

I. Korinito 1:10

Hnyat me lakeiny lö, inya oge me sumat öbun hnyi ien Tuhöta Iesu Keriso, ka habe, e so e khaca thibi ifucibun, me me ca he ka hu je imouköu unyibun; ke so öbun e tha hnyok hnathu hnyi oûnykûm a khaca.

I. Korinito 13:12

Anyin a walang ang ate me bwele hnyi uselat ae hûkehmuen; ke haba nyiele, me ûhnyimakötaköu: walang ang e khanö nya thibi hanen; ke nyiele oge me he ka wâhmakhmeto helâ me hnödra hna hia but wâhmakhmetu nya.

Heberu 13:17

Löng ju öbun hoton tavat adre me tuʼ öbun, me nom ju kodra; anyin adre me hmâkâ hobi kâu ta je hanubun, helâke hanyinödra he ka thu hmetu ge ta je monu; mʼ adre me he bi ka ânyâ e me senyin, ke ca bi me vec: anyin ae ba troban eling hobi köbun.

Hna Omanenâ 18:20

U ma senyin dö gan drany lö, me öbun wakap, me ta je aposetolo, me ta je perofeta; anyin a Khong ame liia but bi hwaban kâu cabun bi.

Hna Omanenâ 19:4

Ke haba wahingat a twente foa, ke ta ûnyi a vak ae möt, me ödrin e ta ju me khudrung ka Khong at ame tabâ theron, me ha, ka habe, Amen; Haleluya.