Isaia 50:4 - Iaai Bible 1901 (New Caledonia)

⁴ Haba Than Iehova ame hia but ham könya bohmen at ûne, me me khanö nya he ka sihwegiâ at ae sēnyin ge hofuc: e ame ûöhmak hnyi je hnyomakatu, e ame ohmâkâ hnyikönyök he ka löng helâ me tavat ûne.

Isaia 50:4 ပူးပေါင်းရင်းမြစ်များ

Jobu 4:4

U je hia but kât tavat adre me he but ka ta hnen hwâm ta je hofuc, Ke u je hia but sihwegiâ je boucan ae mat.

Salamo 119:147

Oge me khaletâ haolany, me tenge; Oge me gejon hwâm hofuc.

Salamo 143:8

Hnö nya he ka long ânyâm ibetengiö hnyi hnyomakatu; Anyin a inya oge me labageju köu: Okhanö nya thö gethen deny hanymök; Anyin oge me ogöranyâ hanuk köu.

Salamo 40:7

Ke haingök, Wâ ju, inya ang: Adre me sihnalimen gak hnyi tusi adre vhec:

Salamo 45:2

E nua hmonyin soâm hon lakon tavat; Adre hia but hingâlâ ibetengiö ka hnyi hnyimâm: Anyin a wale a hia but Khong ohnahici u nyiele balua.

Salamo 5:3

Iehova lö, hnyi hnyomakatu u ma he ka long hok; Hnyi hnyomakatu oge me he ka ha gaga hijik hic köu me hmâkâ.

Salamo 88:13

Iehova lö, oge hia but tenge köu, Ke ame he ka ölö ka hnyi hnyimâkâm hnyi je hnyomakatu hijic hic.

Ta je Vejec 12:25

Haba hloûhloû eû hnyi hnyekon at, me ame okhudrungo at: Ke ame osenyinâ e hofuc ae so.

Ta je Vejec 15:23

Ame senyin at ge hna thu hnen hnyi men: Shaiba ge soiny hofuc adre me ha hnyi ûen ae ûcû!

Ta je Vejec 25:11

Je ohköiö gol hnyi je tang sileva Hofuc adre me ha hnyi ûen ae ûcû.

Isaia 28:19

Hnyi je ûen e ame he ka o, me ame he ka hum öbun; anyin a e ame he ka o hnyi je hnyomakatu, me lany me lit: ke e thibi ot he ka wâhmakhmeto ûthumetu.

Isaia 28:9

E ame he ka nö ia ge metâi ke ame he ka owâhmakhmeto ia ge uthumetu? tavat adre hnebaio, me hom ûnyi hnyi li basin?

Isaia 35:5

Me ame he ka obwela je emakan tavat a ödra wadröu, me khong je hnyikonyen tavat ae wejiji.

Isaia 40:29

E ame ha hwegien at ae sēnyen, me ham gânâ hwege ka at ae ba maniny.

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Isaia 54:13

Ke ame he Iehova ka nâ lakom hia; ke ame he ka gan hnahic anyin lakom.

Isaia 8:16

Hûkâlâ ju ûnyi hnân ohnatho, ke okeceâ hmâ ju hnanyibu unyin je latök.

Jeremia 1:9

Me haba Iehova ame inâ hnyamen me kâlâ hnyimök; ke Iehova ame ha könya, ka habe, Wâ bi, oge hia but ip hok ta je hofuc hnyi hnyimâm:

Jeremia 31:25

Anyin oge hia but osekunâ tavat hia ae sënyin, me öunöngötâ tavat hia ae hloûhloû.

Ezekiela 46:13

Ke u me he ka penapena hnyi ke bong me ke bong khaca nokon mamoe a khaca hunainy ae ba hnyikongon hnân hudiny leû kö Iehova: u me he ka penapena e hnyi je hnyomakatu.

Mataio 11:28

Ai öbun könya tavat hia thithö öbun e huliwa, me öbun tavat hije ûnyi ae hmak, me oge me he bi nya ka omenʼ öbun.

Mataio 13:54

Me e ame o but ka hnyi iny hnyei, me e ame nʼ ödra hnyin umödra sunago, me adre me lâiâ, me ha, ka habe, Ûnyi ua metâ eang me ta je huliwa ae man unyin at ang?

Mataio 22:46

Ke ba at ae khana he ka thu kâu ge ke hofuc, ke ba at ae hwege hnyekon he ka hnö hmetu e, hwân hnyi bong eling.

Luka 21:15

anyin oge me he ka ham köbun hnyem me metâ, me me ca khana iwahnaihmiony möbun he ka ûkhin fuc möbun me ton.

Luka 4:22

Me: haba ödra hia adre me haisoâ e, kʼ adre me lâiâ ta je ifucin ae so ame khulu but ûnyi hnyi hnyimen: haingödra, ka habe, Hawa, ca nöku Josefa at ang?

Ioane 7:46

Haingen je taben tavat tue, ka habe, E ba at ame fuc helâe.

Deuteronomi 18:17

Ke haba Iehova ame ha könya, ka habe, E so hnödrin hna ha.

Deuteronomi 18:18

Me oge me he ka oâ hobi ködra ke perofeta ûnyi ge je liamekeiny mödra; me oge me he ka ip hok je hofuc hnyi hnyimen, me e ame he ka ha ködra ta je ûnyi hia oge me he ka ha kâu.