Isaia 5:6 - Iaai Bible 1901 (New Caledonia)

⁶ ke oge me he ka oûnyibauâ e; ke adre me ca he ka ânyâwia me jien; ke ame he ka kû hnyin e je iwadekong me watetaföcö: ke oge me he ka hûna ka je ûlâ me me ca he ka ta we kâu.

Isaia 5:6 ပူးပေါင်းရင်းမြစ်များ

I. Je Than 17:1

KE haba Elia at Tisebi, hanen tavat adre me laba hnyi Gileada, ame ha kö Ahaba, ka habe, Kia inya Iehova, Khongu Isaraela, wale oge me tot hnyi hnyimakan, a ame he ka ba hau, me we hnyi je huna, ke so bi hoton hok hofuc.

I. Je Than 8:35

Adre me ne he ka hlöng drany, me ba we, can adre me ânyâ hulö köu; ke ödrin ka hic köu hnyi dok ang, me haimemenâ iâm, me hwio ûnyi hnyi anyidrin monu, u ka oveci ödrin:

Jobu 31:40

Awe, e so he ka kû iwadekong hwaban hwit, Me je watetaföcö hwaban bali. A um dö je hofuc ho Jobu.

Ta je Vejec 24:31

Ke wâ bi, i watetaföcö but e, Kʼ ame kû takoû e ge vhat, Ke kong ut hak vetoiny.

Isaia 24:12

E ba onyen hnyi taun, ke adre kot homagöule ge hnaûhango.

Isaia 30:23

Me e ame he ka ham we hobi kâu hatungâm ta je hatong, wale u me he ka tā hnyi kânâ; me jeû minya a troban kânâ, kʼ ame he ka pipikhenya me se hia: ke hnyi bong eling ame he halem ta je meno ka han tot hnyi je hnyei ae gan.

Isaia 32:10

Öbun e he ka öbubuny hnyi je bong ae se hia hon khaca huna, öbun je momo ae monu: anyin ame he ka ba wan vine, ame ca he ka o hna menu.

Isaia 49:19

Ke haba je dok unyâm ae ba hnyin wan, ke je dok ae ba hnyin tavat, ke em adre hia but okongoâ, me e hnathu, ame he ka hnek em walang ang ge tavat adre me he ka labā, ke adre me he ka ûsâkâû ödra waleji adre me ohiö a

Isaia 55:13

Ame he ka kû kop hwaban watetaföcö, ke ame he ka kû adasi hwaban iwadekong: ke e ame he ka hnân ien kö Iehova, me hnân haten nyiele balua, ke adre me ca he ka subâ degecâ.

Isaia 7:19

Ke adre me he ka o hia me tabâ je thop ae ba aten, me je esopiny kic, me je ûö oe ûdedö hia, me je hnaonying hia.

Jeremia 14:1

WALANG hofuc ho Iehova kö Jeremia ge ibainy we, ka habe,

Jeremia 14:22

Hawa, e hu at unyin ta je ûnyi baû anyin ta je wanaithila ae khana he ka bi we? hawa, e khana drany he ka ham we? hawa, ca u bi Iehova Khonguhmun? anyin a wale ohmun e he ka halubahingâm; anyin a u je op ta je ûnyi hia eling.

Jeremia 25:11

Ke ame he ka ba wan hnyei ang hia, me hnân lâiâ, ke ame he ta je hnyei eling ka bi athnyabainy than Babulona hnyi sevente ta je huna.

Jeremia 45:4

U me he ka ha helâng kâu, ka habe, Walang hna ha hnö Iehova, ka habe, Wâ bi, haba hnok hna op goranyai oge me he ka kia but, ke haba hnok hna tā oge me he ka oc hmetu; waleling hnyei hia eang.

Je tenge anyi Jeremi 2:6

Ke e ame hia but hûgûnâ hwegiâ umen uma menâ, helâke uma menâ bi hnyi ta hnyei; E ame hia but ohia dok adre me ûkhacaköu hnyin: Haba Iehova ame ohnyingâ hnyi Ziona ûkhacaköu ae ûnyi hnathu, me sabath, Kʼ ame hûkotiâ than me at bihut hnyi anyin hmonyin ae gan.

Hosea 3:4

Anyin ame he lakon Isaraela ka laba thibi hnyi se hia je bong ke ba than, ke ba taben, ke ba at bihut, ke ba veto ame tot, ke iefoda ke hnatheat:

Hosea 9:6

Anyin a wâ bi adre me he me degec hna ûhangö, ke so ame he Aigupito ka ûkhacaköu ödra, kʼ ame he Nofi ka konim ödra: haba hnen anyidra je sileva ae hmanenang, me ame he ka watetaföcö: kʼ ame he ka hnen iwadekong hnyi umödra je uma mano.

Joela 1:7

Ke e ame oba wan anyik vine, me thu anyik imeta: kʼ ame okalaötâ e, me degec; ke hau but je vheiny.

Amosa 4:7

Me oge hia but behânâ we köbun, ke adre me he bi ka menu hwaban kun ta tehi: ke oge me ota we hnyi ke taun, kʼ oge me ca ota hnyi ke taun: kʼ ame ta we ka hnyi hon ke ong dok, ke haba dok ame ca ta we ka hnyin me ame melecâ thö.

Luka 21:24

Ke adre me ke ka ta ge homakan hele vat, me he ka hom hwenbʼ ödra ka aten ta je hnyei: kʼ ame he ka uto Jerusalema hnen aten ta je hnyei, ke ne o but ame bekhöt ut ûen aten ta je hnyei.

Deuteronomi 29:23

me haba hnyei hia me teio, me alase, me ame hiâ, kʼ adre ca belökâ, kʼ ame ca wa, ke ba hnaonying ame kû hnyin, helâ me hna ohia Sodoma, me Gomora, me Adema, me Zeboim, waleji Iehova ame ohia ge anyin hmönyin me anyin û:

Hna Omanenâ 11:6

E unyidru man he ka hlöng drany me me ca he ka ta we hnyi ta je bonginy perofeta a ödru; ke e hu gadru man hon ta je wagewe he ka wia me me dra, me he ka kot hmeledrany ge ta je mok hia helâ me wedru.