Isaia 51:17 - Iaai Bible 1901 (New Caledonia)

¹⁷ Jerusalema lö, hmak dö, hmak dö, todrö, at ame ic ûnyi hnyi beli Iehova wale kaiainy anyin hmonyin; u je hia but ijem onyen kaiainy ta tot, me ijehmö e.

Isaia 51:17 ပူးပေါင်းရင်းမြစ်များ

Jobu 21:20

E so ame he li hing emakan ka wâ ûkonguny, E so e ame ijem hmonyin anyin Ataekhanahia.

Salamo 11:6

E ame he ka ota helâ me we ta je hnewe hon at ae kong; Haba meic, me teio, me ang ame hiâ, me wale kaia a jekhöûdra.

Salamo 60:3

U je hia but omanenâ ka lakem ta je ûnyi ae hmak: U je hia but kunʼ ohmun he ka ijem waina ame omonumonu at.

Salamo 60:5

E so u ma omelo ge hnyamâm a metâm, me ling ohmun ju. Me me möt ut tavat u me betenge gadra,

Salamo 75:10

Oge me he ka subâ degecâ ta je faoiny meno hia anyin tavat ae kong; Kʼ adre me he ka ogöranyâ li faoiny at ame ânyâ hwakecin ae wisa.

Salamo 75:8

Anyin a e hnyi hnyamö Iehova kaia, ke ame hûlûlû hangoc dö waina; Ke unöngötö ge hna ûthueniken, ke e ame hingâlâ ûnyi hnyi hnyin e: E hnathu ame he tavat hia ae kong hnyi hmeledrany ka drem e, me ijem kânâiny.

Isaia 29:9

Todru, ke lâiâ thö; hobâ thö ke wa-dröu but: adre monu but, ke ca ûnyi ge waina; adre me ta tot, ke ca ûnyi ge grâg.

Isaia 40:2

Ha thö hofuc ae kaukahwa kö Jerusalema, ke hongot dö kâu a ga um dö bonginy vec, ke adre hia but thang degecâ anyin hulo; a hia but kap ûnyi ga Iehova hna olo bi hwaban anyin ta je hulo hia.

Isaia 51:21

Anyin a wale, long ju ang, u at adre ovecâ, me at he monu ke ca hnen waina:

Isaia 51:22

walang hna ha hnen Tuhâm, a Iehova, a Khongom, at ame ivinoâ lakeiny, ka habe, Wâ bi, oge hia but hom ûnyi hnyi hnyamâm kaiainy ta tot; me u me ca he hmetu ka ijem e:

Isaia 51:9

Hmak dö, hmak dö, hnyamö Iehova, khavâ ju tang hwege; hmak dö helâji me hnyi ta je bong kâû adrem, wale ta je dö a bân. Hawa, ca u at ame sö omomonu Rahaba me kot tanimo?

Isaia 52:1

HMAK dö, hmak dö, Ziona, khavâ thö tang hwegiâm; Jerusalema lö, taun ae kap, khavâ ju khaûâm a je ûkhaû ae hmanenang: anyin ame ca he hmetu ka o köu at adre ca peretomon, me ikiki.

Isaia 63:6

Ke oge me ututo tavat hnyi anyik hmonyin, ke omonu ödra hnyi anyik wathethot, ke oge me hingâlâ dren anyidra möt ka hnyi hon kânâ.

Jeremia 13:13

Me u me he ka ha kodra, ka habe, Walang hna ha hnö Iehova, ka habe, Wâ bi, oge me he ka öunöngötâ tavat aten hnyei ang hia, wale je than a tavat adre me tabâ theron anyi Davita, me tavat bi hut, me ta je perofeta, ma aten Jerusalema hia, mʼ adre me he ka monu ge grâk.

Jeremia 25:18

wale Jerusalema me je tauniny Juda, me je thaniny, me je taben, mʼ adre me wiʼ ödra he ka ba wan, me hnân kuko me jû, me hangâ helâ me hnyi bong ang;

Jeremia 25:27

Ke u me he ka ha kodra, ka habe, Walang hna ha hnö Iehova tuhan sabaoth, Khongu Isaraela, ka habe, Ijem dʼöbun, ke monu thö, me hmita but, me ta ju, ke ca tot hmetu bi, can hele vat oge me he ka kunâ köbun.

Jeremia 44:6

Anyin a wale oge me hingâlâ anyik wathethot me anyik hmonyin, ke ame ubâhlâ hnyi je tauniny Juda, me je gethen hnyi Jerusalema, ke ame ba wan gadra, ke hnyot dö helâ me hnyi bong ang.

Zakaria 12:2

Walang hna ha hnö Iehova at ame ulolo drany kʼ ame bi taben hmeledrany, me op hanon at eû hnyi hnyekon, ka habe, Wâ bi oge me he ka wia Jerusalema hnân kaiainy ta tot ka je hnyei hia igigilo, ke haba khaca me ame he ka e hon Juda hnyi hna igigilo Jerusalema.

Mataio 20:22

Ke haba Iesu ame thu me ha, ka habe, E ca khanʼ öbu bongon hnöbu hna sumâtâ. Hawa, e khanʼ öbu he ka ic hnyi kaia oge me he ka ijem? Haingödru ka habe, E khanʼ ohmu.

I. Korinito 15:34

Hmak dö ka hwakecin ae wisa, ke ca mâdrâ bi hulö anyin ae ca khana bi keihen Khong: inya oge me ha hnân ohmehmʼ öbun.

Efeso 5:14

Anyin a wale, e ame ha, ka habe, Hmak dö, u at ame mokut, ke tot hmetu thö ûhem hnyi hna mok, me ame he Keriso ka omelami u.

Deuteronomi 28:28

Ame he Iehova ka kuc u mʼ u me monu, me wadröu, me uthmâhmâ hnyekon:

Deuteronomi 28:34

me me omonu u ge ta je ûnyi u me he ka wâ ge li emakâm.

Hna Omanenâ 14:10

wale at ame he minya ka ijem wainainy tang hmonyin anyin Khong, wale adre penapena ke adre me ca ûhaniken, hnyi kaiainy anyin tang hmonyin; ke adre me he ka ovecâ e hnen meic me teio hnyi hnyimakan ta je angela ae kap, ke hnyi hnyimakan Arenio:

Hna Omanenâ 16:19

Me ame subâ kunâ but taun ae gan, kʼ ame ū but je taun hnyi je hnyei: ke adre me ûnykûme Babulona taun ae gan hnyi hnyi makan Khong he ka ham kâu kaiainy wainainy anyin tang hmonyin.

Hna Omanenâ 18:6

Bi hwaban ju kâu helâ me hnen hna ham, ke olo ju bi hwaban kâu hoton anyin huliwa: ke olo ju ûhaniken kâu hnyi utkaia e ame ûhaniken.

Owisa 5:12

Debora lö, hmak dö, hmak dö; Hmak dö, hmak dö, hai thö khumöng: Baraka lö, nöku Abinoam todrö, me lelö bâ ânyâm je bâ.