Isaia 51:18 - Iaai Bible 1901 (New Caledonia)

¹⁸ E ba at ame he ka su tilâ e wale unyin je lakon hia e ame hnokoâ; ke ba at ame hom hnyamen wale unyin je lakon hia e ame hat.

Isaia 51:18 ပူးပေါင်းရင်းမြစ်များ

Jobu 8:20

Wâ bi, ame ca he Khong ka hota degecâ at ae wisa, Kʼ ame ca he ka otethmâ tavat adre me ânyâ hulo.

Salamo 142:4

Wâ ju hnyi ke keihök a metök, me wâ; anyin ae ba at ae khana inya: E ba but hnyeutök; ke ba at ame ûnykûme hanuk.

Salamo 88:18

U je hia but öûsâkâûöâ at ame betenge gak me hanok, Ke u je ip hnyi menekholom liamewaeny mönya.

Isaia 41:13

Anyin a inya Iehova Khongom oge me he ka kat benyâm a metâm, me ba köu, ka habe, Ca ot; oge me he bi nya ka hadruo u.

Isaia 45:1

WALANG hna ha hnö Iehova kö Koreso, a at e ame hû, at oge me kât hnyamen a metân he ka hom ûhnyûkongoâ je hnyei hnyi hnyimakan, ke oge me he ka thang wen hnyin je than; he ka khong je hlinginy hnyi hnyimakan, kʼ adre me ca he ka hlöng je homagöule;

Isaia 49:21

Ke u me he ka ha eû hnyi hnyekom, ka habe, Ia hnöku ödra ang könya anyin oge hia but tenge ge imekiny lakuk, me hake laba, a at adre obâ ke he monu? ke ia hat hnyat ang? Wâ bi, iny khaca thibi; ke haba hnyat ang, me ûhedra ua?

Isaia 54:11

At ae vec lö, a tûâ weneû, ke adre ca otubwelâ, wâ bi, oge me he ka ohmâ ânyâm je veto hnyi je ve makan, me bi tabâm ge je safairo.

Jeremia 10:20

E kong ut umök uma mano, ke mou but anyik je tö hia thithö: a he but lakuk, ke ba but, e ba hmetu at he ka ulolo umök uma mano, me otilâ anyik hak mano.

Jeremia 31:32

ca helâ me ûhihinyköu eji oge ânyâ me lakamödra, waleji hnyi bong oge hom hnyamödra he ka su Ödra ûnyi hnyi hnyei Aigupito; ke adre me thamuâ anyik ûhihinyköu eja ke ne oge ne helâ me âiân baga kodra, haingö Iehova.

Ezekiela 34:6

Haba halek je mamoe adre me he monu hon je bucen me je hut hia ae gorany: eke, ame vese thö halek ta je mamoe hon hmeledrany hia thithö; ke ba at ame elâm me hnö.

Amosa 5:2

A ta but hluiny Isaraela; e ame ca he hmetu bi ka tot: adre degec e hon kânân kânâ, e ba at ame he ka otilâ e.

Mataio 15:14

Hnʼ ödra but: ödra je hnyat kû gethen kʼ ödra wadröu. Ke a ne lelö wadröu ge ke wadröu, ödru me he ka tha ta eû hnyi hmonop.

Mataio 9:36

Ke e ame wâ tavat ae se hia, me e ame betenge gadra, anyin a ödra sēnyin dut, adre me ve se but, helâ me ta je mamoe e ba at ame tuö.

Mareko 8:23

Me e ame hom hnyamen at ae wadröu, me lelö thö e ka hnyi hoton taun; ke a hia but hangöjâ li emakan, me ip li hnyamen hon, me e ame hnö e, ka habe, U me wâ ke ûnyi?

Ta je huliwa 13:11

Ke wâ bi, walang ang e but hom hnyamen Than, me u me he ka wadröu, kʼ u me ca he hmetu ka wâ seûno ke ne o but hnyi ke ûen. Me ame ie o but kâu hadedak helâ me lit; me e ame he monumonu kʼ ame khaûtetâ at he ka lelo e.

Ta je huliwa 9:8

Me ame todrö Saulo ûheny û hnyi kânâ, ke e ame bwele but, ke ba ûnyi ame wâ: me adre me lelo thö benyin, me hom e Damaseko ai.

Heberu 8:9

Ca helâ me ûhihinyköu oge hia but ânyâ me je lakamödra Hnyi bong oge me kât hnyamödra me lili ödra ûnyi hnyi hnyei Aigupito; Anyin adre me ca tethmâ hnyi anyik ûhihinyköu, Me oge me hna degeci ödra, haingen Than.