Isaia 52:7 - Iaai Bible 1901 (New Caledonia)

⁷ E so hmonyin hon je bucen li can at ame hom ûthumetu ae so, at ame haimemenâ ûsoköu, at ame hom ûthumetu ae kese, at ame haimemenâ ûhomeli; at ame ha kö Ziona, ka habe, Ame musi Khongom!

Isaia 52:7 ပူးပေါင်းရင်းမြစ်များ

Salamo 59:13

Öaûʼ Ödra but ge hmonyin, öaûʼ ödra but, me me hiʼ ödra but: Ke okhanʼ odra thö a gʼ ame musi Khong hnyi wanbö Jekob, [Sela. Ke ne o but hnyi je can hmeledrany.

Salamo 68:11

Than ame ha hofuc: E ti se hia je momo adre me khetâ je uthumetu.

Salamo 93:1

IEHOVA ame musi; e ame khavâ ge hmanenang; Iehova ame khavâ, e ame oweikâ e ge hwege: Adre otethmâ minya hmeledrany, me ma ca khana he ka bwebwet.

Salamo 96:10

Ha thʼ öbun hnyi wanben ta je hnyei, ka habe, Ame musi Iehova: Ke tethmâ minya hmeledrany, kʼ ame ca he bi ka bwebwet: E ame he ka owisa ta je hnyei hnyi wisa.

Salamo 97:1

IEHOVA ame musi; e so e hobâ hmeledrany; E so e senyin ta je bomene ae se hia.

Salamo 98:2

A hia but Iehova omanenâ anyin ûhömeli: E ame hia but omanenâ hwakecin ae wisa hnyi hnyimakan ta je hnyei.

Salamo 98:3

E ame hia but ûnykûme anyin ibetengiö me anyin hnathu ka lap anyi Isaraela: A hia but wâ hnen je can hmeledrany hia ûhomeli anyin Khonguta.

Salamo 99:1

IEHOVA ame musi; e so he ka öbu-buny ta je hnyei: E ame laba hon li kerubi; e so e he hmeledrany ka bwebwet.

Khumöng Hwanyi Solomona. 2:8

Hwan oûnykûmik! wâ bi, e ame ho jem, E ame utut hon je bucen, me gâ hon je hut.

Isaia 24:23

Ke ame he ka hmak tehi, me hmehma bi seûno; anyin ame he Iehova tuhan sabaoth ka musi hnyi hmanenang hnyi bucen Ziona, me hnyi Jerusalema, me hnyi hnyimakan anyin wahingat.

Isaia 33:22

Anyin a Iehova at ame owisʼ öta, Iehova at ame ha anyita ge hnanyibu, Iehova tuhöta; e ame he ka omeli öta.

Isaia 40:9

At ame omanenâ ûthumetu ae so kö Ziona lö, ölö thö ka hnyi bucen ae beû gorany; at ame omanenâ ûthumetu ae so kö Jerusalema lö, fuc hwege thö; fuc hwege thö goranyai ca ot bi; ha thö ka je tauniny Juda, ka habe, Wâ bi, Khongubun!

Isaia 41:27

Oge ma bok ka ha kö Ziona, ka habe, Wâ bi, wâ bi ödra; ke oge me he ka ham kö Jerusalema at ame he ka hom ûthumetu ae so.

Isaia 42:11

E so ame fuc goranyai hnyebuba me je tauniny, a je taun ae ûhnyûkong ame labā at Kedara; e so ame khumöng tavat a aten Sela, e so adre me he ka hongot ethö hon bucen.

Mika 4:7

ke oge me he ka wia at ame ci me hnân kolon, me at adre degec me hnân hnyei ae hwege: kʼ ame he Iehova ka musi ödra hnyi bucen Ziona, hwân walang ang ke ne o but nyiele balua.

Nahuma 1:15

Wâ bi, e hon je bucen li can at ame hom uthumetu ae so, at ame haimemenâ ûsoköu! Juda lö, tuö ju ânyâm je bijeû, ke thamuâ ânyâm je khöbi: anyin ame ca he hmetu at ae kong ka vhenu u; kʼ adre hia but subâ degecâ e.

Nahuma 2:1

AME o but hnyi hnyimâkâm at ame sa omomono: hmâkâ ju hnabâ, tuö thö gethen, ca ju hnyâm, ti ohwegiâ thö tang hwegiâm,

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Mataio 25:34

Haba Than ame he ka ha kodra hnyi ke keihen a metân, ka habe, Ai öbun, öbun hia tavat a ohnahicâ hnen Kamök, hu hwajekhöûbun ju dökhu adre penapena hobi köbun hwân hnyi hna bi taben hmeledrany:

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Mareko 13:10

Ke ûcû he ka mē khetâ evangelia ka ta je hnyei hia thithö.

Mareko 16:15

Ke haingen ködrin, ka habe, He thʼ öbun ka hnyi hmeledrany hia thithö ka khetâ evangelia ka tavat hia adre op.

Luka 2:10

Ke haba angela ame ha ködrin, ka habe, Ca ot bi; anyin a wâ bi, inya oge me ha köbun ûthumetu ae so hnân senyin gan hmâ hobi kâu tavat hia thithö:

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Efeso 6:15

ke adre bi taben tangen je hnyeûcabun ge hna penapena ûthumetu ae so hnyi ûsoköu;

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 14:6

Ke oge me wâ ke angela minya ame gâ ethö hnyi wanben drany, ke unyin e ûthumetu ae so ame ca ba balua he ka khetâ ka tavat adre me laba hnyi hmeledrany, ke ta je tribu, ke ta je hwen hnyei, ke tavat;