Isaia 50:10 - Iaai Bible 1901 (New Caledonia)

¹⁰ Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Isaia 50:10 ပူးပေါင်းရင်းမြစ်များ

II. Samuela 22:29

Anyin a u, Iehova lö, anyik lamepa: Ke ame he Iehova ka omelamâ anyik menekholom.

I. Man Ûlabainy Je Than. 5:20

Ke adre hadruʼ ödrin he ka vat mödrin, ke adre hna ködrin at Hagara, me je lahiödrin hia: anyin a ödrin e hongot kö Iehova hnyi vat, me e ame ling ödrin; anyin a ödrin e labageju kâu.

II. Man Ûlabainy Je Than. 20:12

Khonguhmun lö, u me ca he ka owisa ködrin? anyin ae ba manihmun he ka tot ka tavat ae se hia hmonyin adre me o kohmun; ke ca khanʼ ohmun ke ûnyi he ka anyâ: me ohmun e wâ hmö u.

II. Man Ûlabainy Je Than. 20:20

Ke ödrin e vesâ hnyi hnyomakatu me he ka hnyi hnyebuba hnyi Tekoa: ke ödrin e tiga he, me haba Jehosafata ame tot me ha, ka habe, Juda lö me aten Jerusalema, löng ju könya: labageju kö Iehova Khongubun, mʼ öbun e he ka tethmâ; labageju ka anyin je perofeta me öbun e he ka hnahic.

Jobu 13:15

Eja ke ne a ne hlingö nya, oge me he ka halubahingen: Ke so bi oge me he ka haisoâ dek je gethen hnyi hnyimakan.

Jobu 29:3

Kʼ ame umumelam anyin lamepa hon bok, Ke oge me vheno menekholom hnyi anyin lany;

Salamo 111:10

Haba hwân metâ wale he ka ot kö Iehova; Ke adre me wâhmakhmeto wia hnen tavat hia adre me ânyâ hoton e: Ame tethmâ hna ogânâ e nyiele balua.

Salamo 128:1

HNAHIC hnen at ame outö Iehova, A at ame vheno deny ta je gethen

Salamo 145:21

Ame he hnyimök ka ha hnân oganö Iehova; Ke so ame he tavat hia ka haisoâ ien ae kap nyiele nyiele balua.

Salamo 23:4

Eke, oge ne vheno hnyigöulen bucen a hmenon mok, Me oge me ca he ka outen ûnyi ae kong; anyin a tha u mönya: Kʼ ame okahwö nya ânyâm utömhu me cem uci.

Salamo 25:12

Ie at ame outö Iehova? Me e ame he ka nâ e ge gethen e ame he ka ûca.

Salamo 25:14

Haba ûbnenamö duöng ûnyi ga Iehova me wale unyin tavat adre me outen e; Ke e ame he ka omanenâ kodra anyin ûhihinyköu.

Salamo 28:7

Iehova tang hwegiök me becik; Haba hnyekuk ame labageju kâu, kʼ ame hadruo nya: Anyin a wale ame ti senyin hnyekuk; Ke oge me he ka ogânâ e ge anyik: khumöng.

Salamo 42:11

Hanuk lö, ieû gam u me ilitmak? Ke ieû u me hmak gan eû hnyi hnyekuk? Lubahingen ju Khong: anyin oge me he ka oleâ kâu bi, Wale melen linyimakök, me Khonguk.

Salamo 62:8

Tavat lö, labageju thö kâu hnyi je bong; Hingâlâ but je hnyekubun hnyi hnyimakan: Khong thibi hnöta hnabâ. [Sela.

At Khet 12:13

Walang obiny ûnyi e; adre hia but long hia: outen ju Khong ke vheno anyin ta je hnanyibu; anyin a wale hanymen ae bekhot ge tavat hia.

Isaia 10:20

Hnyi bong eling ame ca he hmetu bi ka he je kolon hnyi Isaraela, me tavat adre kec möt hnyi lap anyi Jekob ka labageju ka at a kuc ödra: ke adre me he ka labageju, hnyi hnathu kö Iehova, wale Kabi Isaraela.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 26:9

Ame weny u ge hnyekuk hnyi hnyinghet; eke, oge me he ka elelöm u ge hanuk eû hnyi hnyekuk; ke wale but ang hnyi hmeledrany hnâm je hna owisa, waleling me me he tavat adre me laba hnyi hmeledrany ka nâ hwakecin ae wisa.

