Isaia 52:1 - Iaai Bible 1901 (New Caledonia)

¹ HMAK dö, hmak dö, Ziona, khavâ thö tang hwegiâm; Jerusalema lö, taun ae kap, khavâ ju khaûâm a je ûkhaû ae hmanenang: anyin ame ca he hmetu ka o köu at adre ca peretomon, me ikiki.

Isaia 52:1 ပူးပေါင်းရင်းမြစ်များ

I. Man Ûlabainy Je Than. 16:29

Ham dö kö Iehova hmanenang ae ûcû ka hnyi ien: Hom dö ke hut, me o ka hnyi hnyimakan: Khudrung kö Iehova hnyi mec ae kap.

Nehemia 11:1

KE haba je thaniny tavat, me, ödrin e laba hnyi Jerusalema: me haba kolon tavat, me, ödrin e ugleköbâ, he ka hom khaca ûnyi hnyi je libenyitainy tavat he ka laba hnyi Jerusalema, taun ae kap, kʼ ame hnen bi je hnyat a nain hnyi ke je taun.

Salamo 110:3

Haba lakem adre me he ka hudo me hnyekudra bi hnyi bonginy manâm man; Hnyi ta je hmanenang ae kap ûnyi hnyi tangen hnökuiny haolany, E bi unyâm dân hauiny ânyâm hidröu,

Esodo 28:2

Ke u me he ka tibit je ûkhaû ae kap hobi kö Arona tuthâm, ûnyi ae mec me hmanenang.

Esodo 28:40

Ke u me he ka tibet je ûkot hobi kâu je laku Arona, me u me he ka ânyâ hobi ködrin je wen hnyekudrin, ke u me he ka ânyâ hobi ködrin je hnabinybak, hnân mec me hmanenang.

Isaia 1:21

Ekölö, momo hnyi gethen dut taun hnathu! waleji ae unöngöt ge wisa! ame laba ehac hnyi hwakecin ae wisa, ke walang ang bi tavat ûhlingö.

Isaia 1:26

ke oge me he ka ham hmetu köu tavat owisa, helâji me ehac, me je at ûhnenamö helâ me hnyi hwân: hwaban e adre me he ka hwenyi iâm, Taun ae wisa, me taun ae hnathu.

Isaia 26:2

Khong ut je homagöule me me didro hnyei ae wisa, a at ame tuö hnathu.

Isaia 35:8

Ke ame he ka hu hna cit gethen eling, me ke gethen, kʼ adre me he bi ka hwenyi ien e, me, gethen ae kap; ame ca he ka vheno e ge tavat ae kong; ke ame he ka hobi kodra: ke haba tavat vheno gethen, kʼ ame ne tavat ae monu, me adre me ca he ka he monu hnyin.

Isaia 4:3

Ke adre me he ka ha, me kap kolon hnyi Ziona, me at ame laba biju hnyi Jerusalema, wale tavat hia thithö adre tha sihnalimen me tavat ae möt hnyi Jerusalema:

Isaia 48:2

Anyin a adre me ka hawʼ ödra a hanen taun ae kap, ke adre me ka laba kece ka Khongu Isaraela; Iehova tuhan sabaoth ien.

Isaia 49:18

Bwela thö goranyai li emâkâm me wâ igigilo: ödra hia thithö ang adre me ûkhacaköu, me he jem köu. Haingö Iehova, Kia inya, ke e hnathu, u me he ka hum ödra hia me me khaûâm me hnân theibâm, me hnân oweikö u, helâ me hlu ame he ka faipoipo.

Isaia 51:17

Jerusalema lö, hmak dö, hmak dö, todrö, at ame ic ûnyi hnyi beli Iehova wale kaiainy anyin hmonyin; u je hia but ijem onyen kaiainy ta tot, me ijehmö e.

Isaia 51:9

Hmak dö, hmak dö, hnyamö Iehova, khavâ ju tang hwege; hmak dö helâji me hnyi ta je bong kâû adrem, wale ta je dö a bân. Hawa, ca u at ame sö omomonu Rahaba me kot tanimo?

Isaia 60:1

HÖHÖI thö, umumelam dö; anyin a o but melamâm, ke a o but hom hmanenangi Iehova.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Isaia 64:10

A hnyot ut ânyâm je taun ae kap, a hnyot ut Ziona, e ba but wan hnyi Jerusalema.

Jeremia 31:23

Walang hna ha hnö Iehova tuhan sabaoth, Khongu Isaraela, ka habe, Adre me he hmetu ka ha hofuc ang hnyi hnyei Juda, me je tauniny, iny ka he ka ohmetu ödra ûhedra hnyi hna bâ me ha, ka habe, Hnyaban hna owisa lö, me bucen ae kap, E so e he Iehova ka ohnahici u.

