Isaia 5:25 - Iaai Bible 1901 (New Caledonia)

²⁵ Anyin a wale ame han hmonyin anyi Iehova ka lakeiny, ke e ame nang hnyamen hudra, me kuc ödra, me ame öbubuny je ong bucen, ke haba je unyidra a mokcu, me helâ me ûnyi ae ikiki eû hnyi gethen. Ke hnyi ta je ûnyi e, e ame ca wia bi anyin i hmonyin, ke ame inâ bala bi hnyamen.

Isaia 5:25 ပူးပေါင်းရင်းမြစ်များ

I. Je Than 14:11

Haba atö Jeroboama ame ne he ka mok hnyi taun, me ame he je kuli ka an; ke haba at ame he ka mok hnyi hnyei, me ame he je meno ame gâ ka an: anyin a hia but Iehova ha.

I. Je Than 16:4

Haba hanö Baasa ame he ka mok hnyi taun, ame he je kuli ka an, ke haba hanen ame he ka mok hnyi ta hnyei, ame he je meno ame gâ ka an.

I. Je Than 21:24

Haba hanö Ahaba ame he ka mok hnyi taun, me ame he je kuli ka an, ke haba at ame he ka mok hnyi ta hnyei, me ame he je meno ame gâ ethö ka an.

II. Je Than 13:3

Me ame ubâhlâ thö hmonyin anyi Iehova ka at Isaraela, me e ame hnʼ ödra ka hnyi hnyamö Hazaela than Suria, me ka hnyi hnyamö Ben-adada nöku Hazaela hnyi je bong hia.

II. Je Than 9:37

kʼ ame he unyi Jezebela ka helâ me tet hon kânâ hnyi hnyei Jezerela; mʼ adre me ca he ka ha, ka habe, Wale Jezebela.

II. Man Ûlabainy Je Than. 36:16

Ke so bi ödrin e hluma je uthumetu anyin Khong, me hûkotiâ hwan hofuc, me hiâ anyin je perofeta, ke ne o but ame okûâ hmonyin anyi Iehova ka lakeiny, ke ne o but ae ba ûnyi hnân omelö.

Jobu 9:13

Khong ame ca he ka ohmeto anyin hmonyin; Ame he ta je hnyok bi gan hia ka khudrung kâu.

Salamo 106:40

Anyin a wale, ame ubâhlâ thö hmönyin anyi Iehova ka lakeiny, Me e ame hûkotiâ jekhon.

Salamo 114:7

Hmeledrany lö, öbubuny ju hnyi hnyimakan Than, Hnyi hnyimakan Khongu Jekob;

Salamo 18:7

Ke ame bwebwet me öbubuny hmeledrany, Ke memeny dö minya taben je bucen, Ke okokok ut, anyin a e hmonyin.

Salamo 68:8

Ame öbubuny hmeledrany, Ame ta but minya drany hnyi hnyimakan Khong: Waleling Sinai hnyi hnyimakan Khong, Khongu Isaraela.

Salamo 77:18

E hnyi höu hwan ânyâm than; Je hucuce adre me öumumelamâ hmeledrany: Ke hmeledrany ame öbubuny me bwebwet.

Salamo 78:38

Ke e at ae unöngöt ge ibetengiö, me e ame thang anyidra hulo, kʼ ame ca ohiʼ ödra bi: Eke, e ame osehia ohmeto anyin hmonyin, Ke ame ca oubâhlâ anyin wathethot.

Salamo 83:10

Waleji adre ohiʼ ödra hnyi Eni-dora; Adre me wiʼ ödra me me helâ me tatet hobi kâu kânâ.

Esodo 7:19

Ke Iehova ame ha kö Mose, ka habe, Ha thö kö Arona, ka habe, Hom dö ânyâm uci, me hai hnyamâm hon ta je köiö hnyi Aigupito, hon anyidra ta je di, me anyidra je wagewe, me belidra je an, me anyidra je köiö hia, me me dra but; kʼ ame he ka hu dra hnyi hnyei Aigupito hia, hnyi ta je kaia utö me veto.

Isaia 10:4

Adre me he bi ka tha iyâû thibi me ta je bâ, me tha ta me tavat adre me hlingâ. Ke hnyi ta je ûnyi e hia, e ame ca hwio hnyi anyin hmonyin, kʼ ame lau bala bi hnyamen.

Isaia 10:6

Oge me he ka kunâ e ka tavat a adre ca ot, ke oge me he ka hûna kâu hnyei ae hmönyik ka hnyin, he ka hûgûnâ ta je omjeû, me söh ta je ûnyi, me uti ödra helâ me hmudra hnyi je gethen.

Isaia 14:19

Ke haba u, me adre digic u helâ me anginy ae ikiki ke ba erkemok gam, ke helâ ûkhaûen komok, adre dâ ge hele vat, adre me utut ka hnyi ta je veten thop; ke helâ me komok adre; me uto hmelen je cadrin.

Isaia 23:11

E ame hia but hai hnyamen hon köiö, e ame oöbubunyâ je dokhu: a hia but hûna Iehova ge Kanana, mʼ adre me he ka ohia je hnabâiny.

Isaia 25:11

Ke e ame he ka inâ li hnyamen hnyi wanben, helâ me at ame hai ame hinobeny: ke e ame he ka ohnyikânâ anyin bigan tha e me bibihwakeoin anyin li hnyamen.

Isaia 29:2

me oge me he ka ovecâ Ariela, ke ame he ka hu hlöuhlöu me tenge: ke e ame he ka hing Ariela könya.

Isaia 42:25

Anyin a wale e ame hingâlâ hudra ûganiny anyin hmonyin, me ihwegien anyin vat; ke e ame vâc e igigilo e, ke e ca khana bi; ke ame hiâ e, ke e ame ca ûnykûme bi.

Isaia 51:20

Ame ta but je lakom, adre me mokut hnyi je hna saû hia hnyi gethen, helâ me gotiny hnyot ame hnok hnyi ert; adre unöngötö ge hmonyin anyi Iehova, wale hna thawâ hnen Khongom.

Isaia 64:3

Waleji hnyi hnâm hna ânyâ je ûnyi hnân outen waleji öhmun e ca ûnykûme, u je utut, me ame badedö but je bucen hnyi hnyimâkâm.

Isaia 66:15

Anyin a wâ bi, ame he Iehova ka o me meic, ke helâ me hou anyin je kariöta; me me ohmeto anyin hmonyin hnyi wathethot, me hnen hna thawâ hnyi bâhlân meic.

Isaia 66:24

Ke adre me he ka he me wâ ta je unyin tavat adre mokcu, a tavat adre hia but ûkhiny fuc mönya: anyin ame ca he ka mok hnödra waahnyöng, kʼ ame ca he bi ka mok anyidra meic; ke ame he bi tavat hia thithö ka hûköti ödra.

Isaia 9:11

Anyin a wale ame he Iehova ka otilâ gorany kâu je iwahnaihmiony me Rezina, me obwebwelâ anyin je iwahnaihmiony;

Isaia 9:16

Anyin a haba tavat adre me su tavat ang, me wale tavat omonu ödra; ke adre me ohi ödra a tavat he hotudrin.

Isaia 9:17

Anyin a wale ame ca he Than ka senyin ge je hidröu unyidra ke e ame ca he ka betenge ge tavat ae ba kamödra, me je safac: anyin a ödra hia thithö adre me ca ot, ke tavat bi ae kong, me je hnyem hia ame hwen monu. Hnyi ta je ûnyi e hia, ame ca hwio anyin hmonyin, ke ame lau bala bi hnyamen.

Isaia 9:20

Ame he ke at ka söh hnyi ke keihen a metâ, kʼ ame he ka mekihnânem bala bi; ke e ame he ka han hnyi ke keihen me, kʼ ame ca he ka sekon bi: kʼ adre me he ka ve an viny je benyidra bi:

Isaia 9:21

Manase ame he ka ön Eferaima; ke Eferaima ame he ka ön Manase: kʼ ödru ma he ka tha hiödru ka vat me Juda. Ke hnyi ta je ûnyi e hia, e ame ca hwio hnyi anyin hmonyin, kʼ ame lau bala bi hnyamen.

Jeremia 15:3

Ke oge me he ka otilâ kodra vak ta ûnyi, haingö Iehova: wale hele vat he ka hlingâ, me je kuli he ka oloû kia, me ta je meno ame gâ, me ta je menoiny hnyot he ka an me ohia.

Jeremia 16:4

Adre me he ka mok ge je mok ae kong; adre me ca he ka tenge gadra, ke adre me ca he ka konim ödra; adre me he ka hnân tatet hon kânâ; ke ame he ka ön ödra hnen hele vat me hmiâ, ke ame be je unyidra ka hnân an ta je meno ame gâ ethö, me je menoiny hnyot.

Jeremia 17:4

Ke haba u, u me ka he ka hamâm bi degec em hnyei waleji oge? ham köu; ke oge me he ka kunö u he ka bi athnyaba ka je iwahnaihmiony möu, hnyi hnyei ae ca khanö u: anyin a öbun e hia but hû meic eû hnyi hnyekuk, ke ame he bala bi ka möt.

Jeremia 4:24

Oge me wâ je bucen, ke wâ bi, adre me öbubuny, ke haba je hut hia adre me jijing.

Jeremia 4:8

Can e, weikâ ju öbun mano ae gan nân, tenge thö me kuku; anyin ame ca hmetu gata hmonyin ae gan hmâ anyi Iehova.

