Isaia 50:7 - Iaai Bible 1901 (New Caledonia)

⁷ Ke ame he Than Iehova ka hadruo nya; anyin a wale ame ca kong hnyekuk: anyin a wale oge me ânyâ hnyimakök helâ me oût, ke e khanö nya but a oge me ca he ka hmehma.

Isaia 50:7 ပူးပေါင်းရင်းမြစ်များ

Salamo 110:1

HAINGÖ Iehova ka tuhok, ka habe, Laba ju hnyi ke keihök a metök, Ke ne o but oge me he ka wia ta je iwahnaihmiöny möu me hnân taben li cam.

Salamo 54:6

Oge me he ka hudo köu hut ae betenge: Iehova lö, oge me he ka oleâ iâm, anyin ae so.

Isaia 29:22

Anyin a wale, walang hna ha hnö Iehova at ame omeli Aberahama, haingen ge lap anyi Jekob, ka habe, Ame ca he Jekob ka hmehma walang ang, kʼ ame ca he ka löhau hnyimakan.

Isaia 42:1

WÂ bi ang athnyabaik, at o ge me cö; ûcanök, ame senyin kâu hnyekuk: oge hia but ip hanuk hon e; e ame he ka oâ hna owisa ka je Ethen.

Isaia 45:17

Ke adre me he ka omeli Isaraela unyi Iehova hnyi möt ame ca ba balua: öbun e ca he ka hmehma me hlohlo nyiele balua.

Isaia 49:23

Ke ame he je than ka hat ödra hobi köu, ke je momo than ka ûhalin: adre me he ka nom hnyikânâi köu, me drem sesâiny li cam; ke ame he ka khanö u a inya Iehova, kʼ adre me ca he bi ka hmehma, a tavat adre me halubahing nya.

Isaia 49:8

Walang hna ha hnö Iehova, ka habe, Oge me thu köu hnyi ûen ae ûcû, ke oge me hadruo u hnyi bonginy möt: ke oge me he bi nya ka tuö u, me hnö u hnân ûhihinyköu me tavat, he ka ogöranyâ hnyei, me olabʼ ödra hnyi hnyei ae ba aten:

Isaia 50:9

Wâ bi, ame he Than Iehova ka hadruo nya; ie at ame he ka haikongu nya wâ bi adre me he hia thithö ka amam helâ me ûkhaû; ame he walelaba ka ön ödra.

Isaia 54:4

Ca ot bi; anyin a u me ca he ka hmehma: ke ca hlohlo bi; anyin adre me ca he ka ohmehmai u: anyin a u me he ka hnying hmehma waleji u ka tiga ûhnyûkong, ke u me ca he bi ka ûnykûme hna ohmehmai u waleji u tiga safac.

Jeremia 1:18

Anyin a wâ bi, oge hia but wiö u hnyi bong ang me hnân taun adre up haginy, me hmolom fao, me hak bras, ûcon tavat hia, ûcon je than Juda, me je taben e, me anyin tavat bihut, me tavat aten hnyei.

Mika 1:2

Öbun ta je hnyei hia lö, long ju; hmeledrany lo, ke ta je ûnyi hia hnyin e, tevehlöng ju: ke so ame he Than Iehova ka ohnathoâ ûcûbun, wale Than hnyi umen uma ae kap.

Luka 9:51

Ke ame hwân ka o but ûen adre me he ka kap e goranyai, me e ame hwege thö he ka he Jerusalema ai,

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Roma 1:16

Anyin a inya oge me ca hmehma ge ûthumetu ae so: anyin a wale man maniny Khong hnân omelö tavat hia thithö adre me labageju; ka at Juda a bân, me ka at Heleni minya ju.

Heberu 13:6

Anyin a wale e khanʼ öta he ka ha hwegiâ, ka habe, Haba Than, me wale thibi e at ame hadruo nya, oge me ca he ka ot, Ieû ke ûnyi ae khana at he ka ânyâ könya?

I. Peteru 4:1

ANYIN a wale haba Keriso ame hom vec hnyi unyin, e so öbun e tet metâ me hnyok helâe; anyin a hia but mok degec hulo hnen at ame hom vec hnyi unyin;

I. Peteru 4:16

ke a ne vec ke at anyin a e Kerisiano ca he ka hmehma; ke so e he ka ogânâ Khong hnyi ien e.