Isaia 5:5 - Iaai Bible 1901 (New Caledonia)

⁵ Ke oge me he ka omanenâ walang ang köbun ûnyi oge me he ka ânyâ hnyi ik hnyei vine: oge me he ka hom degecâ haginy, mʼ adre me he ka an dö e; oge me he ka hagutâ haginy, mʼ adre me he ka uto but e:

Isaia 5:5 ပူးပေါင်းရင်းမြစ်များ

Genese 11:4

Ke adre me ha, ka habe, E so ate me otilâ ke taun, me tap ae beû hmâ bân hnyi dranyai, mʼ ate me ölungâ iöta; wâ adre nye ovesei ota hnyi hmeledrany hia.

Genese 11:7

E so ate me utut me omonumonâ hwen hodra, me me ca khana ke at hofuc hwan ke at.

Nehemia 2:3

Me oge me ha ka than, ka habe, E na möt ju than nyiele balua: anyin a ieû ame ca he ka hmak hnyimakök, ke hnyot ut taun ae hnyin je hon lakamök, ke a an dö je homagouleny ge meic?

Salamo 89:40

U je hia but kia haginy je hak hia; U je hia but okongoâ anyin je hnabâ.

Salamo 89:41

Adre me söh e hnen tavat hia adre me vheno gethen: Adre me hiâ e hnen tavat adre me laba hakekenyâ e.

Ta je Vejec 24:31

Ke wâ bi, i watetaföcö but e, Kʼ ame kû takoû e ge vhat, Ke kong ut hak vetoiny.

At Khet 3:3

ûen hlingâ, me ûen ometo; ûen hagutâ, me ûen otilâ;

Isaia 10:6

Oge me he ka kunâ e ka tavat a adre ca ot, ke oge me he ka hûna kâu hnyei ae hmönyik ka hnyin, he ka hûgûnâ ta je omjeû, me söh ta je ûnyi, me uti ödra helâ me hmudra hnyi je gethen.

Isaia 25:10

Anyin ame he ka laba hmâ hnyamö Iehova hon bucen ang, ke adre me he ka ututo Moaba hnyi hnen bi, helâ me hna ututo je thatûnyin hwit hnyi köien tatet.

Isaia 28:18

Ke ame he ka ûnyi baû hnobun hna ûhihinyköu me mok, kʼ ame ca he ka tethmâ hnobun hna tha hien me hedis; ke e ka o thö okongon ae bahihingölö, me adre me he ka utiti öbun.

Isaia 28:3

Adre me he ka ututo ge ta je hnyeûca koronainy biganiny tavat adre me monu ge grâg hnyi Eferaima:

Isaia 32:10

Öbun e he ka öbubuny hnyi je bong ae se hia hon khaca huna, öbun je momo ae monu: anyin ame he ka ba wan vine, ame ca he ka o hna menu.

Jeremia 18:11

Ke walang ang, he thö ka ha ka at Juda me aten Jerusalema, ka habe, Walang hna ha hnö Iehova, ka habe, Wâ bi, oge me he ka penapena ûnyi ae kong hobi köbun, me ûnykûme hna ûnykûme he ka ânyâ köbun: ve hmetu ju öbun walang ang ûnyi hnyi debun ta je gethen ae kong, ke osoâ but debun je gethen me anyibun ta je huliwa.

Jeremia 21:4

Walang hna ha hnö Iehova Khongu Isaraela, ka habe, Wâ bi, oge me he ka ohavâ je omjehen vat ae hnyi je hnyamöbun, waleji ge hnobun hna vat me than Babulona, me at Kaledaia, tavat adre me igigili öbun hoton hna up veto, ke oge me he ka ûkhacaköu ödra hnyi wanben taun ang.

Jeremia 28:8

Haba je perofeta a bödra ehac, ke a bilik bi möu, adre me perofeta ge ta je hnyei ae se hia, me ta je dokhu ae gan, he ka vat, me monu, me mok ae cap.

Jeremia 45:4

U me he ka ha helâng kâu, ka habe, Walang hna ha hnö Iehova, ka habe, Wâ bi, haba hnok hna op goranyai oge me he ka kia but, ke haba hnok hna tā oge me he ka oc hmetu; waleling hnyei hia eang.

Je tenge anyi Jeremi 1:15

Haba Than ame hia but hûkotiâ anyik tavat hwege hia unyik; E ame hia but hawâ ûcûk ûkhacaköu ae ûnyi hnathu he ka oamamâ je wahidröu unyik: Than ame hia but ututo hlu, wale hluiny Juda hnyi hna hlec wan vine.

Je tenge anyi Jeremi 2:6

Ke e ame hia but hûgûnâ hwegiâ umen uma menâ, helâke uma menâ bi hnyi ta hnyei; E ame hia but ohia dok adre me ûkhacaköu hnyin: Haba Iehova ame ohnyingâ hnyi Ziona ûkhacaköu ae ûnyi hnathu, me sabath, Kʼ ame hûkotiâ than me at bihut hnyi anyin hmonyin ae gan.

Je tenge anyi Jeremi 4:12

Ame ca ûnykûme je thaniny hnyei me tavat adre me labâ hmeledrany, A gʼ ame he ka dit hnyi homagouleny Jerusalema iwahnaihmiöny bi ke at ame tot metâ.

Daniela 8:13

Ke inya oge me löng ke at ae kap ame fuc; ke ame fuc minya ke at ae kap ka at eji a bân ka fuc, ka habe, Ke ne o but kehö hna omanenâ ge hudiny leû adre me hudo bala, ke hna hanyâûâ wale at ame öba wan, a gʼ adre hna dok ae kap me utbavat minya, mʼ adre me uto ju?

Hosea 2:12

Ke oge me he ka ohia anyin je vine, me imeta, wale e ame ha gan, ka habe, Wale hwabök a ham könya lawek: ke oge me he ka wia me me hnyot bi, ke ame he je menoiny hnyot ka han.

Hosea 2:14

Anyin a wale, wâ bi oge me he ka lelö e me hom e hnyebuba ai, me ita hofuc kâu.

Luka 21:24

Ke adre me ke ka ta ge homakan hele vat, me he ka hom hwenbʼ ödra ka aten ta je hnyei: kʼ ame he ka uto Jerusalema hnen aten ta je hnyei, ke ne o but ame bekhöt ut ûen aten ta je hnyei.

Hna Omanenâ 11:2

Ke haba hnyeule hoton uma kap, hnen ju, ca ke ka tuluto; anyin adre hia but ham e ka ta je hnyei: ke adre me he ka uto taun ae kap hnyi ta je tehi a fâte tu.