Jeremia 6:12

Ke ame he ka umen ke keihen umödra je uma, tha e me ta je hnyei me omomo: anyin oge me he ka hai hnyamok hon aten hnyei, haingö Iehova.!

Jeremia 8:2

ke adre me he ka ve ip ödra hnyi hnyimakan seûno me tehi, me je dö hia hnyi drany, waleji adre me hnyok kâu, me bi athnyaba kâu, me hnu hoton, me elâm, me khudrung kâu: adre me ca he ka ûkhacaköu me konim ödra; adre me he ka hnân tatet hnyi kânâ.

Jeremia 9:22

Ha thö, ka habe, Walang hna ha hnö Iehova, ka habe, Ame he tavat adre mokcu ka ta hnyi ta hnyei helâ me tatet, me helâ me je thi hwit hwaban at ame subâ, ke ba at ame he ka hlu ödra.

Je tenge anyi Jeremi 5:22

Ke so bi u je hia but ti hna degeci ohmun, U je hmonyâm hmonyin kohmun.

Ezekiela 15:6

Anyin a wale walang hna ha hnen Than Iehova, ka habe, Haba vine unyin ûöiny hnyot, me oge me hna hnân an meic, helâe oge me he ka hna aten Jerusalema.

Ezekiela 30:25

Ke oge me he ka ogöranyâ li hnyamen than Babulona, kʼ ame he bi ka him li benyi Farao; ke adre me he ka wâ a inya Iehova, iny ka hia but ham anyik hele vat ka hnyi hnyamen than Babulona, ke e ame he ka hai hon hnyei Aigupito.

Ezekiela 6:14

Ke oge me he ka hai hnyamok hudra me oba wan hnyei me wia ka hnyot, hwân hnyi hnyebuba hnyi Dibela, hnyi je hnyabadra hia: ke ame he ka khanʼ ödra a inya Iehova.

Daniela 9:16

Than lö, ö u ohaûâ but ânyâm hmonyin me ânyâm wathethot ûnyi hnyi ânyâm taun a Jerusalema, ânyâm bucen ae kap, hoton ânyâm wisa: anyin a can anyihmun je hulo, me je hwakecin lakamöhmun ae kong, adre me haikongoâ Jerusalema, me lakem, hnen tavat hia igigili öhmun.

Hosea 14:4

Oge me he ka osoâ hna digic nya gadra: anyin ame hwio gadra anyik hmonyin.

Amosa 8:8

Hawa, ame ca he tavat ka öbubuny can eling, ke tenge hia tavat adre me labâ e? eke, e ame he bi ka khibi hia helâ me Wagewe; ke e ame he ka bwebwelâ, kʼ ame he ka dit hmetu ju, helâ me wageweiny Aigupito.

Mika 1:4

Me ame he je bucen ka köiö hnyi hmelen, kʼ ame he ka hmouca hnyigöulen je bucen, helâ me wasu hnyi meic, ke helâ me köiö ame hingölö hnyi dok ae hwatapkolu.

Nahuma 1:5

Ame öbubuny je bucen gan, ke ame köiö but je hut; ke ame khibi goranyai kânâ hnyi hnyimakan, eke, hmeledrany, me tavat adre me labâ e.

Habakuka 3:10

Haba je bucen adre me ô u, me ot; Ame be but hwegeiny di: Ame mea dok ae dit, Me hinôbeny goranyai.

Zefania 1:17

Ke oge me he ka ovecâ tavat, mʼ adre me he ka he helâ me je wadröu, anyin adre hia but ânyâ hulö kö Iehova: ke adre me he ka hingâlâ drö-dra helâ me sesâ, me utioidra minya helâ me tatet.

Deuteronomi 31:17

Ke ame he ka ubâhlâ anyik hmönyin ködra hnyi bong eling, ke oge me he ka, hna degeci ödra, me ikhâlâ hnyimakök gadra, kʼ adre me he ka ön ödra, ke ame he ka o ködra je hulö me vec ae se; mʼ adre me he ka ha hnyi bong eling, ka habe, Hawa, ame ca o köta je hulö ang can Khong a ca tha e möta?

Deuteronomi 31:18

Ke oge me he ka ikhâlâ hnyimakök hnyi bong eling, can ta je hulö hia adre me he ka ânyâ, anyin a hnyimaködra bi ka ta je khong.

I. Thesalonika 2:16

kʼ adre me thawʼ öhmun he ka fuc ka Aten ta je hnyei, wale me me ca he ka hu möt gadra; kʼ adre me obekhötâ bala anyidra hulo: ke ame o but kodra hmonyin he ka oumo.

Hna Omanenâ 20:11

Ke oge me wâ theron ae gan ae hau, me at ame tabâ, ke ame kec hnyi hnyimakan hmeledrany me drany; ke ca manen bi ke dok hobi ködru.