Isaia 42:1

WÂ bi ang athnyabaik, at o ge me cö; ûcanök, ame senyin kâu hnyekuk: oge hia but ip hanuk hon e; e ame he ka oâ hna owisa ka je Ethen.

Isaia 50:4

Haba Than Iehova ame hia but ham könya bohmen at ûne, me me khanö nya he ka sihwegiâ at ae sēnyin ge hofuc: e ame ûöhmak hnyi je hnyomakatu, e ame ohmâkâ hnyikönyök he ka löng helâ me tavat ûne.

Isaia 53:11

E ame he ka wâ ivecin hanon me sekunâ: kʼ ame he athnyabaik ae wisa ka owisa tavat ae se hia ge hnen hna wâhmakhmeto: ke e ame he ka vadren anyidra ta je hulo.

Isaia 59:9

Anyin a wale e ûsâkâûö möhmun hna owisa, kʼ ame ca khöû öhmun wisa: öhmun e halubahingen lany, ke wâ bi, wale lit; öhmun e halubahingen umumelam, ke wâ bi, wale menekolom.

Isaia 8:17

Ke oge me he ka halubahing Iehova, at ame ikhâlâ hnyimakan ge lap anyi Jekob, ke oge me he ka elâm e.

Isaia 9:2

Haba tavat waleji adre me vheno menekholom, me adre me wâ melam ae gan: ke haba tavat adre me labā je hnyei a hanon mok, me ame umumelam hudra lany.

Je tenge anyi Jeremi 3:2

E ame hia but su nya me hum nya ka he hnyi menekholom, ke ca bi hnyi lany.

Daniela 3:28

Ke haba Nebukaneza ame ha, ka habe E so adre haisoâ Khongu Saderaka, me Mesaka, me Abedenego, at ame kunâ anyin angela, me omelo je athnyabainy hnyat adre me labageju kâu, ke ödrin e wia hofuc hwan than, me hna je unyidrin, mʼ ödrin e ca he ka bi athnyaba me khudrung ka ke khong bi.

Nahuma 1:7

E so Iehova, e hnabâ hnyi bong vec; ke e ame wâhmakhmeto tavat adre me labageju kâu.

Zefania 3:12

Ke oge me he ka ip hnyi wanbâm ta je hna ovecâ me theduoc, ke adre me he ka labageju ka iö Iehova.

Hagai 1:12

Me haba Zerubabela nöku Sealetiela, me Josua nöku Jozadaka, at bihut ae beö-nua, me je kolon hia hnyi hnyei, me adre me long hoton hofuc ho Iehova Khongudrin, me hofuc ho Hagai perofeta, hoton hna kunâ ga Iehova Khongudrin; ke ame ootö Iehova hnen tavat.

Malaki 3:16

Me ame ûhnenamököuâ tavat adre me outö Iehova: ke Iehova ame tevehlöng me long, me adre me sihnalimen tusi hnân oûnykûmeâ hnyi hnyimakan, hobi kâu tavat adre me outö Iehova, me ûnykûme ien.

Ioane 12:46

Inya oge me o mʼ inya melaminy hmeledrany, me me ca laba hnyi lit at ame labageju könya.

Ioane 8:12

Iesu ame ha hmetu ködra, ka habe, Inya ang melaminy hmeledrany: haba at ame he ka he hotuk, e ame ca he ka he hnyi menekholom, kʼ ame he bi ka hu melaminy möt.

Efeso 5:8

anyin a öbun menekholom ehac, ke walang ang öbun e melam but hnyi Than: vheno bala ju helâ me ta je lakon melam,

Heberu 5:9

ke adre me obekhötâ e, me adre me wia e hnân hwecin möt ame ca ba balua kodra hia adre me long kâu;

I. Peteru 5:7

hna but kâu anyibun ta je hmak hia thithö, anyin a e ame ûnykûmi öbun.

I. Samuela 30:6

Ke gan hmâ hlöuhlöu anyi Davita; anyin ame ûhnenamö tavat he ka lûâ e, anyin ae vec hnyekon tavat hia thithö can je lakudrin obaga me wahlu: ke Davita ame siwhegiâ e bi ga Iehova Khongon.