Isaia 52:11 - Iaai Bible 1901 (New Caledonia)

¹¹ He thö, he thʼ öbun, he but ûhebun e, ca kâlâ bi ûnyi ae ikiki; he but ûnyi hnyi hnyin e; e so e kalaöt ut öbun, tavat öbun e kap tilâ je kaia anyi Iehova.

Isaia 52:11 ပူးပေါင်းရင်းမြစ်များ

I. Man Ûlabainy Je Than. 15:12

me ha ködrin, ka habe, Öbun je kamen ae beönua ge at Levi: okabi öbun ju me je liamekeiny möbun, mʼ öbun e hom tang tangö Iehova Khongon at Isaraela ka hnyi dok oge penapena hobi kâu.

Esodo 30:19

Kʼ ame he Arona me lakon ka hinyem hnyin me osûâ je cadrin:

Isaia 1:16

Soû but, okalaöti öbun; degec ut anyibun ta je huliwa ae kong hnyi hnyimakök; soju hna mâdrâ hulo:

Isaia 48:20

He but ûheny Babulona, kec dʼ öbun ge at Kaledaia; haimemenâ thö ge hwan khumöng, thumeto ju e, ha ju e ke ne o but hnyi can hmeledrany: ha thö, ka habe, A hia but Iehova ûcû melen athnyabainy a Jekob.

Isaia 66:20

Ke adre me he ka hom je liamekeiny möbun hia thithö ûnyi hnyi ta je hnyei hia thithö hnân hut kö Iehova, hon ta je hors, me ta je kariota, me hon je tap, me je miul, me hon je meno adre me he logot, ka hnyi anyik bucen ae kap a Jerusalema, haingö Iehova, helâ me lakon Isaraela adre me hom bwihlany hnyi kaia ae kalaöt ka hnyi uma umo Iehova.

Jeremia 31:21

Otilâ thö hobi köu je haten gethen, konâm ju hobi köu je utö hnân kû gethen; hnyok ju ka hna cit gethen, waleji gethen u me he hnyin: hluiny Isaraela lö, hmetu ju, hmetu ju kââng ka hnyi ânyâm taun.

Jeremia 50:8

Kec dö ûnyi hnyi hnyin Babulona, ke he but ûnyi hnyi hnyei Kaledaia, ke helâ ju öbun me je got baga a hnyimakan hna hat meno.

Jeremia 51:45

Lakeik lö, he thʼ öbun ûnyi hnyi hnyin e, mʼ öbun e ve mot ûnyi ge hmonyin anyi Iehova ae gan hmâ.

Jeremia 51:6

Kec ut ûnyi hnyi Babulona, ke ve omeli öbun dö; ca he öbun ka hnyi mok hnyi anyin bi hulo: anyin a ûen dut ang bi hwaban ga Iehova; e ame he ka ham kâu hwaban.

Ezekiela 44:23

Ke adre me he ka nâ lakeik ge bongon ûnyi ae kap, me ûnyi ae ca kap, me owâhmakhmeto ödra ge ûnyi ae bo kong, me ûnyi ae bo so.

Levitiko 10:3

Ke haingö Mose kö Arona, ka habe, haba ûnyi ang waleji ame ha Iehova, ka habe, Ame he ka okabi nya ge tavat adre me hakekeny könya, kʼ adre me he ka oganö nya hnyi hnyimakan tavat hia. Ke haba Arona ame ca fuc.

Levitiko 11:45

Anyin a inya Iehova at ame hum öbun ûnyi hnyi hnyei Aigupito, me me he ka Khongubun: anyin a wale öbun e he ka kap, anyin a iny kap.

Levitiko 11:47

me me he ka ve bongon bi bo kong me bo so, a meno hnân han, me meno a ca hnân han.

Levitiko 21:6

Odrin hnyat ae kap ka Khongudrin, ke odrin e ca he ka okongoâ ien Khongudrin: anyin a odrin e hudo je hut a an hnen meic kö Iehova, a an Khongudrin: anyin a wale odrin e he ka kap.

Zakaria 2:10

Khumöng dö ke senyin, u hluiny Ziona: anyin a wâ bi, oge me he, me oge me he ka laba hnyi wanbâm, haingö Iehova.

Zakaria 2:11

Ke ame he ta je hnyei ae se hia ka tha hien me Iehova hnyi bong eling, ke adre me he bi ka lakeik: ke oge me he ka laba hnyi wanbâm, me u me he ka wâ a ga kunö nya köu Iehova tuhan sabaoth.

Numera 16:26

Ke e ame ha ka ûkhacaköu, ka habe, Öbun na vese but ûnyi hnyi je uma mano umen hnyat eang ae kong, ke ca kâlâ ke ûnyi gadrin, wâ öbun nye tha mok ge anyidrin je hulö.

Numera 19:11

Haba at ame kâlâ komok, me e ame he ka bo kong hnyi seven ta bong:

Numera 19:16

Ke haba at hnyöuai ame kâlâ at adre hlingâ ge hele vat, ke ame ne ke komok, kʼ ame ne jeien at, kʼ ame ne erkemok, me e ame he ka bo kong hnyi seven ta bong.

Numera 8:6

Hom dö tavat Levi ûnyi hnyi wanben lakon Isaraela, me obosoi ödra.

Ta je huliwa 10:14

Ke haba Peteru ame ha, ka habe, Than lö, ca e, anyin a oge me ca hnyi an ke ûnyi ae kap me ikiki.

Ta je huliwa 10:28

me e ame ha ködra, ka habe, E khanʼ öbun a gʼ adre hnyiboâ at Juda he ka ûkhacaköu me ûhakekenyi me aten ta je hnyei; ke so bi Khong ame hia but omanenâ könya, a oge me ca he bi ka hâiâ at, ka habe, e kap, me ikiki:

Roma 14:14

E khanö nya ke mou thö hnyi hnyekuk ga Iesu Keriso, ae ba ke ûnyi ame ka kong thiju: ke haba at ame ûnykûme ae kong ke ûnyi, me ka kong bi kâu.

II. Korinito 6:17

Anyin a wale, haingen Than, ka habe, Didrut öbun gadra, ke ve laba but, Ke ca kâlâ bi ûnyi ae ikiki; Ke oge me he ka köp öbun,

Efeso 5:11

ke ca hnyi hanen öbun ta je huliwa hnyi menekholom ae ba wan, ke so bi he ka thawâ;

I. Peteru 2:11

Hnyat a oûnykûmik lö, inya oge me ûjongi öbun a ta je atkanyua me tavat menâ tot, ka habe, ûsâkâûö but öbun me ta je weny unyin ae kong, je ûnyi ame vat me hanu;

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.

Hna Omanenâ 18:4

Ke oge me löng ke hofuc minya hnyi drany ame ha, ka habe, Lakeik lö, he but ge momo, mʼ öbun e ca hnyi hanen anyin je hulo, me me ca o köbun anyin je mok: