Isaia 5:29 - Iaai Bible 1901 (New Caledonia)

²⁹ ke adre me he ka kuku helâ me liona, adre me he ka kuku helâ me je nak liona: eke, adre me he ka kip me oloû je hanidra, me hom ka hnyi dok ae iyong, ke ame he ka ba at ka omelo.

Isaia 5:29 ပူးပေါင်းရင်းမြစ်များ

Genese 49:9

Haba Juda me nokon liona; U me he, nökuk, ûhem hnyi hanem: Kʼ ame mokut me iâû helâ me liona, Helâ me liona momo; ia ame he ka bwebwelâ e?

Salamo 50:22

Tavat öbun e hnying Khong lö, ûnykûme ju öbun ang, Wâ oge nye he ka kiʼ öbun, ke ba at he ka omelo:

Isaia 10:6

Oge me he ka kunâ e ka tavat a adre ca ot, ke oge me he ka hûna kâu hnyei ae hmönyik ka hnyin, he ka hûgûnâ ta je omjeû, me söh ta je ûnyi, me uti ödra helâ me hmudra hnyi je gethen.

Isaia 31:4

Anyin a walang hna ha hnö Iehova könya, ka habe, Ame fuc hnyinʼ liona me nak liona hon haniny adre me ne hawâ tavat tuö mamoe ae se hia ûcon, kʼ ame ca outen ifucidra, kʼ ame ca iyâû ge imediödra; ke helâe ame he Iehova tuhan sabaoth ka utut he ka vat hnyi hon bucen Ziona, ke hon hutiny eling.

Isaia 35:9

Ame he ka ba liona eling, ke ame ca he ka he kâe meno ame ûhûlû, adre me ca he ka wâ e eling: ke ame he tavat adre ûcû melidra ka vheno e:

Isaia 42:22

Ke hnyei adre hûgûnâ me söh hnyei ang; ke adre nuc ödra hia thithö hnyi je thop, ke adre ikhölʼ ödra hnyi je uma ceat: ödra a tavat hnân hûgûnâ, ke ba at ame tubi ödra; me hnân söh, ke ba at ame ha, ka habe, Ham hmetu but.

Isaia 47:15

Adre me he ka helâe köu ta je ûnyi waleji u je hia but huliwa hnyin: haba tavat adre me ûcû omjeû unyâm hwân ke u tiga wanakat me adre me he ka ve he but hnyi dedra je gethen; ke ba bi at ame he ka omeli u.

Jeremia 2:15

Ame hia but kuku je nak liona, me fuc hwege goranyai: ke adre hia but öba wan iny hnyei; adre me thong anyin je taun, me ba at ame labā e.

Jeremia 4:7

Ame he but liona ûheny hnyi umen ūhnyot, at ame okongoâ je hnyei; e ame he hnyi deny gethen, e ame he ûheny hnyi hnen; he ka obâ aten em hnyei, me öba wan ânyâm je taun, me ba but aten.

Jeremia 49:19

Wâ bi, e ame he ka ölö helâ me liona ûnyi hnyi hmanenanginy Joridano ka hnyi taun ae hwege, ke oge me he ka ie okecâ e ûheny e; ke haba at adre me ûca, oge me he ka otilâ e hon: anyin a ie at ae ûcû mönya? ke ie at ame he ka thu ûen könya? ke ie at tuö mamoe ame he ka tot hnyi hnyimakök?

Jeremia 50:17

Isaraela mamoe adre oveseâ; ame alen e hnen je liona: a bân than Asuria ka an e; ke a biliny Nebukaneza eang than Babulona ame thö je jeien.

Jeremia 51:38

Adre me he ka tha kuku helâ me je nokon liona.

Hosea 11:10

Adre me he ka hnu hotu Iehova, hnyat adre me he ka kuku helâ me liona: anyin a e ame he ka kuku thö, me ame he ka o je wanakat ûhedra jimeû hnyi öbubuny.

Amosa 3:8

A um dö kuku liona, ie at ame ca be ka outen? a hia but Iehova fuc, ie at ame ca he bi ka perofeta?

Mika 5:8

Ke ame he ka e bi kolon ga Jekob unyin ta je hnyei, hnyi wanben tavat ae se hia, helâ me liona unyin je menoiny hnyot, helâ me nak liona hnyi wanben je hnahat mamoe: wale, ame ne he wanben, e ame he ka uto, me oloû kia, ke ba at ame he ka hûgûnâ.

Nahuma 2:11

Ewa uma umen liona, ke dok ame an hnyin je nak liona, wale ame vheno hnen liona ke liona momo, ke nokon liona, ke ba at ame ooti ödra?

Zefania 3:3

Haba anyin je taben unyin, me helâ me je liona ame kuku; anyin bi tavat owisa, me helâ me je luko adre o hnyi sahac; adre me ca hna kolon bi hobi kâu nyi.

Zakaria 11:3

Wale ûkuku tengeiny tavat tuö mamoe! anyin ae kong ut anyidra hmanenang: ûkukuiny je nak liona! anyin ae kong ut hmanenanginy Joridano.

Numera 24:9

E ame cibouca, helâ me man liona, Ke helâ me liona momo; ie at ame he ka bwebwelâ? Ame he ka hnahic at ame hahnahici u, Kʼ adre me he ka hangâ at ame hangö u.