Isaia 51:20 - Iaai Bible 1901 (New Caledonia)

²⁰ Ame ta but je lakom, adre me mokut hnyi je hna saû hia hnyi gethen, helâ me gotiny hnyot ame hnok hnyi ert; adre unöngötö ge hmonyin anyi Iehova, wale hna thawâ hnen Khongom.

Isaia 51:20 ပူးပေါင်းရင်းမြစ်များ

Isaia 29:9

Todru, ke lâiâ thö; hobâ thö ke wa-dröu but: adre monu but, ke ca ûnyi ge waina; adre me ta tot, ke ca ûnyi ge grâg.

Isaia 40:30

Ke ame he je thoth ka mat me sēnyin, ke ame he je wahidröu ka ta but:

Isaia 49:26

Ke oge me he bi nya ka han tavat ge hing vidra a ödra adre me oveci u; kʼ adre me he ka monu ge hing drödra bi, helâke me hnen waina ae hnebwia: ke ame he tavat hia ka khanʼ ödra a inya Iehova, at ame omeli u, me at ame ûcû melâm, a Man mani Jekob.

Isaia 5:25

Anyin a wale ame han hmonyin anyi Iehova ka lakeiny, ke e ame nang hnyamen hudra, me kuc ödra, me ame öbubuny je ong bucen, ke haba je unyidra a mokcu, me helâ me ûnyi ae ikiki eû hnyi gethen. Ke hnyi ta je ûnyi e, e ame ca wia bi anyin i hmonyin, ke ame inâ bala bi hnyamen.

Isaia 51:17

Jerusalema lö, hmak dö, hmak dö, todrö, at ame ic ûnyi hnyi beli Iehova wale kaiainy anyin hmonyin; u je hia but ijem onyen kaiainy ta tot, me ijehmö e.

Isaia 51:21

Anyin a wale, long ju ang, u at adre ovecâ, me at he monu ke ca hnen waina:

Isaia 66:15

Anyin a wâ bi, ame he Iehova ka o me meic, ke helâ me hou anyin je kariöta; me me ohmeto anyin hmonyin hnyi wathethot, me hnen hna thawâ hnyi bâhlân meic.

Isaia 8:21

Ke adre me he ka vheno e hnyi vec me mekihnânem: ke ödra ka he ka mekihnânem, me adre me he ka vec hnyok, me hangâ hnyi ien tuhödra me Khongudrin, ke hngele bi hnyi dranyai:

Jeremia 14:16

Ke haba tavat ödrin e perofeta ködrin, adre me he ka khûʼ ödra ka hnyi je getheniny Jerusalema can hmiâ me hele vat; ke ba at ame he ka konim ödra, ödra, me laöiödra, me lakûdra obaga me wahlu: anyin oge me he ka hingâlâ hudrin hwakecidrin bi ae monu.

Jeremia 14:18

Oge ne he ka hnyi hnyei, wâ bi je hna kot hnen hele vat! ke oge ne he ka hnyi taun, me wâ bi, tavat ae sënyin ge hmiâ! anyin ame tha ngeno baûâ hnyei hnen perofeta, me at bihut, ke ba metâ gadrin.

Je tenge anyi Jeremi 1:15

Haba Than ame hia but hûkotiâ anyik tavat hwege hia unyik; E ame hia but hawâ ûcûk ûkhacaköu ae ûnyi hnathu he ka oamamâ je wahidröu unyik: Than ame hia but ututo hlu, wale hluiny Juda hnyi hna hlec wan vine.

Je tenge anyi Jeremi 1:19

Oge me hawâ je la wek, kʼ adre me iyawo nya: A mokcu anyik tavat bihut me wahingat hnyi taun, Hnyi ûen adre me heleû ö ʼdra, mʼ adre me mot hmetu.

Je tenge anyi Jeremi 2:19

Todrö, hongot dö hnyi hnyinghet hnyi je hna hmak a bân; Hingâlâ but hnyekom helâ me köiö hnyi hnyimakan Than; Hai thö kâu li hnyamâm ge melen lakom a je wanakat, Wale adre me ta mok hnen hmiâ hnyi je hna saû hnen je gethen hia.

Je tenge anyi Jeremi 4:11

Haba Iehova ame ohwâdâ anyin hmönyin, me hingâlâ anyin wathethot ae gan; Ke e ame hia but hû meic hnyi Ziona, waleji ame thong degecâ je taben e.

Je tenge anyi Jeremi 4:2

Je lakon Ziona ae ûnyi hnathu, ödra tha ûcû me gol ae so, Nakainy hna oûcû ödra me ta je kaia kânâ, huliwa anyin at ame up kaia.

Je tenge anyi Jeremi 5:13

Adre me hom wabidröu he ka khin hwit, Ke haba je da adre me ta hmelen je uto adre hom.

Ezekiela 12:13

Ke oge me he ka lau ûtök ert hon e, ke e ame he ka hnok hnyi anyik hnewe: ke oge me he ka hom e Babulona ai, ka hnyi hnyei at Kaledaia: ke so bi, e ame ca he ka wâ e, ke e ame he ka mok e.

Ezekiela 17:20

Ke oge me he ka thong ûtök ert hobi kâu, ʼke e ame he ka hnok hnyi anyik hnewe, ke oge me he ka hom e Babulona ai, ke ivino mē eling, can hnen hna hanyâûâ waleji e ame ânyâ könya.

Ezekiela 39:19

Ke öbun e he ka an pipikhenya me sekubun, me ijem dra me monu but, ûnyi hnyi anyik je hut oge hia but hudo hobi köbun.

Deuteronomi 14:5

me aila, me zebi, me imura, me got ae hiny, me disona, me teo, me zamera.

Deuteronomi 28:20

Ame he Iehova ka kunâ köu hnaûhango, me vec, me û, hnyi ta je ûnyi u me ip hnyamâm kâu he ka ânyâ ke ne o but u me mok me ke ne o but u me ie hia but; can hulöiny ânyâm je huliwa u me digic nya hnyin.

Hna Omanenâ 14:10

wale at ame he minya ka ijem wainainy tang hmonyin anyin Khong, wale adre penapena ke adre me ca ûhaniken, hnyi kaiainy anyin tang hmonyin; ke adre me he ka ovecâ e hnen meic me teio hnyi hnyimakan ta je angela ae kap, ke hnyi hnyimakan Arenio: