Isaia 5:7 - Iaai Bible 1901 (New Caledonia)

⁷ Anyin a hnyei vine i Iehova tuhan sabaoth lap anyi Isaraela, ke haba tavat Juda haleny uö ae so: ke e ame elâm hna owisa, ke wâ bi hna ovecâ; kʼ ame elâm hwakecin ae wisa, ke wâ bi hwan tenge bi.

Isaia 5:7 ပူးပေါင်းရင်းမြစ်များ

Genese 4:10

Ke e ame ha, ka habe, Ieû e u je ânyâ? ame tönge könya ifucin dren kem ûnyi hnyi kânâ.

II. Samuela 7:10

Ke oge me he ka ûca dok hobi kâu lakeik a at Isaraela, me otilʼ ödra, mʼadre me he ka laba hnyi idrin bi, kʼ adre me ca he hmetu ka bwebweli ödra; ke haba khaca, ame ca he hmetu tavat ae kong ka oveci ödra helâji me ehac,

Jobu 34:28

Mʼ ödrin e oâ kâu hwa tenge anyin tavat ae theduoc, Ke e ame long tenge anyin tavat adre me ovecâ.

Salamo 147:11

Iehova ame senyin ka tavat adre me outen e, Tavat adre me gejon anyin ibetengiö.

Salamo 149:4

Anyin a Iehova ame senyin ka lakeiny: E ame he ka ohmanenangâ tavat ae hnyikânâ ge ûhomeli.

Salamo 80:15

Ke tuö ju hna ta hnen hnyamâm a metâm, Me anginy u je hat hobi köu bi.

Esodo 3:7

Ke Iehova ame ha, ka habe, Inya oge hia but wâ hna okongoâ lakeik walödra hnyi hnyei Aigupito, me löng anyidra tenge ûnyi ge je tuhan anyidra huliwa; anyin ae khanö nya anyidra vec;

Ta je Vejec 21:13

Haba at ame hlöng hnyikonyen ge ûtengien at ae theduoc, Me ame he bi ka tenge ke adre me ca he ka long kâu.

At Khet 4:1

KE oge me hmetu me wâ je hna seda hia hmelen seûno: ke wâ bi je deköien tavat adre me oveci ödra, ke ba at ame hadruʼ ödra; ke tren hwege tavat adre me oveci ödra, ke ba at ame hadruʼ ödrin bi.

Khumöng Hwanyi Solomona. 7:6

Shaiba ge ânyâm hmanenang me mec Oûnykûmik, hnân senyinâ!

Isaia 1:21

Ekölö, momo hnyi gethen dut taun hnathu! waleji ae unöngöt ge wisa! ame laba ehac hnyi hwakecin ae wisa, ke walang ang bi tavat ûhlingö.

Isaia 1:6

Hwân hnyi hnyeûca ke ne o but hnyi ban, e ba dok ae so hnyin; ke je aat, me je khibi, me je dok ae han: adre ca hia but ometo, me lan, me omenyikâ ge wakaco.

Isaia 27:2

Hnyi bong eling: hnyei vine ae kese, khumöng dö kâu.

Isaia 3:14

Ame he Iehova ka he me owisa ka wahingatiny lakeiny, me latuhödra; ka habe, Öbun e hia but an hia hnyei vine; ke eio hnyi umöbun je uma ta je ûnyi adre hûgûnâ ge tavat ae theduoc:

Isaia 3:15

ke ieû gabun öbun e okongoâ lakeik, me omomono hnyimakan ta je theduoc? haingö Iehova tuhan sabaoth.

Isaia 3:17

anyin a wale ame he Than ka kot wanben je hodra ge oholök, kʼ ame he Iehova ka omanenâ je unyidra.

Isaia 30:12

Anyin a wale, walang hna ha hnen Kabi Isaraela, ka habe, Anyin a öbun e hna degecâ hofuc ang, me geju bi ka ûöveci me hwakecin ae hwali, me labageju kâu;

Isaia 46:12

Ling nya ju, öbun tavat ae hnyok baga, tavat adre me ûsâkâûö me wisa:

Isaia 5:2

ke e ame seû igigilo, me hlo je vetoiny, me tā vine soreka hnyin e, me otilö uma hnân belök wanben e, me si taben hlic vine hnyin minya: me e ame lubahingen he ka wa wan vine, ke ame wa bi wan vineiny hnyot.

