Isaia 51:13 - Iaai Bible 1901 (New Caledonia)

¹³ ke u me hnying Iehova bi At a up u, at ame ulolo drany kʼ ame bi taben hmeledrany; ke u me labö outen hnyi ta je bong hia can wathethot anyin at ûöveci, hnyi ûen e ame penapena he ka ohia? ke e but ua hmonyin anyin at ûöveci?

Isaia 51:13 ပူးပေါင်းရင်းမြစ်များ

Esetera 5:14

Me ame ha kâu Zeres a! âiân me je lahanen hia, ka habe, E so he ka penapena tap uto a fifte je kubit ibeûen goranyai, me nyi u me he ka ûhuenamö me than, mʼ adre me he ka uhni Modikai hnyi hon: ke hwaban e, he senyin dö ka hnyi tha han me than. Ke so hofuc eling kö Hamana; me ame ûkhûnöng he ka ânyâ tap utö.

Esetera 7:10

Me ödrin e uhni Hamana hnyi tap uto waleji e ame penapena hobi kö Modikai. Me ame hia ju hmonyin anyin than.

Jobu 37:18

Hawa, e khanö u he ka tha ulolo mē drany, Waleji ae hmâ helâ me uselat bras adre okoiâ?

Jobu 9:8

Hake e ke thibi at ame lau drany, Me uto hon je waköiöiny köiö

Salamo 104:2

U je tubi u ge melam helâ me ûkhaû; Me ulolo drany helâ me imano:

Salamo 106:13

Kʼ adre me ie hnying ut hnen je hna ânyâ; Kʼ adre me ca lubahingen bi anyin ûhnenamö:

Salamo 76:10

E hnathu ame he ka oganö u hnen hmönyin anyin tavat: Ke u me he ka thawâ kolon je wathethot.

Isaia 10:24

Anyin a wale, walang hna ha hnen Than, Iehova tuhan sabaoth, ka habe, Lakeik lö, tavat adre me laba hnyi Ziona, ca outen bi öbun at Asuria: eja ke ne a ne kuc u ge osö, me nang anyin uci köu helâji me hnyi Aigupito.

Isaia 14:4

me u me he ka hai ûhöûcû eang ge than Babulona, u me ka ha, ka habe, Ekölö ge hna bi obiny at ûsedö! ke adre me bi obiny taun gol!

Isaia 16:4

E na he ju ka laba unyâm ta je atök adre obâ; ke haba u Moaba eso u me he ka tubi ödra hnyi hnyimakan at sei: anyin ame he ka hia at ûöveci, a um do hwakecin sei, adre ohia tavat seda ûnyi hnyi hnyei.

Isaia 17:10

Anyin a u je hnying Khongon ânyâm ûöhmeli, ke u je ca ûnykûme kicin tang hwegiâm; anyin a wale u je tā je ûo ae hmanenang, me tā ta je hatong kanyua:

Isaia 40:21

Hawa, e ca khanʼ öbun? öbun e ca long? kʼ adre ca thumetu öbun ûnyi hnyi can? kʼ öbun e ca wâhmakhmeto hwân hnyi hna bi taben hmeledrany?

Isaia 40:22

E at ame laba hon wathelabainy hmeledrany, ke helâ me ta je wahamon tavat adre me labā e; at ame ulolo drany helâ me imano, kʼ ame ulolo e me helâ me uma mano adre me laba hnyin:

Isaia 42:5

Walang hna ha hnö Iehova a Khong, at a op drany, me ulolo e; at a olauâ hmeledrany me ta je ûnyi ame kû hnyin; at a ham homenâ ka tavat hia thithö hon e, ke hanu ka tavat adre me vheno e:

Isaia 43:1

KE walang ang, walang hna ha hnö Iehova at a up u Jekob, me at a huliwön u Isaraela, ka habe, Ca ot bi, anyin a oge hia but ûcö ânyâm möt; oge hia but hawâ iâm, anyin a atök ut u.

Isaia 44:24

Walang hna ha hnö Iehova, at a ûcû u, ke at a up u hwân hnyi hnyekon hinyâm: inya Iehova at a op ta je ûnyi hia; at a hake ulolo drany; at thibi a olauâ hmeledrany; ie at unyik?

Isaia 45:12

Oge hia but ânyâ hmeledrany me op tavat adre me labā e: oge me ulolo drany ge li hnyamok, ke oge muso ta je ûnyi hia hnyin e.

Isaia 45:18

Anyin a walang hna ha hnö Iehova at a op drany; e thibi Khong; at ame ânyâ hmeledrany me op e; e ame otethmâ e, kʼ ame ca op baûâ e, e ame mâdrâ e me me labā e: haingen, ka habe, Inya Iehova ka ba ju ke at.

Isaia 48:13

Eke, hnen hnyamok hna bi taben hmeledrany, ke hnen hnyamok a metök hna ulolo je drany: oge me hawâ ta je ûnyi e, me adre me tha tot.

Isaia 49:26

Ke oge me he bi nya ka han tavat ge hing vidra a ödra adre me oveci u; kʼ adre me he ka monu ge hing drödra bi, helâke me hnen waina ae hnebwia: ke ame he tavat hia ka khanʼ ödra a inya Iehova, at ame omeli u, me at ame ûcû melâm, a Man mani Jekob.

Isaia 54:14

Adre me he ka otethmö u hnyi hwakecin ae wisa: me u me he ka laba sâkâu ge seda, anyin u me ca he ka ot; me laba sâkâû me öbubuny, anyin a e ame ca he bi ka o köu.

Isaia 57:11

Ke ie at waleji u me outen me öbubuny gan, anyin a u me thoi, me ca ûnykûme könya, ke u je ca ip eû hnyi hnyekom? hawa, oge me ca laba hnyibû hwân ehac, me u je outö nya?

Isaia 7:4

me ha kâu, ka habe, Wâ ju, me mē laba ju; ca ot bi, ke ca sēnyin bi hnyekom, can li hnyiban uto eang ae hai, ke can hmonyin anyi Rezina, me Suria, me nöku Remalia.

Isaia 9:4

Anyin a u je hia but thu anyin ûnyi hnân ûhûkâlâköuâ ae hmak, me uciny abenyin, me osö anyin at ame okongoâ e, helâke hnyi bong bongon Midiana.

Jeremia 2:32

Hawa, ame he hlu ka hnying je hna theibâ e, ke hlu ame tep faipoipo ka hnying bi ûkhaûen? ke haba lakeik adre me hnying nya hnyi je bong a ca hnân bi aû.

Jeremia 38:19

Me Zedekia ame ha kö Jeremia, ka habe, Iny outen at Juda tavat adre hia but utut ka at Kaledaia, wâ adre nye he ka hnö nya ka hnyi je hnya-mödra mʼ adre me he ka hlumö nya.

Jeremia 41:18

ge at Kaledaia; anyin adre me oûtʼ ödra hnyi hnö Isamaela nöku Nethania hna kuc Gedalia nöku Ahikama waleji hnen than Babulona hna otilâ hnân Gavena hon hnyei.

Jeremia 51:15

E ame hia but op drany ge maniny man, me otilâ hmâ ta je hnyei ge anyin metâ, me ulolo drany hnen anyin wâhmakhmeto:

Jeremia 51:19

E ca helâe jekhoû Jekob; anyin a e at ame op hia; ke Isaraela tribuiny a wajekhon: Iehova tuhan sabaoth ien.

Daniela 3:15

Walang ang, öbun e ne penapena, öbun ka long ifucin trutru, ke utkowi, ke kitara, ke sabeka, ke saniter, ke sumefono, ke je ûnyikhumöng hia me öbun e he ka ta me khudrung ka hnatheat gol oge me ânyâ, me so ling: ke so bi öbun e ne ca he ka khudrung, haba hnyi awa eling, me adre me he ka khûʼ öbun ka hnyi thop ae möt hnyin meic; ke ewa khong ame he ka hûgûnʼ öbun hnyi li hnyamok?

Daniela 3:18

Ke so bi a ne ba, me wâhmakhmetoâ ju than a ohmun e ca he ka bi athnyaba je khongom, me khudrung ka hnatheat gol u je otilâ.

Daniela 3:19

Me ame unöngötö Nebukaneza ge hmonyin, ke ke bongon bi hnyimakan kö Saderaka, ke Mesaka, ke Abedenego: ke e ame fuc me hûna kodra a gʼ adre me he ka oseven okahwa meic hon hnödra hna labö okahwa e.

Ta je huliwa 12:23

Me ame ie kot e angela anyin Than, anyin a e ame ca ogânâ Khong: me ame an e ge ahnyöng, me me mokcu.

I. Korinito 1:20

Ewa at ae metâ? Ewa at sihnalimen? Ewa at ivinö hnyi dö eang? Hawa, Khong ame ca omono metâ eang hmeledrany?

I. Korinito 15:55

Mok lö, ewa dokhom dokhu? Mok lö, ewa ûdö gam?

Deuteronomi 32:18

U je hnying ge Kic, at ame hnöku u, Me ca ûnykûme hmetu ge Khong at ame up u.

Deuteronomi 6:12

awe, wâ eâu, wâ u nye hnying Iehova at ame hum u ûheny hnyi hnyei Aigupito, ûnyi hnyi hnyaba ae ûthaluo.

Deuteronomi 8:11

Ke wâ eâu, wâ u nye hnying Iehova Khongom, me ca tuö bi hnen hna hûna, me anyin je hna owisa, me anyin je hnanyibu, wale oge me huna köu hnyi bong ang:

Heberu 11:15

Ke adre ne ûnykûme hnyei adre he ûhedra hnyin, me ame ne khanʼ ödra la he ka hmetu ka hnyin.

Hna Omanenâ 19:20

Me adre me kât meno ae hiny; me perofeta thoi minya waleji at ame ânyâ ta je haten hnyi hnyimakan, hnân omono tavat adre me kap haten meno, mʼ ödra minya adre me khudrung ka at ae we e: ke adre me khûʼ ödru meli ödru ka hnyi nem a meic ame hiâ ge teio:

Hna Omanenâ 20:9

Ke adre me ölö thö me dedo hmeledrany, me igigilo hunuma anyin wakap, me taun ae oûnykûminy: ke ame o but meic ûnyi hnyi drany me thong degeci ödra.