Isaia 51:1 - Iaai Bible 1901 (New Caledonia)

¹ LING nya ju öbun tavat öbun e hnu hoton wisa, tavat öbun e elom Iehova: wâ ju kic adre subʼ öbun ûnyi hnyin, me hwanumen thop adre hiny öbun hnyin.

Isaia 51:1 ပူးပေါင်းရင်းမြစ်များ

II. Man Ûlabainy Je Than. 15:2

me e ame he ka ûkhanö me Asa, me ha kâu, ka habe, Asa lö, long ju öbun könya, Juda me Beniamina hia: e bala bi Iehova unyibun hnyi ûen öbun e tha öbun më; ke öbun e ne elâm me öbun e he ka wâ e; ke öbun e ne degec, me e ame he ka digic öbun minya.

II. Man Ûlabainy Je Than. 15:4

ke so bi hnyi ûen ödrin e hmetu kö Iehova, Khongu Isaraela hnyi anyidrin vec, me elâm e, awe ödrin e wâ e.

Salamo 24:6

Wale thibi döiny tavat adre me elâm hoton e, Tavat adre me elöm u, Khongu Jekob. [Sela.

Salamo 94:15

Anyin ame he ka hmetu thö hna owisa ka hwakecin ae wisa Kʼ ame he tavat adre me hnyok wisa hia ka hnu hoton e.

Ta je Vejec 15:9

Hmiö Iehova gethen deny at ae kong: Ke e ame betenge ge tavat adre me vheno wisa.

Ta je Vejec 21:21

Haba at ame hnu hoton wisa me ibetengiö Me ame wâ möt, me wisa, me ogânâ.

Isaia 45:19

Oge me ca ba ikhâlâ hnyi dok a menekholominy hnyei; oge me ca ha ka je mâtrâni Jekob, ka habe, Elâm baûö nya thö: inya Iehova at ame ha wisa, oge me haimemenâ ta je ûnyi ae ûcû.

Isaia 48:1

LAP anyi Jekob lö, long ju ang, öbun tavat adre hwenyi iödra hoton iö Isaraela, a tavat adre me o but ûnyi hnyi je köien Juda; a tavat adre me khemanyin hnyi iö Iehova, me ha ge Khongon Isaraela, ke ca hnathu bi me wisa.

Isaia 48:12

Ling nya ju Jekob me Isaraela waleji oge ûca: inya thibi; inya ang at a bân, ke inya minya ang at a biliny.

Isaia 51:4

Lakeik lö, ling nya ju; ik hnyei lö,, tevehlöng ju könya: anyin ame he ka he but ûheny unyik hnanyibu, ke oge me he; ka ip hnok hna owisa hnân melaminy ta je hnyei.

Isaia 51:7

Ling nya ju öbun tavat ae khanʼ öbun wisa, tavat ae hu anyik hnanyibu eû hnyi hnyekudra; ca he ju öbun ka outen hna haikongu öbun ge at, ke ca gāubun ge hnödra hna hlumʼ öbun.

Isaia 55:6

Elom Iehova thʼ öbun, e me tiga ûen he ka wâ e, hawâ thö e, e me tiga hakekeny:

Isaia 65:10

Ke ame he Sarona ka hnân hnyeuleiny ta je mamoe, ke haba, hwatapkoluiny Akora me hnân mokut hnen je hna hat meno, hobi kâu lakeik waleji tavat adre me elom nya.

Amosa 5:6

Elom Iehova thʼ öbun mʼ öbun e he ka mot; wâ e nye gâ but helâ me meic ka lap anyi Josefa, me an e, ke ba at hnyi Beth-ela he ka ume:

Zefania 2:3

Elöm Iehova thʼ öbun hia tavat ae ilemuk hnyi hnyei, tavat adre ânyâ hnen hna owisa; elâm dö hwakecin ae wisa, elâm dö menyik: adre me ne he ka ikhölʼ öbun hnyi bonginy hmonyin anyi Iehova.

Mataio 5:6

Hnahic hnen tavat adre me bean ke beijem hwakecin ae wisa; anyin adre me he ka osekuni ödra.

Mataio 6:33

Ke böbun he ka elâm dokhon dökhu, me hwakecin ae wisa; ke adre me he minya ka ham köbun ta je ûnyi e.

Roma 10:3

Anyin ae ca khanʼ ödra hwakecin ae wisa anyin Khong, ke adre me elâm he ka otethmâ hwakecidra bi ae wisa, me adre me ca long bi hoton hwakecin ae wisa anyin Khong.

Roma 14:19

Anyin a wale, e so ate me he ka hnu hoton ta je ûnyi hnân ûsoköu, me ta je ûnyi hnân ûökahwaköuâ.

Filipi 3:13

Hnyat me lakeiny lö, oge me ca ûnykûme bi a oge hia but kât: ke khaca thibi ûnyi oge me ânyâ, wale oge me hnying ta je ûnyi waleji eû hnyi hotuk, me hnyimakök hwege ka hnyi ta je ûnyi hnyi hnyimakök,

I. Timoteo 6:11

Ke haba u, aten Khong lö, kec dö ge ta je ûnyi e; me hnu hoton hwakecin ae wisa, me hwakecin ae ûcû me Khong, me labageju, me ibetengiö, me hok hnyok, me hwakecin ae menyik.

II. Timoteo 2:22

Kec dö ge ta je weny wahidröu, ke hnu hoton hwakecin ae wisa, me labageju, me ibetengiö, me ûsoköu, tha e mʼ ödra hia adre me hawâ ien Than, ûnyi hnyi hnyok ae kalaöt.

Heberu 12:14

Hnu hoton dʼ öbun ûsoköu unyin tavat hia, me hwakecin ae kap, e ba at ame he ka wâ Than e ka hia e: