Isaia 5:27 - Iaai Bible 1901 (New Caledonia)

²⁷ ame ca he ke at gadrin ka sēnyin me haû; e ba at ame he ka tamokut me mokut; kʼ ame ca ok bi wen hnyekudra, kʼ ame ca mou bi hna hûkâlâ hnyeûcadra:

Isaia 5:27 ပူးပေါင်းရင်းမြစ်များ

I. Je Than 2:5

Ke haba khaca, e khanö u but waleji a ânyâ könya Joab nöku Zeruia, waleji e ame ânyâ ka li taben vat anyin at Isaraela, jia Abinera nöku Neri, me Amasa nöku Jether, a li at e ame hlingâ, me hingâlâ dren vat hnyi ûen hnahic, me ip dren vat hon wen hnyekon hnyi hnyin, me hnyi tangen hnyeûcan hnyi li can.

Jobu 12:18

E ame thang je than adre ca, Kʼ ame hûkâlâ bi wen hnyok hnyi je hnyidrin.

Jobu 12:21

E ame hingâlâ but ûöhûköti hon je than, Kʼ ame thang wen hnyekon tavat ae hwege.

Salamo 18:32

Wale Khong at ame oweikö nya ge man, Me owisa dek gethen.

Salamo 93:1

IEHOVA ame musi; e ame khavâ ge hmanenang; Iehova ame khavâ, e ame oweikâ e ge hwege: Adre otethmâ minya hmeledrany, me ma ca khana he ka bwebwet.

Ta je Vejec 3:23

Me u me he ka he khötkic hnyi dem gethen, Kʼ ame ca he ka haû cam.

Isaia 11:5

Ke wen hnyekon hwakecin bi ae wisa, ke wen fetriny hwakecin bi ae hnathu.

Isaia 45:1

WALANG hna ha hnö Iehova kö Koreso, a at e ame hû, at oge me kât hnyamen a metân he ka hom ûhnyûkongoâ je hnyei hnyi hnyimakan, ke oge me he ka thang wen hnyin je than; he ka khong je hlinginy hnyi hnyimakan, kʼ adre me ca he ka hlöng je homagöule;

Isaia 45:5

Inya Iehova, ke ba ju ke at; ke ba ju ke Khong, ke hake inya ke: oge me he ka oweikâ hnyâm, ke ca khanö u bi nya:

Daniela 5:6

Me ame hwio hnyimakan than, ke ame ohmakâ e hnen je ûnykûmenen; ke ame memen dut je jeien hnyin, ke ame öbubuny but li boucan.

Mataio 3:4

Ke haba Ioane ame khavâ ûkhaû a leûnen kamela, kʼ ame ca hnyekon ge wen a unen meno; ke haba hing an jeû me hamon me haniiny hnyot.

Deuteronomi 32:25

Ame he hele vat ka otengiâ eû hnyou, Ke ot eiö hnyin uma; Ame he ka hlingâ hidröu me hlu baû, Hendreng me at ae hûen.