Ezekiela 44:9

Walang hna ha hnen Than Iehova, ka habe, E ba atkanyua adre ca peritomonâ hnyok, ke adre ca peritomonâ unyin, ame he ka hnyi dit ka hnyi anyik dok ae kap, wale atkanyua at ame tha laba me lakon Isaraela.

Daniela 10:9

Ke so bi oge me long ifucin: he inya oge me tiga long ifucin, me oge me mokut hnying ut, kʼ ame hnyimakök hnyikânâi.

Joela 3:17

Me öbun e he ka wâ a inya Iehova Khongubun, at ame laba hnyi Ziona, anyik bucen ae kap: me ame he ka kap bi Jerusalema, ke ame ca he hmetu ta je atkanyua ka vheno e.

Nahuma 1:15

Wâ bi, e hon je bucen li can at ame hom uthumetu ae so, at ame haimemenâ ûsoköu! Juda lö, tuö ju ânyâm je bijeû, ke thamuâ ânyâm je khöbi: anyin ame ca he hmetu at ae kong ka vhenu u; kʼ adre hia but subâ degecâ e.

Hagai 2:4

Ke walang ang, Zerubabela lö, hwege thö, haingö Iehova; ke hwege thö u Josua nöku Jozadaka at bihut ae nua; ke hwege thʼ öbun tavat hia aten hnyei, haingö Iehova, ke huliwa thö: anyin a tha inya but möbun haingö Iehova tuhan sabaoth,

Zakaria 3:4

Me e ame thu me ha ka tavat adre me tot hnyi hnyimakan, ka habe, Uny jut je ûkhaû ae kânâ gan. Ke haingen kâu ka habe, Wâ bi oge hia but ohia hwakecâm ae kong gam, ke oge me he bi ka okhaûo u ge je ûkhaû ae hmanenang.

Mataio 4:5

Haba diabolo ame hom e ka hnyi taun ae kap, me ip e hon ban uma kap,

Luka 15:22

Ke haba kamen ame ha ka lathnyabainy, ka habe, Ie hom but jem ûkhaû ae ti so, ke okhavâ ju kâu; ke inâ thö wen hnyam kâu, ke hûkâlâju tangen li hnyeûca:

Roma 13:14

Ke khavâ ju öbun Than Iesu Keriso, ke ca penapena bi hobi kâu unyin, be ka ohwâdâ je weny e.

Roma 3:22

wale hwakecin ae wisa anyin Khong hnen labageju kö Iesu Keriso hobi kodra hia tavat adre me labageju; anyin ae ve bongon bi;

Efeso 4:24

me khaûʼ öbun ge ûkhaû wale at ae teb ûnyi, waleji adre op helâ me Khong hnyi hwakecin ae wisa, me kwakecin ae kap me hnathu.

Efeso 5:14

Anyin a wale, e ame ha, ka habe, Hmak dö, u at ame mokut, ke tot hmetu thö ûhem hnyi hna mok, me ame he Keriso ka omelami u.

Efeso 6:10

Ke walang obiny, hwege thʼ öbun hnyi Than, ge tang hwegien maniny man.

Hna Omanenâ 11:2

Ke haba hnyeule hoton uma kap, hnen ju, ca ke ka tuluto; anyin adre hia but ham e ka ta je hnyei: ke adre me he ka uto taun ae kap hnyi ta je tehi a fâte tu.

Hna Omanenâ 19:14

Me ame he hoton, je utbavat hnyi drany, adre me tabâ je hors ae hau, adre khavâ mano lino ae ûhnyûkong nân, ae hau me ba hnyikongon.

Hna Omanenâ 19:8

Ke adre me hna kâu he ka khavâ mano lino ae ûhnyûkong nân ae hadröngöc ke ba hnyikongon: anyin a haba mano lino, me wale hwakecin ae wisa anyin wakap.

Hna Omanenâ 21:2

Ke inya oge me wâ taun ae kap, Jerusalema a teb ûnyi, ame utut ûheny hnyi drany ûnyi ge Khong, adre penapena helâ me hlu ame he ka faipoipo, adre theibâ e hobi kâu âiân.

Hna Omanenâ 21:27

ke ame ca he ka hnyi dit kâe ke ûnyi ae kong, me at ame ânyâ ikiki me thoi: ke hake ödra thibi tavat adre sihnalimidrin hnyi tusi anyin Arenio a tusiny möt.