Isaia 59:13

wale hnyi hnöhmun hna hanyâûâ me ivino Iehova, me hmetuhmetu ge Khonguhmun, me ha ûöveci me thu musi, me ûnykûme me ha ûnyi hnyi hnyok je hofuc ae thoi.

Isaia 59:14

Ke adre me ohmetu hna owisa, ke ame tot sâkâû hwakecin ae wisa: anyin a kolu but hnathu eû hnyi gethen, ke ca khana hwakecin ae fofâ he ka didrö.

Isaia 59:4

E ba at ame hawâ hnyi hwakecin ae wisa, ke ba at ame ivino hnyi hnathu: adre me labageju ka ûnyi ae ba onyen, me ha thoi; kʼ adre me erkinâ ûokonguny, me hnokoâ but hulo.

Isaia 62:5

Anyin a helâke hidröu ame hom hlu, helâe ame he je lakom ka faipoipo möu: ke ame he Khongom ka senyin köu, helâ me at ame hap faipoipo ame senyinâ âiân.

Jeremia 12:10

Haba tavat tuö mamoe ae se hia, adre hia but ohia ik hnyei vine, adre hia but ututo jekhöûk, me wia jekhöûk ae kese hnân hnyebuba ae ba wan.

Jeremia 24:2

Haba ke tang meta, me, ti so helâ me je wan meta a bân: ke haba ke tang meta, me kong, ke ca hnân han, anyin ae kong.

Jeremia 50:46

Hnyi hwan hna kot Babulona ame öbubuny hme ledrany, ke adre me löng ûtengien hnyi ta je hnyei.

Ezekiela 22:29

Haba tavat aten hnyei adre hia but ûöveci, me hûgûnâ omjeû; eke, adre hia but okongoâ ta je hna ovecâ, me tavat ae theduoc, me sedâ atkanyua hnen ûnyi ae ca wisa bi.

Hosea 10:1

HABA Isaraela, me vine, at ame kû hlau, kʼ ame wa je wan; hoton ûganiny je wan e, e ame osehia je taben hut; hoton ûsoiny iny hnyei, adre op je veto ame tot ae hmanenang.

Mika 6:12

A unöngötö tavat tren omjeû ge ûokonguny, kʼ ame fuc thoi tavat adre me labâ e, kʼ ame iyawo je bohmödra hnyi je hnyimödra.

Mika 6:8

At lö, e ame hia but omanenâ köu ûnyi ae so ke ie ke ûnyi ame we Iehova gam, ke so bi he ka ânyâ wisa, me hnyokâ ibetengiö, me tha he me Khongom ke hnyok ae hnyikânâ?

Habakuka 1:3

Anyin a ieû u je omanenâ kônya hulö, me wâ hwakecin ae hwali? ânyin a e hnyi hnyimakök hna söh me ûokonguny: ke e hu hna ivinö, ke adre me oâ iwatreta.

Zefania 3:17

E bi hnyi wanbâm Iehova Khongom, at ae hwege, kʼ ame he bi ka omelö: e ame he ka senyin köu ke hobâ, e ame he ka laba wia hnyi anyin betenge, e ame he ka senyin gam ge khumöng.

Mataio 23:23

Ekölö gabun hnyat sihnalimen me ta je Faresaio hnyat thoi hnyok! anyin a öbun e ham ke hanen a libenyitainy minet, me aneto, me komina, ke öbun e hia but hna biju ta je ûnyi ae gan hnyi hnanyibu, wale hna owisa, me ibetengiö, me labageju: e ûcû öbun e ânyâ ta je ûnyi e, ke ca hna bi ta je ûnyi eang.

Luka 18:7

Ke hawa, ame ca he Khong ka owisa ka tavat e ame ûca, a tavât adre me hongot kâu hnyi lany me lit, ke e ame hok hnyoki ödra beû hmâ ju?

Ioane 15:2

E ame hom but ta je vheiny gak ame ca wa: ke haba ta je vheiny ae wa, e ame ânyâwia, me me wa gan dut.

Deuteronomi 15:9

Wâ eâu, wâ e nye hu ûnykûme ae kong eû hnyi hnyekom, me ha, ka habe, E hakekeny jut huna a seveniny, a hunainy hna baûâ; me ame kong emakâm ka liamekeiny mou ae theduoc, me ca ham ûnyi bi kâu; ke e ame he ka tenge kö Iehova gam, mʼ u me hulö but.

Iakobo 5:4

Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.