Isaia 51:22 - Iaai Bible 1901 (New Caledonia)

²² walang hna ha hnen Tuhâm, a Iehova, a Khongom, at ame ivinoâ lakeiny, ka habe, Wâ bi, oge hia but hom ûnyi hnyi hnyamâm kaiainy ta tot; me u me ca he hmetu ka ijem e:

Isaia 51:22 ပူးပေါင်းရင်းမြစ်များ

Salamo 35:1

IEHOVA lö, u ma he ka ivino me tavat adre me ivino mönya: Vat dö me tavat adre me vat mönya.

Salamo 60:3

U je hia but omanenâ ka lakem ta je ûnyi ae hmak: U je hia but kunʼ ohmun he ka ijem waina ame omonumonu at.

Ta je Vejec 22:23

Anyin ame he Iehova ka ivino hobi ködra, Me hûgûnâ melen tavat adre me sei ödra.

Isaia 29:9

Todru, ke lâiâ thö; hobâ thö ke wa-dröu but: adre monu but, ke ca ûnyi ge waina; adre me ta tot, ke ca ûnyi ge grâg.

Isaia 3:12

Ke haba lakeik, ame sedʼ ödra hnen je wanakat, ke ame musi ödra hnen je momo. Lakeik lö, a omonu u hnen tavat adre me su u, me ohia dem ta je gethen.

Isaia 3:13

Ame todrö Iehova he ka! ivino, e ame tot he ka owisa ta je hnyei.

Isaia 49:25

Ke so bi, walang hna ha hnö Iehova, ka habe, Adre me he ka hûgûnâ je bâ unyin tavat ae hwege, ke adre me he ka hna but hna söh hnen tavat ae hwege hnyimen: anyin a oge me he ka ivino me at ame ivino möu, ke oge me he ka omelo ta je lakom.

Isaia 51:17

Jerusalema lö, hmak dö, hmak dö, todrö, at ame ic ûnyi hnyi beli Iehova wale kaiainy anyin hmonyin; u je hia but ijem onyen kaiainy ta tot, me ijehmö e.

Isaia 62:8

A hia but Iehova khemanyin ge hnyamen a metân, me benyin ae hwege, ka habe, E hnathu oge me ca he hmetu ka hna ânyâm hwit hnân an je iwahnaihmiony möu; ke ame ca he je atkanyua ka ijem ânyâm waina waleji u je huliwan:

Jeremia 25:15

Anyin a walang hna ha hnö Iehova Khongu Isaraela könya, ka habe, Hom dö tap wainainy hmonyin ang ûnyi hnyi hnyamok, me habelen je hnyei hia waleji oge me he ka kunö u ka hnyin.

Jeremia 50:34

E hwege at ame ûcû melidra; Iehova tuhan sabaoth ien: e ame he ka ti ivino hobi ködra, me me he ka omenâ hmeledrany, me oöbubunyâ tavat adre me laba hnyi Babulona.

Jeremia 51:36

Anyin a wale walang hna ha hnö; Iehova, ka habe, Wâ bi, oge me he ka ivino hobi köu, me bi hwaban hobi köu; ke oge me he ka ohmö anyin köiö, me ohmö anyin hna pupua.

Je tenge anyi Jeremi 3:15

E ame hia but öunöngöti nya ge ûnyi ae hiny me osekuni nya ge khökhö-long.

Je tenge anyi Jeremi 3:58

Than lö, u je hia but ivino hobi könya; u je hia but ûcû melik.

Ezekiela 39:29

ke oge me ca he hmetu ka ikhâlâ hnyimakök gadra: anyin oge hia but hingâlâ hanuk hon lap anyi Isaraela, haingen Than Iehova.

Joela 3:2

me oge me he bi ka ûkhacaköuâ je hnyei hia, me hum ödra ka hnyi hnyigöulen bucen anyi Jehosafata; ke oge me he ka ûhnei mʼ ödra eling can lakeik me jekhöûk a Isaraela, wale adre oveseâ ka hnyi je hnyei, me khenâ ik hnyei.

Obadia 1:16

Anyin a öbun e hia but ic hon anyik bucen ae kap, me ame he bala bi ta je hnyei ka ic helâe, eke, adre me he ka ic me utâ, kʼ adre me he ka helâ me at adre ca hnokoâ.

Mika 7:9

Oge me be ka hok hnyokâ hmonyin anyi Iehova, anyin oge hia but monu kâu; ke ne o but e ame he ka ivino hobi könya, me owisa hobi könya: e ame he ka su nya ka hnyi melam, ke oge me he ka wâ hwakecin ae wisa gan.

Zakaria 12:2

Walang hna ha hnö Iehova at ame ulolo drany kʼ ame bi taben hmeledrany, me op hanon at eû hnyi hnyekon, ka habe, Wâ bi oge me he ka wia Jerusalema hnân kaiainy ta tot ka je hnyei hia igigilo, ke haba khaca me ame he ka e hon Juda hnyi hna igigilo Jerusalema.

Mataio 20:22

Ke haba Iesu ame thu me ha, ka habe, E ca khanʼ öbu bongon hnöbu hna sumâtâ. Hawa, e khanʼ öbu he ka ic hnyi kaia oge me he ka ijem? Haingödru ka habe, E khanʼ ohmu.

I. Samuela 25:39

Ke a long ut Davita a ga mokcu Nabala, me e ame ha, ka habe, Ole kö Iehova at ame ivinoâ hna ohmehmö nya ga Nabala me thawâ athnyabainy ge hulö: ke Iehova ame hia but ohmetoâ hulö anyi Nabala ka i hnyi hon ban bi. Ke Davita ame ûkhûnöng he ka ûhnenamö me Abigaila he ka hom me âiân.