Isaia 51:5 - Iaai Bible 1901 (New Caledonia)

⁵ E hakekeny jut hwakecin ae wisa, a he but anyik ûhomeli, ke ame he li benyik ka owisa ta je hnyei; ke ame he ta je bomene ka halubahing nya, me labageju ka hnyi benyik.

Isaia 51:5 ပူးပေါင်းရင်းမြစ်များ

Salamo 110:6

E ame he ka owisa hnyi wanben ta je hnyei, E ame he ka öunöngötâ ta je dok ge je komok; E ame he ka kot muâ ban ta je hnyei ae se.

Salamo 67:4

E na he ju ta je hnyei ka senyin me hobâ: Anyin a u me he ka owisa tavat hnyi wisa, Me muso ta je hnyei eang hmeledrany. [Sela.

Salamo 85:9

E hnathu o hakekeny ka tavat adre me outen e anyin ûhomeli; Me me he hmanenang ka labā ita hnyei.

Salamo 96:13

Hnyi hnyimakö Iehova, anyin a e ame he jem; Anyin a e ame he jem he ka owisa hmeledrany: E ame he ka owisa hmeledrany hnyi wisa; Me ta je hnyei hia hnyi anyin hnathu.

Salamo 98:9

Hnyi hnyimakö Iehova, anyin a e ame he ka o ka owisa hmeledrany; E ame he ka owisa hmeledrany hnyi wisa, Me ta je hnyei hnyi hnathu.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 24:15

Anyin a wale, oganö Iehova thö hnyi jimeio, ke hnyi je bomene hnyi köiö, wale iö Iehova, a Khongon Isaraela.

Isaia 26:4

Labageju thö kö Iehova nyiele balua: anyin a haba Than Iehova, me kic nyiele balua.

Isaia 33:2

Iehova lö, betenge ju gahmun; öhmun e hia but halubahingâm: e so u ma bi hnyamödra hnyi je hnyomakatu, ke melihmun minya hnyi ûen vec.

Isaia 33:22

Anyin a Iehova at ame owisʼ öta, Iehova at ame ha anyita ge hnanyibu, Iehova tuhöta; e ame he ka omeli öta.

Isaia 40:10

Wâ bi, ame he Than Iehova ka o helâ me at ae man, kʼ ame he benyin ka musi hobi kâu e bi: wâ bi, e unyin hwaban, ke e hnyi hnyimakan hwaban anyin huliwa.

Isaia 42:4

E ame ca he ka sēnyin me ngâ, ke ne o but e ame he ka ip hna owisa eang hmeledrany; ke ame he ta je bomene ka halubahingen anyin hnanyibu.

Isaia 46:13

oge me hakekenyâ anyik wisa, e ame ca he ka ûsâkâûö, ke ame ca he ka bec ûhomeli ûnyi gak; ke oge me he ka ip hnyi Ziona ûhomeli hobi kö Isaraela hmanenangik.

Isaia 49:1

LING nya ju öbun je bomene; ke tevehlöng ju öbun ta je hnyei ae sâkâû: Iehova ame ha iök ûnyi hnyi hnyok; kʼ ame ha iök ûnyi hnyi hnyeku bai:

Isaia 54:17

E ba ûnyi adre ânyâ hnân vat möu ame he ka ton; ke haba ta je bohmen hia thithö tavat adre me he ka tot ka ivino möu hnyi hna owisa, u me he ka haikongoâ. Wale jekhon je athnyabai Iehova, me hwakecidra ae wisa ûnyi gak, haingö Iehova.

Isaia 56:1

WALANG hna ha hnö Iehova, ka habe, Vheno thö ûnyi ae ûcû, ke ânyâ thö ûnyi ae wisa: anyin ae hakekeny jut he ka o anyik ûhomeli, me he ka omanenâ anyik wisa.

Isaia 59:16

Ke e ame wâ ae ba at, me e ame lâiâ ae ba at ame khöûâ: anyin a wale ame ka ânyâ möt hobi kâu e hnen hnyamen bi; ke ame cö e anyin bi hwakecin ae wisa.

Isaia 60:9

E hnathu, ame he je bomene ka halubahing nya, kʼ ame he ka bân je huiny Tasesa he ka hom lakom obaga ûnyi hnyi dok ae sâkâû, ke e unyidra anyidra sileva me gol, hobi kâu iö Iehova a Khongom, me Kabi Isaraela at ame ohmanenangi u.

Isaia 62:11

Wâ bi, Iehova ame hia but ha ka je can hmeledrany, ka habe, Ha thö ka hluiny Ziona, ka habe, Wâ bi, ame o but ânyâm ûhomeli; wâ bi, e unyin hwaban, ke e bi hnyi hnyimakan hwaban anyin huliwa.

Isaia 63:5

Ke oge me wâ, me ba at ûhadruo; ke oge me lâiâ ae ba at hnân ci: anyin a wale ame hom möt könya hnen hing benyik; ke ame ci nya hnen bi anyik wathethot.

Joela 3:12

E so ame mweimwei je hnyei, me o ka hnyi hnyigöulen bucen anyi Jehosafata: anyin oge me he ka laba eling he ka owisa je hnyei igigilo.

Zefania 2:11

Ke ame he Iehova ka ooti ödra: anyin a e ame he ka ohia tilâ je khong khongon hmeledrany hia; me ame he tavat ka khudrung kâu, ke at me ke at hnyi je ve hnödra, wale ta je bomeneiny ta ogo hnyei hia.

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Mataio 3:2

haingen ka habe, Ietra ju öbun; anyin ae hakekeny jut dokhon drany

Mareko 16:15

Ke haingen ködrin, ka habe, He thʼ öbun ka hnyi hmeledrany hia thithö ka khetâ evangelia ka tavat hia adre op.

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Ta je huliwa 17:31

anyin a e ame hia but thu bong he ka ûhnei me owisa hmeledrany hnen at e ame hia but otilâ; ke e ame ohnathoâ e ka tavat hia hnyi hnen hna omelö hmetu thö e ûnyi hnyi hna mok.

Roma 2:16

hnyi bong ame he Khong ka hnö ta je ûnyi ae iyong anyin tavat, ga Iesu Keriso, hoton anyik ûthumetu ae so.

II. Korinito 5:10

Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.

Deuteronomi 30:14

Ke so bi e hakekeny hmönyin hofuc köu, a hnyi hnyimâm me hnyi hnyekom, mʼ u me he ka ânyâ.

I. Samuela 2:10

Adre me he ka oamamâ tavat adre me vat me Iehova; E ame he ka kunâ hendreng kodra ûheny hnyi drany: Ame he Iehova ka owisa je can hmeledrany; Ke e ame he ka ham tang hwege ka than a aten, Me ogöranyâ faoiny meno anyin at e ame osûâ.