Isaia 50:1 - Iaai Bible 1901 (New Caledonia)

¹ WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Isaia 50:1 ပူးပေါင်းရင်းမြစ်များ

I. Je Than 21:25

(Ke ba at helâ me Ahaba, wale ame ka ûco e he ka ânyâ hulö hnyi hnyimakö Iehova, kʼ ame âjöngö e âiân jia Jezebela.

II. Je Than 17:17

Ke ödrin e kunâ lakudrin je baga me hlu he ka he hnyi wanben meic, me bi khong, me biobotkong, me ûcû ödrin bi he ka ânyâ hulö hnyi hnyimakö Iehova, he ka ohmö-nyinâ e.

II. Je Than 4:1

KE ame tenge kö Elisaia ke momo âiân ke nokon je perofeta, me ha, ka habe, A mokcu öiök athnyabaem: ke u me wâ e at ame outö Iehova, athnyabaem: ke ame o but at waleji e ame hom gufa gan, he ka hom lakuk li baga he ka bi athnyaba.

Nehemia 5:5

Ke walang ang haba je unyihmun e ûcû me unyin je liamekeiny möhmun, me je lakuhmun e ûcû me je lakudrin: ke wâ bi öhmun e ham lakuhmun obaga me wahlu hnân lathnyaba, ke adre hia but hom keihen lakuhmun je hlu hnân bi athnyaba: ke ba manihmun he ka thawâ; anyin ae unyin keihen bi ihmun je utkânâ, me ihmun je hnyei vine.

Esetera 7:4

ânyin a adre hia but ûcû ohmun, inya me ik hnyei, he ka ohia, me hlingâ, me oba. Ke adre ne hia but ûcû ohmun hnân lathnyaba obaga me omomo, me oge me ne he ka laba hnyibû, ke so bi, ae ca ûcû iwahnaihmiony, me je omjeû anyin than ame he ka hia.

Salamo 44:12

U je ûco lâtâm ke ba troban, Me u je ca bi hanen ka omjehem ge hwabödra.

Esodo 21:7

Ke ame he ke at ka ûco nokon hlu me me athnyaba momo, me ame ca he ka didrut hmetu helâ me ûheny je athnyaba baga.

Isaia 1:28

Ke ame he ka tha hnaûhango tavat hanyâûâ me tavat ae kong, kʼ ame he ka hia but tavat adre me hna degeci Iehova.

Isaia 27:8

Hnyi tulut, hnyi ûen u je obâ e, u je oû e; e ame hia but hom e ge ang ae hwege hnyi bonginy ang hwei.

Isaia 43:27

Ame ânyâ hulo hnen kâmâm a bân, ke ame ûkhin fuc mönya ânyâm je ûthumetu.

Isaia 46:8

Ûnykûme thö e öbun, ke hnyok baga thö: tavat hanyâûâ lö, ûnykûme hmetu e.

Isaia 52:3

Anyin a walang hna ha hnö Iehova, ka habe, adre ûcû öbun ke ûnyi baû bi; ke adre me he ka ûcû öbun hmetu ke ca bi hwaban bi ge mone.

Isaia 54:6

Anyin a hia but Iehova hawo u helâ me momo adre me degec ke hlöuhlöu hnyok, ke helâ me momo adre hom ke hlu, kʼ adre obâ degecâ, haingen Khongom.

Isaia 54:7

Ke oge hia but hna degeci u hnyi ong ûen ae ûhnyûkong; ke oge me he ka köp u hmetu hnyi tang betenge ae gan.

Isaia 58:1

HONGOT hwege ju, hai goranyai ifucâm helâ me trutru, ke haimemenâ thö ka lakeik hnödra hna hanyâûâ, ke haimemenâ thö ka lap anyi Jekob anyidra ta je hulo.

Isaia 64:6

Öhmun hia thithö öhmun e helâ me ûnyi ae bo kong, ke helâ me je ûkhaû ae ikiki anyihmun wisa hia thithö: öhmun hia öhmun e meleca helâ me lany hnyot; kʼ ame ohiʼ öhmun hnen hwakecihmun ae monu helâke ame oû ang dö.

Jeremia 3:1

HAINGODRA, ka habe, A ne ke at ame degec âiân, ke ame he gan me ame âiân ke baga bi, hawa, e ame be ka hmetu ka momo? Ame ca he ka ti kong hnyei eling? Ke u je hia but bi ûnyi monu me tavat ae se hia; ke so bi, hmetu ju könya, haingö Iehova.

Jeremia 3:8

Ke oge me wâ but, anyin a hnyi hna bi ûnyi monu hnö Isaraela, at ame labö kolu, me oge me degec e, me ham kâu tusiny thang hna faipoipo, ke so bi, ame ca ot bi Juda at iyawo a liamekeiny më; ke e ame he minya bi, me bi ûnyi monu.

Jeremia 4:18

Hnen dem je gethen me hnâm hna ânyâ hna ohwâdâ köu ta je ûnyi eling; wale ânyâm hulo: anyin ae hiny e; ame o but ka hnyi hnyekom.

Hosea 4:5

Ke u me he ka haû hnyi selany, ke u me he ka tha haû me perofeta hnyi lit; ke oge me he ka ohia hinyâm.

Levitiko 25:39

Ke ame ne ba ta ûnyi anyin liamekeiny mou unyâm, me ûco e bi köu; me u ma ca he ka kunâ ka bi athnyaba köu helâ me at adre ûco:

Mataio 18:25

Ke can anyin ae ba gan hnân bi hwaban, haba tuhan ame ûkhûnöng he ka ûco e, me âiân, me lakon, me ta je ûnyi ae hu gan, me hnân bi hwaban.

Deuteronomi 32:30

Ama kâmâu at a khaca he ka hnu thauzan, Me okecâ ten thauzan ge li at a lo, Ame ne ca bân anyidra Kic ka ûco degeci ödra, Me hna degeci ödra hnö Iehova?