Isaia 5:20 - Iaai Bible 1901 (New Caledonia)

²⁰ Ekölö gadra adre me ha ûnyi ae kong, me so; ke haba so, me kong; me ip menekholom hnyi hnen lany, ke lany hnyi hnen menekholom; me ip hiny hnyi hnen hnebwia, ke hnebwia hnyi hnen hiny!

Isaia 5:20 ပူးပေါင်းရင်းမြစ်များ

Jobu 17:12

Odrin e wia hnyinghet me me lany: Ke ûhakekenyi lany me menekholom.

Esodo 23:7

Ûsâkâûö u but me hofuc ae thoi; ke ca he ka kot at ae ba kongou, ke wisa hwakecin: anyin oge me ca he ka haiwisa at ae kong.

Ta je Vejec 17:15

Haba at ame haiwisa at ae kong, ke at ame haikongoâ at ae wisa, Me tha hmiö Iehova hia ödru.

Ta je Vejec 4:17

Anyin adre me han aretoiny hulo, Me ijem wainainy ûokonguny.

Isaia 24:9

Adre me ca he ka ic waina me khumöng; kʼ ame he ka hiny grâg ka tavat adre me ijem e.

Isaia 29:21

a tavat adre me bijoniny at hnyi hna ivino, me lau hnewe hobi kâu at ame nâ hnyi homagöule, me ohaûâ at ae wisa ke ba can.

Isaia 30:10

tavat adre me ha ka tavat wâ, ka habe, Ca wâ ju; me ha ka ta je perofeta, ka habe, Ca omanenâ kohmun wisa, ha bi thö kohmun ûnyi ae menyik, perofeta thö tang iyawo:

Isaia 32:5

Adre me ca he hmetu ka ha ge at ae monu, a e at betenge bi, kʼ adre me ca he ka ha ge at iyawo, a e at ame ham gânâ bi.

Ezekiela 13:19

Ke öbun e hia but okongu nya unyin lakeik hwaban je hnyam bali, me je ujeû, he ka hlingâ tavat a ca hnân bi mok, me omelo tavat a ca hnân bi möt, hnen anyibun thoi ka ta je atök tavat adre me long thoi.

Amosa 5:7

öbun tavat öbun e wia hna owisa me me helâ me khöhlöng, me khûâ hnyikânâi hwakecin ae wisa;

Mika 3:2

tavat adre me hûkotiâ so, ke wedra hulo; tavat adre me uja unen unyidra, ke viny ûnyi hnyi je jeiödra;

Habakuka 1:4

Anyin a wale adre me oûnyibâûâ hnanyibu, ke ame ca he but hna owisa bala ka hwâdâ; anyin a tavat ae kong adre me igigilo tavat ae wisa; anyin a wale ame he but hna owisa ae hwali.

Malaki 2:17

Öbun e hia but ohmakö Iehova ge je ifucibun. Ke haingöbun, ka habe, Öhmun e ohmakâ e ge ieû? Anyin öbun e ha, ka habe, E so kö Iehova tavat hia adre me ânyâ hulö, ke e ame senyin kodra; ke haingöbun, ka habe, Ewa Khong at ame owisa?

Malaki 3:15

Ke walang ang ate me he ka ha me hnahic ut at ame bi gan; eke, adre me op goranyai tavat adre me ânyâ hulö; eke, adre me cubic Iehova, ke ödra ka möt bi.

Luka 16:15

Ke e ame ha kodra, ka habe, Öbun tavat öbun e owisʼ öbun bi hnyi hnyimakan tavat; ke khana bi Khong je hnyekubun: anyin a haba ûnyi ame oûnyihnathoâ at, me, ikiki bi ling hnyi hnyimakan Khong.

Deuteronomi 25:1

A NE hu ivinö anyin tavat, kʼ ödrin e hom ka hnyi hna owisa, kʼ adre me owisa ködrin; me adre me he ka haisoâ at ae wisa, me hangâ at ae kong;

II. Peteru 2:1

KE ame o thö minya ta je perofeta thoi ehac unyin tavat, ke helâe ame he ka hu tavat ûne thoi unyibun, tavat adre me he ka okûâ duöngâ ta je imouköu ae hnaûhango, me he ka ivinoâ Than at ame ûcû ödra, adre me okûâ kodra bi hnaûhango ae logot.