Isaia 50:8 - Iaai Bible 1901 (New Caledonia)

⁸ E hakekeny jut at ame haiwisö nya; ie at ame he ka ivino mönya? otu me he ka tha todrö: ie at ama tot könya? e so e ame he jem könya.

Isaia 50:8 ပူးပေါင်းရင်းမြစ်များ

Jobu 13:19

Ie at ame he ka ivinö mönya? Anyin a oge ne laba hnyibû, me oge me he bi ka mok.

Salamo 119:151

Iehova lö, u hakekeny thibi; Ke hnathu hia ânyâm ta je hnanyibu.

Esodo 22:9

Haba hnyi je hna hanyâûâ hia, ame ne kau, ame ne asina, ame ne mamoe, ame ne ûkhaû, ame ne ke unyi bi ae hia, ke haingen ke at, ka habe, ka anyin, me adre me he ka hom hnödra hna ivinö ka hnyat owisa; ke haba at hnen hnyat owisa hna aat, me hamen he ka ibi olo bi hwaban ka ke at bi.

Isaia 1:18

Haingö Iehova, ka habe, Ai öbun walang ang, ate me he ka tha ûsabö: eja ke ne a ne helâ me dra vec anyibun ta je hulo, me ame he ka hau bi helâ me kiona; ke ame ne dra helâ me dila, me ame he ka helâ me leûnen mamoe.

Isaia 41:1

TA je bomene lö, laba hnyibû ju hnyi hnyimakök; ke ame he ta je hnyei ka ohâtâ tang hwegeiödra: he but jem ödra, mʼ adre me fuc dö: ate me he ka ûkhacaköu me ûhnei.

Isaia 41:21

Ho jem hnobun hna ivino, ame ha Iehova; omanenâ thö hobun ta je hofuc ae hwege, ame ha Tuhö Jekob.

Isaia 43:26

Oûnykûmi nya thö; ate me he ka tha ûhneiköu: ha thö hnâm hna ivino, mʼ adre me he ka haiwisai u.

Isaia 45:25

Adre me he ka haiwisa ta je mâtrâni Isaraela hia thithö unyi Iehova, ke adre me he ka hobâ.

Isaia 54:17

E ba ûnyi adre ânyâ hnân vat möu ame he ka ton; ke haba ta je bohmen hia thithö tavat adre me he ka tot ka ivino möu hnyi hna owisa, u me he ka haikongoâ. Wale jekhon je athnyabai Iehova, me hwakecidra ae wisa ûnyi gak, haingö Iehova.

Mataio 5:25

Logotö ûsoköu me iwahnaihmiony möu, u ka tiga tha u me hnyi gethen, wâ e nye hnö u but iwahnaihmiony möu ka at owisa, ke at owisa ame hnö u but ka at tue, me e ame khûö u thö ka hnyi uma ce at.

Deuteronomi 19:17

me hamödru a li at ivinö he ka tha tot hnyi hnyimakö Iehova, hnyi hnyimakan hnyat bihut, me hnyat owisa hnyi ûen eling;

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

Hna Omanenâ 12:10

Ke oge me löng hofuc ae gan hmâ hnyi drany ame ha, ka habe, A o but walang ang möt, me man, me dokhu dokhon Khonguta, me musi minya anyin Keriso a anyin: anyin adre hia but obâ at ame haikongoâ je liamekeiny mʼ öta, wale at ame haikongu ödra hnyi hnyimakan Khonguta hnyi lany me lit.