Isaia 51:12 - Iaai Bible 1901 (New Caledonia)

¹² Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Isaia 51:12 ပူးပေါင်းရင်းမြစ်များ

II. Je Than 1:15

Haba angela anyi Iehova ame ha kö Elia, ka habe, Tha utut mē; ca outen e. Me e ame tot me tha utut mē ka than.

Salamo 118:6

Hiök Iehova: oge me ca he bi nya ka ot: Ieû ke ûnyi ame he at ka ânyâ könya?

Salamo 146:4

Ame he but homenâiny, me e ame hmetuhmetu ka hnyi kânâiny; Hnyi bong eling e ame ca ûnykûme hmetu bi.

Salamo 92:7

E ka kû thö helâ me hnaonying tavat ae kong, Ke hu sot ge tavat hia adre me ânyâ hulo; Me haba obiny kodra a gʼ adre me he ka ohiʼ odra balua.

Ta je Vejec 29:26

E se hia tavat adre me elâm ibetengiö ge at musi: Ke ûnyi ga Iehova hna owisa ka at.;

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 2:22

Soju öbun labageju ka at, ame menâ ge li hnyingöiny: anyin a hnân eû he ka ûnykûme kaû?

Isaia 40:1

ÖTUBWELÂ ju öbun, otubwelâ ju öbun lakeik, haingen Khongubun.

Isaia 43:25

Inya, inya thibi at ame kot degecâ hnâm ta je hna hanyâûâ cak bi; ke oge me ca he ka ûnykûme ânyâm ta je hulo.

Isaia 49:13

Je drany lö, khumöng dö; hmeledrany lö, senyin dö; je bucen lö, ie khumöng dö goranyai: anyin a Iehova ame otubwelâ lakeiny, me e ame he ka betenge ge anyin tavat adre me oveci ödra.

Isaia 51:3

Anyin ame hia but Iehova otubweli Ziona; e ame hia but otubwelâ je dok hia thithö unyin ae ba wan, me wia hnyebubainy me me ûcû me Edena, me iny hnyei baga me me helâ me hna belök hnö Iehova; adre me he ka wâ hnyin e senyin me hobâ, me ole, me hwan khumöng.

Isaia 52:9

Ie tha hongot senyin dö goranyai, öbun je dok ae ba wan hnyi Jerusalema: anyin a hia but Iehova otubwelâ lakeiny, e ame ûcû meli Jerusalema.

Isaia 57:11

Ke ie at waleji u me outen me öbubuny gan, anyin a u me thoi, me ca ûnykûme könya, ke u je ca ip eû hnyi hnyekom? hawa, oge me ca laba hnyibû hwân ehac, me u je outö nya?

Isaia 61:2

he ka haimemenâ hunainy ae ûcû kö Iehova, me bonginy bi hwaban ge Khonguta; he ka otubwelâ tavat hia adre me tenge thungaû;

Isaia 66:13

Ame otubwelâ wanakat hnen hinyen, ke helâe oge me he ka otubweli öbun; ke adre me he ka otubweli öbun bi hnyi Jerusalema.

Isaia 8:12

Ca he öbun ka hnyi ha, ka habe, Ame sihnân, hnyi ta je ûnyi hia thithö ame he tavat ang, ka ha hnyin ka habe, Ame sihnân; ke haba khaca, ca ot bi helâ me iotidra, ke ca öbubuny bi.

Jeremia 38:19

Me Zedekia ame ha kö Jeremia, ka habe, Iny outen at Juda tavat adre hia but utut ka at Kaledaia, wâ adre nye he ka hnö nya ka hnyi je hnya-mödra mʼ adre me he ka hlumö nya.

Jeremia 41:18

ge at Kaledaia; anyin adre me oûtʼ ödra hnyi hnö Isamaela nöku Nethania hna kuc Gedalia nöku Ahikama waleji hnen than Babulona hna otilâ hnân Gavena hon hnyei.

Ezekiela 2:6

Ke haba u, nokon at, ca ot bi gadra, ke ca outen hodra ta je hofuc, eja ke ne a ne tha e möu ûö ae ûdedö me watetaföcö, ke eja ke ne a ne tha laba möu ta je sekopio: ca outen bi hodra ta je hofuc, ke ca öbubuny ge je hnyimakodra, anyin a ödra lap ûkhin fuc.

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Ioane 14:18

Oge me ca he ka hnʼ öbun helâ me je nakahme; ke oge me he ka o köbun.

Ta je huliwa 9:31

Ke hnahic ut ekalesia hnyi je ke keihen Juda hia, me Galilaia, me Samaria, kʼ ame khulelau bi; ke adre me labö he me ot ka Than, kʼ ame kahwa je hnyekudra ûnyi ge Hanu Kap, kʼ adre me osehia but.

I. Peteru 1:24

Anyin A helâ me hna önying tavat hia thithö, Ke haba hmanenanginy at, me helâ me vongon hna önying. Ame meleca Önying, kʼ ame kolu but vongon:

I. Samuela 15:24

Ke Saulo ame ha kö Samuela, ka habe, Oge hia but ânyâ hulö: anyin oge hia but hanyâûâ hna hûna hnö Iehova, me hwâm hofuc: anyin oge outen tavat, me löng hodrin.

I. Samuela 17:11

Ke haba Saulo me at Isaraela hia adre me long ta je hofuc hwan Filisiti, me ödrin e öbubuny me ödrin e gan hmâ ot.

I. Samuela 21:13

Ke e ame okebongonâ hwakecin hnyi hnyimaködrin, me monu thoi unyidrin, me sisit hon li hlinginy homagöule, me ânyâ hangöc ka hnyi wainy.