Isaia 51:10 - Iaai Bible 1901 (New Caledonia)

¹⁰ Hawa, ca u at ame ohmö köiö wale köiö ae dit hmonyin; at ame wia dok ae dit hnyi köiö me hnân gethen bi me me vheno hnen tavat adre ûco melidra?

Isaia 51:10 ပူးပေါင်းရင်းမြစ်များ

Salamo 106:10

Ke e ame omeli ödra ûnyi hnyi hnyamen at ame hûkötiʼ ödra, Me omeli ödra ûnyi hnyi hnyamen iwahnaihmiony.

Salamo 106:9

E ame thawâ Köiö ae Dra, me ame mada: Me e ame hum ödra hnyi je dok ae dit helâ me hnyebuba.

Salamo 74:13

U je hia but subâ luâ köiö ge tang hwegiâm: U je thö ban ta je tanimo hnyi je köiö.

Salamo 77:19

E bi hnyi köiö dem gethen, Ke eû hnyi köiö ae gan deny hnâm hna he, Ke ca manen bi je deny je hnyeûcam.

Esodo 14:29

Ke haba lakon Isaraela adre me vheno dok ae mada wanben köiö; ke li hak ködra köiö hnyi ke keihen metödra me medra.

Esodo 15:13

Hnyi ânyâm ibetengiö u je lelö tavat u je hia but omelö: U je lili odra ge tang hwegiâm ka hnyi hnyabam ae kap.

Isaia 11:15

Ke ame he Iehova ka ohia beduainy köiö hnyi Aigupito, ke jijingâ hnyamen hon Wagewe ge anyin ang ame hiâ, me kot e me me seven but ta je di, mʼ adre me he ka hanyâûâ ke mada bi tangen hnyeûcadra.

Isaia 11:16

Kʼ ame he ka hu hna cit gethen anyin kolon lakeiny, a kolon ûnyi Asuria; helâji ka Isaraela hnyi bong e ame he ûheny hnyi hnyei Aigupito.

Isaia 35:10

ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.

Isaia 35:8

Ke ame he ka hu hna cit gethen eling, me ke gethen, kʼ adre me he bi ka hwenyi ien e, me, gethen ae kap; ame ca he ka vheno e ge tavat ae kong; ke ame he ka hobi kodra: ke haba tavat vheno gethen, kʼ ame ne tavat ae monu, me adre me ca he ka he monu hnyin.

Isaia 35:9

Ame he ka ba liona eling, ke ame ca he ka he kâe meno ame ûhûlû, adre me ca he ka wâ e eling: ke ame he tavat adre ûcû melidra ka vheno e:

Isaia 42:15

Oge me he ka oba wan je bucen me je hut, ke omeleca anyidra ta je khölak; ke oge me he ka wia ta je wagewe me me je bomene bi, ke oge me he ka ohmö je an.

Isaia 43:16

Walang hna ha hnö Iehova at ame bi gethen hnyi köiö, kʼ ame bi deny gethen hnyi wanben köiö ae gan;

Isaia 50:2

Ieû can a e ba at hnyi ûen oge me o hnyin? ke oge me hongot ke ba at âme ieû? Hawa, e okhulit hnyamok me ca khanö nya he ka omelo? ke ba but manik man he ka hûgûnâ? Wâ bi, hnyi hnok hna thawâ oge me omada köiö, me wia je wagewe me me hnyebuba bi: ame bokong ut haledra je wâ anyin ae ba köiö, ke adre mok ut ge beic.

Isaia 62:12

Ke adre me he ka; hwenyi iödra, Hnyei ae kap, A ûco Iehova: ke adre me he ka hwenyi iâm, Hna elâm, Taun adre degec.

Isaia 63:9

E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Mika 7:15

Oge me he ka omanenâ kodra je ûnyi hnân lâiâ helâ me hnyi je bong u je he hnyin ûhem hnyi hnyei Aigupito.

Zakaria 10:11

Ke e ame he ka vheno köien ûöveci, me kot je waköiöiny köiö, ke ame he je dok ae dit hnyi Nail ka mada: ke adre me he ka ohnyikânâ bi gan anyin Asuria, ke ame he ka hia hnyi Aigupito uciny musi.