Isaia 51:4 - Iaai Bible 1901 (New Caledonia)

⁴ Lakeik lö, ling nya ju; ik hnyei lö,, tevehlöng ju könya: anyin ame he ka he but ûheny unyik hnanyibu, ke oge me he; ka ip hnok hna owisa hnân melaminy ta je hnyei.

Isaia 51:4 ပူးပေါင်းရင်းမြစ်များ

Salamo 106:5

Mʼ oge me he so but helâ me tavat u je ûca, Mʼ inye he ka tha senyin me lakem, Me tha ohobeluâ me jekhom.

Salamo 147:20

E ame ca ânyâ helâe ka ke hnyei: Ke haba hnen je hna owisa, me ca manen bi kodra. Oganö Ja thʼ öbun.

Salamo 33:12

Hnahic hnen hnyei a Iehova Khongon; A tavat e ame ûca hnân hing jekhon.

Salamo 50:7

Lakeik lö, long ju me inye he ka ha; Isaraela lö, long ju, me oge me he ka ha hnyikongom. Inya thibi Khong, wale Khongom.

Salamo 78:1

LAKEIK lö, tevehlöng ju hnok hnanyibu: Ta ju je hnyikönyöbun ka ta je ifucin hnyimök.

Esodo 19:6

kʼ öbun e he ka dökuk dökhu a je at bihut, me hnyei ae kap könya. Wale hofuc u me he ka ha ka lakon Isaraela.

Esodo 33:13

Anyin a wale, u je ne betenge gak, ö u omanenâ könya dem gethen, me me khanö nya u, me u me betenge gak: ke ûnykûme ju a haba hnyei ang me hing lakem.

Ta je Vejec 6:23

Anyin a haba hna hûna, me wale lamepa; ke haba hnanyibu, me wale melam; Ke haba hna nâ me me metâ, me wale gethen deny möt:

Isaia 1:27

Adre me he ka omeli Ziona ûnyi ge hna owisa, me je laten adre hmetu kâu ûnyi ge hwakecin ae wisa.

Isaia 2:3

Ke ame he ka o ta je hnyei ae se hia me ha, ka habe, Ai öbun me otin e ölö thö ka hnyi bucen anyi Iehova, ka hnyi uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, me hofuc ho Iehova ûheny Jerusalema.

Isaia 26:2

Khong ut je homagöule me me didro hnyei ae wisa, a at ame tuö hnathu.

Isaia 26:8

Eke, Iehova lö, hnyi gethen deny hnâm je hna owisa, öhmun e hia but halubahingâm; ke weny je hnyekuhmun ka iâm, ke he ka ûnykûmi u.

Isaia 33:22

Anyin a Iehova at ame owisʼ öta, Iehova at ame ha anyita ge hnanyibu, Iehova tuhöta; e ame he ka omeli öta.

Isaia 42:21

Ame so kö Iehova hnyi anyin hwakecin ae wisa, he ka ogânâ hnanyibu, me ohmanenangâ e.

Isaia 42:6

haba inya Iehova, oge hia but hawo u hnyi wisa, ke oge me he ka kât benyâm, me tuö u, me hnö u hnân I ûhihinyköu me tavat hnân melaminy ta je Ethen;

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 55:3

Tevehlöng ju, ke ai öbun könya; löng ju me me möt je hanubun: ke oge me he ka ânyâ ûhihinyköu möbun a nyiele balua, wale tang betenge ae hnathu unyi Davita.

Isaia 63:8

Anyin a e ame ha, ka habe, E hnathu, ta je atök ödra, a je wanakat adre me ca he bi ka ânyâ iyawo: me me at omeli ödra bi.

Mika 4:2

Ke ame he ka o ta je hnyei ae se hia me ha, ka habe, Ai öbun mʼ ate me he ka ölö ka hnyi bucen anyi Iehova, me uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, ke hofuc ho Iehova ûheny Jerusalema.

Luka 2:32

Wale melam hnân omelamâ Aten ta je hnyei, Ke hnân hmanenanginy lakem a Isaraela.

I. Korinito 9:21

ke helâ me ba hnanyibu ka tavat ae ba hnanyibu, ke ca ba bi hnanyibu gak ge Khong, ke inya hmelen hnanyibu ge Keriso, me me hmehmelö nya tavat ae ba hnanyibu.

Deuteronomi 18:18

Me oge me he ka oâ hobi ködra ke perofeta ûnyi ge je liamekeiny mödra; me oge me he ka ip hok je hofuc hnyi hnyimen, me e ame he ka ha ködra ta je ûnyi hia oge me he ka ha kâu.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ: