Isaia 50:11 - Iaai Bible 1901 (New Caledonia)

¹¹ Wâ bi, öbun hia thithö tavat öbun e hu meic, öbun e igigili öbun bi ge je okûnû: vheno thö melaminy hlögubun meic me je okûnû öbun e vâc. Öbun e he ka hu ûnyi gak; wale öbun e he ka mokut hnyi hlöuhlöu.

Isaia 50:11 ပူးပေါင်းရင်းမြစ်များ

Salamo 16:4

Ame he ka se hia vec ka tavat adre me hwio ka ke khong: Oge me ca he ka hudo anyidrin je hudiny dra hnân ic, Ke hom ta je iödrin ge li esongodik.

Salamo 32:10

E se hia ta je vec unyin at ae kong: Ke haba at ame labageju kö Iehova, me ame he tang betenge ka igigilöâ.

Ta je Vejec 26:18

Helâ me at ae wiâkû ame khûâ ta je okûnû, Me je fana, me mok,

Isaia 55:2

Ieû gabun öbun e ham mone hwaban ûnyi a ca jeû? ke anyibun huliwa hwaban ûnyi ame ca osekunâ? long wia ju könya, ke an ju ûnyi ae so, ke ame he je hnyekubun ka senyinâ ûnyi ae pipikhenya.

Isaia 8:22

ke adre me he! ka wâ hmeledrany, ke wâ bi, vec me menekholom, kʼ ame he ka lit ge vec; ke adre me he ka obʼ ödra ka hnyi menekholom ae khot.

Isaia 9:18

Anyin a haba hwakecin ae kong ame han helâ me meic; ke ame an je iwadekong me watetaföcö: eke, e ame möt hnyi je nedronginy hnyot, ke adre me sâ khekhenyi goranyai hainy e.

Jeremia 17:4

Ke haba u, u me ka he ka hamâm bi degec em hnyei waleji oge? ham köu; ke oge me he ka kunö u he ka bi athnyaba ka je iwahnaihmiony möu, hnyi hnyei ae ca khanö u: anyin a öbun e hia but hû meic eû hnyi hnyekuk, ke ame he bala bi ka möt.

Ezekiela 20:39

Ke haba öbun, lap anyi Isaraela lö, walang hna ha hnen Than Iehova, ka habe, Ve he thʼ öbun ka bi hluiny anyibun je idola, ke hwaban e öbun e ne ca ling nya; ke so bi, öbun e ca he hmetu bi ka okongoâ iök ae kap ge anyibun ta je bwihlany me anyibun je idola.

Amosa 4:10

Oge hia but kunâ köbun mok ae cap helâ me hnyi Aigupito: oge hia but hlingâ wahidröu gabun ge hele vat, me hûgûnâ halebun je hors: ke oge hia but oâ bokonginy hnobun hna hunuma ka hnyi je hnyingöibun: ke öbun e ca hmetu könya haingo Iehova.

Amosa 4:9

Oge hia but kuc öbun ge meleca me löhau: ke haba wahamon ame an hnyiganiny ibun ta hnyei, me ibun je hnyei vine, me halebun je meta, me halebun je elaio: ke so bi öbun e ca hmetu könya haingo Iehova.

Jona 2:8

Haba tavat adre me hnyok ka ta je ûnyi ae ûnyi baû me thoi, Me adre me degec hing betenge kodra bi.

Habakuka 2:13

Wâ bi, hawa, ca ûnyi ga Iehova tuhan sabaoth a ame he tavat ka huliwa hobi kâu meic, me ame he je hnyei ka osēnyini ödra hnyi ûnyi ae ûnyi baû?

Mataio 22:13

Ke haba than ame ha ka lathnyaba, ka habe, Ca ju li can ke li hnyamen, me khûâ but ka hnyi menekholom hnyou, dok adre me tenge hnyin me ûgiö ganyon.

Mataio 8:12

ke haba lakon dökhu, me adre me he ka obʼ ödra ka hnyi menekholom hnyou ai: kʼ adre me he ka tenge sesebila eling me ûgiö ga nyudra.

Ioane 8:24

Anyin a wale, oge me ha köbun, ka habe, Öbun e he ka mekiny anyibun ta je hulö: anyin a öbun e ne ca labageju, ka habe, Inya e, me öbun e be ka mekiny anyibun ta je hulö.

Ioane 9:39

Haingö Iesu, ka habe, Oge o but eang hmeledrany he ka owisa, me me bwela but tavat adre me ca hnyi bwela; me me ca bwela bi tavat adre me bwela.

Roma 10:3

Anyin ae ca khanʼ ödra hwakecin ae wisa anyin Khong, ke adre me elâm he ka otethmâ hwakecidra bi ae wisa, me adre me ca long bi hoton hwakecin ae wisa anyin Khong.

Iakobo 3:6

Meic bohmen: haba bohmen me at ae nua ka ânyâ hulo unyin je outhunyita, kʼ ame okongoâ unyin hia, me thong hia möt ang, ke haba meiciny gena, me ame thong bi e.

Hna Omanenâ 19:20

Me adre me kât meno ae hiny; me perofeta thoi minya waleji at ame ânyâ ta je haten hnyi hnyimakan, hnân omono tavat adre me kap haten meno, mʼ ödra minya adre me khudrung ka at ae we e: ke adre me khûʼ ödru meli ödru ka hnyi nem a meic ame hiâ ge teio:

Hna Omanenâ 20:15

Ke e ka manen dut khaca waleji adre ca sihnalimen hnyi tusiny möt me adre me khûâ but e ka hnyi nem a meic.