Isaia 52:10 - Iaai Bible 1901 (New Caledonia)

¹⁰ A hia but Iehova vhec ûkhaûen benyin ae kap hnyi hnyimakan je hnyei hia; ke ame he je can hmeledrany hia ka wâ ûhomeli anyin Khonguta.

Isaia 52:10 ပူးပေါင်းရင်းမြစ်များ

Jobu 40:9

E hu gam hnyam helâ me Khong? Ke e khanö u he ka bi hwan than helâ me hwan hofuc?

Salamo 22:27

Ame he je can hmeledrany hia ka ûnykûme me hwio kö Iehova: Ke ame he ta je lap anyin ta je hnyei ka khudrung hnyi hnyimakan.

Salamo 67:2

Mʼ adre me he ka wâ dem gethen eang hmeledrany, Me ânyâm ûhomeli hnyi ta je hnyei hia thithö.

Isaia 11:9

Adre me ca he ka ovecâ me okongoâ hnyi anyik bucen hia ae kap: anyin ame he ka unöngötö hmeledrany ge wâ ûnykûme ga Iehova, helâ me köiö ame tube taben köiö ae gan.

Isaia 25:9

Ke adre me he ka ha hnyi bong eling, ka habe, Wâ bi, Khonguta ang; ate me halubahingen, ke e ame he ka omeli öta: Iehova ang; ate me halubahingen, ate me he ka senyin me hobâ anyin ûhomeli.

Isaia 30:30

Ke ame he Iehova ka olöngâ ifucin ae hmanenang, me omanenâ ûköluiny hnyamen, tha e me anyin hmonyin ae gan, me bâhlân meic ame han, tha e me hna oamamâ, me weneû, me we wahma.

Isaia 33:13

Öbun tavat sâkâû, long ju ge hnok hna ânyâ; ke öbun tavat ae hakekeny, ogâ thö manik man.

Isaia 40:5

ke adre me he ka omanenâ hmanenangi Iehova, ke ame he ka tha wâ hnen tavat hia thithö: anyin a ha hnen hnyimö Iehova.

Isaia 45:22

Bwele ju jem könya mʼ adre me he ka omeli öbun, öbun hia thithö je can hmeledrany: anyin a inya thibi Khong ke ba minya ju ke at.

Isaia 48:20

He but ûheny Babulona, kec dʼ öbun ge at Kaledaia; haimemenâ thö ge hwan khumöng, thumeto ju e, ha ju e ke ne o but hnyi can hmeledrany: ha thö, ka habe, A hia but Iehova ûcû melen athnyabainy a Jekob.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 51:9

Hmak dö, hmak dö, hnyamö Iehova, khavâ ju tang hwege; hmak dö helâji me hnyi ta je bong kâû adrem, wale ta je dö a bân. Hawa, ca u at ame sö omomonu Rahaba me kot tanimo?

Isaia 53:1

IE at a kap anyihmun ûthumetu? kʼ adre hia but omanenâ kö ia benyi Iehova?

Isaia 59:16

Ke e ame wâ ae ba at, me e ame lâiâ ae ba at ame khöûâ: anyin a wale ame ka ânyâ möt hobi kâu e hnen hnyamen bi; ke ame cö e anyin bi hwakecin ae wisa.

Isaia 62:1

HABA can bi ge Ziona, me oge me ca he ka laba hnyibû, ke can bi ge Jerusalema, me oge me ca he bi ka menâ, ke ne o but ame o but hwakecin ae wisa helâ me lany, me anyin ûhomeli helâ me okûnû ae umumelam.

Isaia 63:5

Ke oge me wâ, me ba at ûhadruo; ke oge me lâiâ ae ba at hnân ci: anyin a wale ame hom möt könya hnen hing benyik; ke ame ci nya hnen bi anyik wathethot.

Mika 5:4

Ke e ame he ka tot me han haleny hnahat hnyi man mani Iehova, me hmanenanginy iö Iehova a Khongon: kʼ adre me he ka laba hmâ; anyin a e ame he ka gan hmâ walang ang ke ne o but hnyi je can hmeledrany.

Luka 2:30

Anyin oge me wâ ge li emakök ûhomeli ûnyi gam,

Luka 3:6

Ke ame he tavat hia thithö ka wâ, ûhomeli anyin Khong.

Ta je huliwa 13:47

Anyin a haba Than ame hûna kohmun, ka habe, Oge me otilö u, me hnân melaminy Aten ta je hnyei, Me u me he ka tot hnân ûhomeli ke ne o but hnyi can hmeledrany.

Josua 4:24

me me khana hnen tavat hia thithö eang hmelen ge hnyamö Iehova, ae hwege; mʼ adre, me he ka outö Iehova Khongubun nyiele balua.

Hna Omanenâ 14:6

Ke oge me wâ ke angela minya ame gâ ethö hnyi wanben drany, ke unyin e ûthumetu ae so ame ca ba balua he ka khetâ ka tavat adre me laba hnyi hmeledrany, ke ta je tribu, ke ta je hwen hnyei, ke tavat;

Hna Omanenâ 15:4

Than lö, ie at ame ca he ka ot me ogânâ iâm î anyin a hake u ke thibi at ae kap; anyin ame he ka o ta je hnyei hia thithö he ka khudrung hnyi hnyimâkâm; anyin adre hia but omanenâ ânyâm ta je huliwa ae wisa.